ತೆಲುಗಿನಲ್ಲಿ ಸಮಂತಾ ಯೂ-ಟರ್ನ್ ಹೊಡೆಯುವುದು ಯಾವಾಗ.?

ಸಂತಸದಲ್ಲಿ ಪವನ್ ಕುಮಾರ್

''ಕಥೆ ಹೇಳುವಲ್ಲಿ ಹೊಸ ಅನುಭವ ಕೊಟ್ಟ ಚಿತ್ರ ಇದು. ಪ್ರತಿಭಾವಂತ ಚಿತ್ರತಂಡದಿಂದ ನಾನು ತುಂಬಾ ಕಲಿತಿದ್ದೇನೆ'' ಎನ್ನುವ ಮೂಲಕ 'ಯು-ಟರ್ನ್' ಚಿತ್ರದ ಫಸ್ಟ್ ಲುಕ್ ಬಿಡುಗಡೆ ಮಾಡಿದ್ದಾರೆ ನಿರ್ದೇಶಕ ಪವನ್ ಕುಮಾರ್.

ನಟಿ ಸಮಂತಾ ಮಾಡಿರುವ ಟ್ವೀಟ್ ಏನು.?

''ಈ ಚಿತ್ರದ ಬಗ್ಗೆ ನನಗೆ ತುಂಬಾ ನಂಬಿಕೆ ಇದೆ. ಸೆಪ್ಟೆಂಬರ್ 13 ರಂದು ತೆಲುಗು ಹಾಗೂ ತಮಿಳಿನಲ್ಲಿ ಈ ಚಿತ್ರ ಬಿಡುಗಡೆ ಆದ್ಮೇಲೆ ನೀವೂ ಕೂಡ ಇದನ್ನೇ ಹೇಳ್ತೀರಾ ಎಂಬ ನಂಬಿಕೆ ನನಗೆ ಇದೆ'' ಎಂದು ಟ್ವೀಟಿಸಿದ್ದಾರೆ ನಟಿ ಸಮಂತಾ

ಟ್ವಿಟ್ಟರ್ ನಲ್ಲಿ ಟ್ರೆಂಡಿಂಗ್

ತಮಿಳು ಹಾಗೂ ತೆಲುಗಿನಲ್ಲಿ ಮೂಡಿ ಬರುತ್ತಿರುವ 'ಯು-ಟರ್ನ್' ಚಿತ್ರದ ಫಸ್ಟ್ ಲುಕ್ ನ ಖ್ಯಾತ ಟ್ರೇಡ್ ಎಕ್ಸ್ ಪರ್ಟ್ ತರಣ್ ಆದರ್ಶ್ ಕೂಡ ಟ್ವೀಟ್ ಮಾಡಿದ್ದಾರೆ. ಸದ್ಯ ಟ್ವಿಟ್ಟರ್ ನಲ್ಲಿ 'ಯು-ಟರ್ನ್' ಫಸ್ಟ್ ಲುಕ್ ಟ್ರೆಂಡಿಂಗ್ ಆಗುತ್ತಿದೆ.

ಬಿಡುಗಡೆ ಯಾವಾಗ.?

ತೆಲುಗು ಹಾಗೂ ತಮಿಳಿನಲ್ಲಿ ರೆಡಿ ಆಗಿರುವ 'ಯು-ಟರ್ನ್' ಚಿತ್ರದಲ್ಲಿ ಸಮಂತಾ ಅಕ್ಕಿನೇನಿ, ರಾಹುಲ್ ರವೀಂದ್ರನ್, ಭೂಮಿಕಾ ಚಾವ್ಲಾ ಸೇರಿದಂತೆ ದೊಡ್ಡ ತಾರಾಬಳಗವೇ ಇದೆ. ಈ ಚಿತ್ರಕ್ಕೂ ಕನ್ನಡಿಗ ಪವನ್ ಕುಮಾರ್ ಆಕ್ಷನ್ ಕಟ್ ಹೇಳಿದ್ದಾರೆ. ಈ ಸಿನಿಮಾ ಸೆಪ್ಟೆಂಬರ್ 13 ರಂದು ಬಿಡುಗಡೆ ಆಗಲಿದೆ.