ಕೊನೆ ಕ್ಷಣದಲ್ಲಿ 'ರೇಮೊ' ಟೈಟಲ್ ತೆಗೆದು 'ರಮ್ಯಾ' ಅಂತಿಟ್ರಾ ಪವನ್ ಒಡೆಯರ್: ವೈರಲ್ ವಿಡಿಯೋ ಗುಟ್ಟೇನು?

'ರೇಮೊ' ಮ್ಯೂಸಿಕಲ್ ಕ್ರೇಜ್

'ರೇಮೊ' ಸಿನಿಮಾದಲ್ಲಿ ಇಶಾನ್ ಹಾಗೂ ಆಶಿಕಾ ರಂಗನಾಥ್ ಜೋಡಿ ಕ್ಯೂಟ್ ಆಗಿ ಕಾಣಿಸುತ್ತಿದೆ. ಅಲ್ಲದೆ ಸಿನಿಮಾ ಹಾಡುಗಳು ಹಾಗೂ ಟ್ರೈಲರ್ ಎಲ್ಲವೂ ಪ್ರೇಕ್ಷಕರ ಮೆಚ್ಚುಗೆಯನ್ನು ಗಳಿಸಿವೆ. ಸದ್ಯ ಸಿನಿಪ್ರಿಯರಲ್ಲಿ 'ರೇಮೊ' ಸಿನಿಮಾದ ಟೈಟಲ್ ರಿಜಿಸ್ಟರ್ ಆಗಿರುವಾಗಲೇ ಹೊಸದೊಂದು ಟೈಟಲ್ ಇಡುವ ಆಲೋಚನೆಯನ್ನು ನಿರ್ದೇಶಕ ಪವನ್ ಒಡೆಯರ್ ಮಾಡಿರೋ ವಿಷಯ ವೈರಲ್ ಆಗುತ್ತಿದೆ. ಅಸಲಿಗೆ ಪ್ರೇಕ್ಷಕರನ್ನು ದಂಗಾಗಿಸಿದ ವಿಡಿಯೋದ ಅಸಲಿ ಮ್ಯಾಟರ್ ಇಲ್ಲಿದೆ.

'ರೇಮೊ' ಟೈಟಲ್ ರಮ್ಯಾ ಅಂತಾಗುತ್ತಿತಾ?

ಸೋಶಿಯಲ್ ಮೀಡಿಯಾದಲ್ಲಿ ಒಂದು ವಿಡಿಯೋ ವೈರಲ್ ಆಗುತ್ತಿತ್ತು. ಪವನ್ ಒಡೆಯರ್ ಹಾಗೂ ನಾಯಕ ಇಶಾನ್ ಮಾತಾಡಿರೋ ವಿಡಿಯೋ ಅದು. ಇದರಲ್ಲಿ, ಪವನ್ ಒಡೆಯರ್, ರಮ್ಯಾ ಅಭಿನಯಿಸಲು ಅವಕಾಶ ಸಿಕ್ಕರೆ ಏನು ಮಾಡುತ್ತೀರಾ? ಎಂದು ಕೇಳುತ್ತಾರೆ. ಆಗ ಇಶಾನ್ ಜೋಷ್‌ನಲ್ಲಿ ನಟಿಸಲು ಓಕೆ ಎನ್ನುತ್ತಾರೆ. ಆಗ ಅವರನ್ನು ಭೇಟಿ ಮಾಡುವುದು ಹೇಗೆ ಎಂದಾಗ, ಪವನ್ ಅವರಿಗೋಸ್ಕರ್ ಸಿನಿಮಾ ಟೈಟಲ್ 'ರೇಮೊ' ಬದಲು 'ರಮ್ಯಾ' ಬದಲಾಯಿಸೋಣ ಎನ್ನುತ್ತಾರೆ. ಇದೇ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು.

ಇದು ರಿಯಲ್ ವೀಡಿಯೋ ಅಲ್ಲ

ಸಿನಿಮಾ ಮಂದಿ ಪ್ರಚಾರಕ್ಕೆ ಅಂತ ಏನೇನೋ ಗಿಮಿಕ್ಕುಗಳನ್ನು ಮಾಡುತ್ತಲೇ ಇರುತ್ತಾರೆ. ಅದೇ ಸಿನಿಮಾ ನಾಳೆ (ನವೆಂಬರ್ 25) ಬಿಡುಗಡೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಇಂತಹದ್ದೊಂದು ವಿಡಿಯೋವನ್ನು ವೈರಲ್ ಮಾಡಲಾಗಿದೆ. ಅಸಲಿಗೆ ಈ ವಿಡಿಯೋದಲ್ಲಿ ಇರುವುದೆಲ್ಲ ನಿಜವಲ್ಲ. ಇದು ಸಿನಿಮಾ ಪ್ರಚಾರಕ್ಕಾಗಿ ಮಾಡಿದ ವಿಡಿಯೋ ಅಷ್ಟೇ. ಈ ವಿಡಿಯೋ ನೋಡಿ ಸಿನಿಪ್ರಿಯರ ಒಂದು ಕ್ಷಣ ಶಾಕ್ ಆಗಿದ್ದರು.

ಗೋವಾದಲ್ಲಿ 'ರೇಮೊ' ಪ್ರೀಮಿಯರ್

ಪವನ್ ಒಡೆಯರ್ ನಿರ್ದೇಶನದ ಇಶಾನ್, ಆಶಿಕಾ ರಂಗನಾಥ್ ಜೋಡಿಯ 'ರೆಮೋ' ನಾಳೆ (ನವೆಂಬರ್ 25) ರಾಜ್ಯಾದ್ಯಂತ ರಿಲೀಸ್ ಆಗುತ್ತಿದೆ. ಇದೇ ವೇಳೆ ನಾಯಕ ನಟ ಇಶಾನ್, ಆಶಿಕಾ ರಂಗನಾಥ್ ಹಾಗೂ ನಿರ್ದೇಶಕ ಪವನ್ ಒಡೆಯರ್ ಗೋವಾಗೆ ತೆರಳಿದ್ದಾರೆ. ಪ್ರತಿಷ್ಠಿತ 53ನೇ 'ಇಂಟರ್ ನ್ಯಾಶನಲ್ ಫಿಲ್ಮಂ ಫೆಸ್ಟಿವಲ್ ಆಫ್ ಇಂಡಿಯಾ' ಗೋವಾದಲ್ಲಿ ನಡೆಯುತ್ತಿದೆ. ಬೇರೆ ಬೇರೆ ದೇಶದ ವಿವಿಧ ಕೆಟಗರಿಯ ಆಯ್ದ ಸಿನಿಮಾಗಳು ಇಲ್ಲಿ ಪ್ರದರ್ಶನಗೊಳ್ಳುತ್ತವೆ. ಪ್ರಪಂಚದ ಬೇರೆ ಬೇರೆ ಭಾಷೆಯ ಹೆಸರಾಂತ ನಿರ್ದೇಶಕರು, ತಂತ್ರಜ್ಞರು, ಬರಹಗಾರರು ಈ ಫಿಲ್ಮಂ ಫೆಸ್ಟ್ ನಲ್ಲಿ ಭಾಗಿಯಾಗಿರುತ್ತಾರೆ. ಇಂತಹ ದೊಡ್ಡ ವೇದಿಕೆಗೆ ಪವನ್ ಒಡೆಯರ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ 'ರೆಮೋ' ಸಿನಿಮಾ ಸೆಲೆಕ್ಟ್ ಆಗಿದ್ದು ಇಂದು ಸಂಜೆ ಸ್ಕ್ರೀನಿಂಗ್ ಆಗುತ್ತಿದೆ.