ಚಿತ್ರಗಳು: ಭರ್ಜರಿಯಾಗಿ ದನ ಕಾಯುತ್ತಿರುವ ವಿಜಿ ಮತ್ತು ಪ್ರಿಯಾಮಣಿ..!

ಹುಡುಗಿಯರ ಲೆಗ್ಗಿಂಗ್ಸ್ ಧರಿಸಿದ ವಿಜಿ

ಭಟ್ಟರ ದನ ಕಾಯಲು ನಟ ದುನಿಯಾ ವಿಜಿ ಅವರು ಹುಡುಗಿಯರು ಧರಿಸುವ ಲೆಗ್ಗಿಂಗ್ಸ್ ಧರಿಸಿದ್ದಾರೆ. ಯೋಗರಾಜ ಭಟ್ಟರ ಆತ್ಮೀಯನಾಗಿರುವ ವಿಜಿ ಅವರು ಭಟ್ಟರ ಆದೇಶದ ಮೇರೆಗೆ ಲೆಗ್ಗಿಂಗ್ಸ್ ಧರಿಸಿದ್ದಾರೆ. ವಸ್ತ್ರ ವಿನ್ಯಾಸಕಿ ಪವಿತ್ರ ಅವರು ವಿಜಯ್ ಅವರಿಗೆ ವಿಶೇಷವಾಗಿ ಈ ವಿಭಿನ್ನ ಬಟ್ಟೆಯನ್ನು ಡಿಸೈನ್ ಮಾಡಿದ್ದಾರೆ. ಹಳ್ಳಿಯ ಹುಡುಗನಾಗಿ ವಿದೇಶಿ ಬಟ್ಟೆಗಳ ಮೋಹ ಹೊಂದಿರುವ ವಿಜಿ ಅವರಿಗೆ ಈ ಥರದ ಕಾಸ್ಟ್ಯೂಮ್ ರೆಡಿ ಮಾಡಲಾಗಿದೆ.

ಗೋಡೆ ಏರಿದ ವಿಜಿ

'ದನ ಕಾಯೋನು' ಚಿತ್ರದಲ್ಲಿ ಸನ್ನಿವೇಶಕ್ಕೆ ತಕ್ಕಂತೆ ದೃಶ್ಯವೊಂದರ ಶೂಟಿಂಗ್ ಸಂದರ್ಭದಲ್ಲಿ ನಟ ದುನಿಯಾ ವಿಜಯ್ ಅವರು ಗೋಡೆ ಏರಿ ಕುಳಿತಿರುವ ದೃಶ್ಯ.

ಶಾಟ್ ವಿವರಿಸುತ್ತಿರುವ ಭಟ್ರು

ಶೂಟಿಂಗ್ ಸ್ಟಾಟ್ ನಲ್ಲಿ ನಟಿ ಪ್ರಿಯಾಮಣಿ, ನಟ ದುನಿಯಾ ವಿಜಿ, ರಂಗಾಯಣ ರಘು ಹಾಗೂ ಬೀರಾದಾರ್ ಅವರಿಗೆ ಚಿತ್ರದ ಶಾಟ್ ಬಗ್ಗೆ ವಿವರಿಸುತ್ತಿರುವ ನಿರ್ದೇಶಕ ಯೋಗರಾಜ್ ಭಟ್.

ಬೀರಾದಾರ್ ಗೆ ಆಕ್ಷನ್-ಕಟ್ ಹೇಳಿದ ಭಟ್ರು

ಕಾರಿನಲ್ಲಿ ಕುಳಿತಿರುವ ದೃಶ್ಯವೊಂದರ ಶೂಟಿಂಗ್ ಸಂದರ್ಭದಲ್ಲಿ ನಟ ಬೀರಾದಾರ್ ಅವರಿಗೆ ರೋಲ್-ಕ್ಯಾಮರ-ಆಕ್ಷನ್ ಎಂದ ನಿರ್ದೇಶಕ ಯೋಗರಾಜ್ ಭಟ್ರು.

ಚಡ್ಡಿದೋಸ್ತ್ ಗಳಿಬ್ಬರ ಮಸ್ತಿ

ಶೂಟಿಂಗ್ ಸ್ಪಾಟ್ ನಲ್ಲಿ ನಟ ದುನಿಯಾ ವಿಜಿ ಹಾಗೂ ಬಹುಮುಖ ಪ್ರತಿಭೆ ರಂಗಾಯಣ ರಘು ಅವರು ಮಸ್ತಿ ಮಾಡಿ ಸಂಭ್ರಮಿಸಿದರು. ರಂಗಾಯಣ ರಘು ಅವರು ಮಾಡಿದ ಯಾವುದೋ ಜೋಕ್ ಗೆ ದುನಿಯಾ ವಿಜಿ ಅವರು ಬಾಯ್ ಬಿಟ್ಟು ನಕ್ಕ ಪರಿ ಇದು.

ದನದ ಕೊಟ್ಟಿಗೆಯಲ್ಲಿ ಪ್ರಿಯಾಮಣಿ

ದನದ ಕೊಟ್ಟಿಗೆಯ ದೃಶ್ಯವೊಂದರ ಶೂಟಿಂಗ್ ಗಾಗಿ ದನಗಳೊಂದಿಗೆ ದನದ ಕೊಟ್ಟಿಗೆಯಲ್ಲಿ ಬೀಡು ಬಿಟ್ಟ ನಟಿ ಪ್ರಿಯಾಮಣಿ. ಗ್ಲಾಮರ್ ಬೆಡಗಿಯಾದ ಪ್ರಿಯಾಮಣಿ ಅವರು ಗ್ಲಾಮರ್ ಲೆಸ್ ಆಗಿ ಈ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಶೂಟಿಂಗ್ ಸ್ಪಾಟ್ ನಲ್ಲಿ ಜನಜಾತ್ರೆ

ಗ್ರಾಮೀಣ ಪ್ರದೇಶದಲ್ಲಿ ಚಿತ್ರೀಕರಣಗೊಳ್ಳುತ್ತಿರುವ ಭಟ್ರ 'ದನ ಕಾಯೋನು' ಚಿತ್ರೀಕರಣ ನೋಡಲು ಜನ ಸಾಗರ ಹರಿದುಬಂದಿತ್ತು. ಅದರಲ್ಲೂ ಹಳ್ಳಿಯ ಜನ ತಮ್ಮ ತಮ್ಮ ಮನೆಯ ಮಾಡಿನ ಮೇಲೇರಿ ಶೂಟಿಂಗ್ ವೀಕ್ಷಿಸಿದರು.

ಪೋಸ್ ಕೊಟ್ಟ ಪ್ರಿಯಾಮಣಿ

ಶೂಟಿಂಗ್ ಮಧ್ಯದಲ್ಲಿ ಕೊಂಚ ಬಿಡುವು ಸಿಕ್ಕಾಗ ನಟಿ ಪ್ರಿಯಾಮಣಿ ಹಾಗೂ ನಟ ರಂಗಾಯಣ ರಘು ಅವರು ಪಕ್ಕಾ ದನ ಕಾಯುವವರಂತೆ ಕ್ಯಾಮರಕ್ಕೆ ಫೋಸ್ ಕೊಟ್ಟರು.