ಕಿಚ್ಚನ ಸ್ಫೂರ್ತಿಯಿಂದ ತಯಾರಾಗುತ್ತಿದ್ದಾರೆ ಪೈಲ್ವಾನ್ ಗಳು

ಕಿಚ್ಚನ ಸ್ಫೂರ್ತಿಯಿಂದ ಪೈಲ್ವಾನ್

ಕಿಚ್ಚನ ಸ್ಫೂರ್ತಿಯಿಂದ ಪೈಲ್ವಾನ್ ನಂತಾಗಲೂ ಸುದೀಪ್ ಅಭಿಮಾನಿಗಳು ಸಿದ್ದರಾಗಿದ್ದಾರೆ. ಹೌದು ಪೈಲ್ವಾನ್ ಸಿನಿಮಾಗಾಗಿ ಸುದೀಪ್ ಜಿಮ್ ನಲ್ಲಿ ಬೆವರಿಳಿಸಲು ಶುರು ಮಾಡಿದ್ದೇ ಮಾಡಿದ್ದು ಅವರ ಅಭಿಮಾನಿಗಳು ಕೂಡ ಈಗ ಅದೇ ದಾರಿ ಹಿಡಿದಿದ್ದಾರೆ.

ತೂಕ ಇಳಿಸಿಕೊಂಡ ಅಭಿಮಾನಿಗಳು

ಅಖಿಲ ಕರ್ನಾಟಕ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿಮಾನಿ ಸಂಘದ ಅಧ್ಯಕ್ಷರಾದ ಜಗದೀಶ್ ಮೊದಲಿಗರು. ಸುದೀಪ್ ಅವರನ್ನೇ ಸ್ಫೂರ್ತಿಯಾಗಿಟ್ಟುಕೊಂಡು ನಾಲ್ಕು ತಿಂಗಳಲ್ಲಿ ಹತ್ತು ಕೆಜಿ ತೂಕ ಇಳಿಸಿಕೊಂಡಿದ್ದಾರೆ.

ಅಭಿಮಾನಿಗಳು ಶುರು ಮಾಡಿದ್ರು ವರ್ಕ್ ಔಟ್

ಸುದೀಪ್ ಅವರು ಮಾಡುವ ಎಲ್ಲಾ ಕೆಲಸಗಳನ್ನ ಸ್ಫೂರ್ತಿಯನ್ನಾಗಿ ತೆಗೆದುಕೊಳ್ಳುವ ಅಭಿಮಾನಿಗಳು ಈಗ ಜಿಮ್ ನಲ್ಲಿ ದೇಹ ದಂಡಿಸಲು ಮುಂದಾಗಿದ್ದಾರೆ. ಸಾಕಷ್ಟು ಜನರು ಜಿಮ್ ಹೋಗಲು ಆರಂಭಿಸಿದ್ದು ತಮ್ಮ ದೇಹವನ್ನ ಫಿಟ್ ಆಗಿ ಇಟ್ಟುಕೊಳ್ಳಲು ಆರಂಭಿಸಿದ್ದಾರೆ.

ಖುಷಿ ಪಟ್ಟ ಕಿಚ್ಚ

ಕಿಚ್ಚ ಸುದೀಪ್ ಅಭಿಮಾನಿಗಳು ಜಿಮ್ ನಲ್ಲಿ ನೀರಿಳಿಸುತ್ತಿರುವ ವಿಚಾರ ಅವರ ಗಮನಕ್ಕೂ ಬಂದಿದೆ. ಒಳ್ಳೆ ಕೆಲಸಕ್ಕೆ ಎಂದಿಗೂ ಸೈ ಎನ್ನುವ ಸುದೀಪ್ ಇದನ್ನ ಕೇಳಿ ಖುಷಿ ಆಗಿದ್ದಾರಂತೆ. ಇನ್ನು ಕಿಚ್ಚ ಸುದೀಪ್ ಅಭಿನಯದ ಹೆಬ್ಬುಲಿ ಕೃಷ್ಣ ನಿರ್ದೇಶನ ಮಾಡಿ ನಿರ್ಮಾಣ ಮಾಡುತ್ತಿರುವ ಪೈಲ್ವಾನ್ ಸಿನಿಮಾ ಕೆಲವೇ ದಿನಗಳಲ್ಲಿ ಶುರುವಾಗಲಿದೆ.