ಅವತ್ತು ಮೇ 11 ನೇ ತಾರೀಖು. ಕಿಚ್ಚ ಸುದೀಪ್ ನಿರ್ಮಾಣದಲ್ಲಿ ತಯಾರಾಗುತ್ತಿರುವ 'ಜಿಗರ್ ಥಂಡ' ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭ ಬೆಂಗಳೂರಿನ ರಿಟ್ಜ್ ಕಾರ್ಲ್ಟನ್ ಹೊಟೇಲ್ ನಲ್ಲಿ ಆಯೋಜಿಸಲಾಗಿತ್ತು.
ಬಹುಶಃ ಅಂದು ತಮಗೆ ಸರ್ ಪ್ರೈಸ್ ಸಿಗಲಿದೆ ಅಂತ ಸುದೀಪ್ ಅಂದುಕೊಂಡಿರಲೇ ಇಲ್ಲ. ಕ್ರೇಜಿ ಸ್ಟಾರ್ ರವಿಚಂದ್ರನ್, ನಟ ರವಿಶಂಕರ್ ಜೊತೆ ಸಮಾರಂಭಕ್ಕೆ ಆಗಮಿಸಿದ ನಟ ಸುದೀಪ್ ಗೆ ಅಚ್ಚರಿ ಆಗಿದ್ದು ಪುತ್ರಿ ಸಾನ್ವಿ ಹಾಗು ಪತ್ನಿ ಪ್ರಿಯಾ ನೋಡಿದ್ಮೇಲೆ.! [ವೈಯುಕ್ತಿಕ ಜೀವನದ ಬಗ್ಗೆ ಕಿಚ್ಚ ಸುದೀಪ್ ಬಾಯ್ಬಿಟ್ಟ ಸತ್ಯ]
ಸಭಾಂಗಣದಲ್ಲಿ ಪುತ್ರಿಯನ್ನ ನೋಡಿದ ತಕ್ಷಣ ಕಿಚ್ಚ ಸುದೀಪ್ ಅಪ್ಪಿಕೊಂಡು ಮುದ್ದಾಡಿದರು.
ಅಷ್ಟಕ್ಕೂ, 'ಜಿಗರ್ ಥಂಡ' ಆಡಿಯೋ ಬಿಡುಗಡೆ ಸಮಾರಂಭಕ್ಕೆ ಪ್ರಿಯಾ ಹಾಗೂ ಸಾನ್ವಿಗೆ ಆಹ್ವಾನ ನೀಡಿದವರು ನಾಯಕ ನಟ ರಾಹುಲ್. ವರ್ಷದ ಹಿಂದೆ, 'ಜಿಗರ್ ಥಂಡ' ಮುಹೂರ್ತ ನಡೆದದ್ದು ಪ್ರಿಯಾ ಹುಟ್ಟುಹಬ್ಬದಂದು. ನಿಜ ಹೇಳ್ಬೇಕಂದ್ರೆ, ಪ್ರಿಯಾ ಅವರ ಮಾತಿನ ಮೇರೆಗೆ 'ಜಿಗರ್ ಥಂಡ' ಚಿತ್ರಕ್ಕೆ ರಾಹುಲ್ ನಾಯಕನಾಗಲು ಸುದೀಪ್ ಅವಕಾಶ ನೀಡಿದ್ದು. ಆ ಸೆಂಟಿಮೆಂಟ್ ನಿಂದ ಪ್ರಿಯಾರನ್ನ ರಾಹುಲ್ ಇನ್ವೈಟ್ ಮಾಡಿದ್ದರು. ಈ ವಿಚಾರ ಸುದೀಪ್ ಗೆ ಗೊತ್ತಿರಲಿಲ್ಲ.
ಒಂದ್ಕಡೆ, 'ಜಿಗರ್ ಥಂಡ' ಆಡಿಯೋ ಬಿಡುಗಡೆ ಸಮಾರಂಭ. ಇನ್ನೊಂದ್ಕಡೆ ಮಗಳು ಸಾನ್ವಿ ಹುಟ್ಟುಹಬ್ಬ. ಜನ್ಮದಿನದಂದು ಮಗಳನ್ನು ಕಂಡ ಖುಷಿಯಲ್ಲಿ ಅದೇ ವೇದಿಕೆಯಲ್ಲಿ ಸಾನ್ವಿ ಹುಟ್ಟುಹಬ್ಬವನ್ನೂ ಸುದೀಪ್ ಆಚರಿಸಿದರು.
ಸುದೀಪ್ ಹಾಗೂ ಪ್ರಿಯಾ ಬೇರೆ ಬೇರೆ ಆಗಿ ಸುಮಾರು ದಿನಗಳು ಕಳೆದಿವೆ. ವಿಚ್ಛೇದನ ಪಡೆಯಲು ಕೋರ್ಟ್ ಮೆಟ್ಟಿಲೇರಿದ್ದಾರೆ. ಮನಸ್ತಾಪ ಏನೇ ಇದ್ದರೂ, 'ಜಿಗರ್ ಥಂಡ' ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ಇಬ್ಬರೂ ಕ್ಯಾಮರಾ ಕಂಗಳಲ್ಲಿ ಒಟ್ಟಾಗಿ ಕಾಣಿಸಿಕೊಂಡರು. [ಅಚ್ಚರಿ.! ಮನಸ್ತಾಪ ಮರೆತು ಒಂದಾದ್ರಾ ಸುದೀಪ್ ಮತ್ತು ಪತ್ನಿ ಪ್ರಿಯಾ?]
ಸುದೀಪ್-ಪ್ರಿಯಾ ಒಟ್ಟಾಗಿ ಕಾಣಿಸಿಕೊಂಡಿದ್ದನ್ನ ನೋಡಿ 'ಈ ಜೋಡಿ ಜೊತೆಯಾಗಿ ಹೀಗೆ ಇದ್ರೆ ಎಷ್ಟು ಚೆನ್ನ' ಅಂತ ಎಲ್ಲರೂ ಅಂದುಕೊಂಡಿದ್ದು ಸುಳ್ಳಲ್ಲ.
