'ಅಭಿಮಾನ'ದಿಂದ ಬರುತ್ತಿದ್ದ ಪತ್ರಗಳಿಗೆ ವಿಷ್ಣುದಾದಾ ಕೊಡುತ್ತಿದ್ದ ಗೌರವ ನೋಡಿ

ಮನೆಗೆ ಬಂದ ತಕ್ಷಣ ಪತ್ರ ಓದುತ್ತಿದ್ದರು

ಹೀಗೆ ಅಭಿಮಾನಿಗಳಿಂದ ಬಂದ ಪತ್ರಗಳನ್ನು ವಿಂಗಡಣೆ ಮಾಡುವುದಕ್ಕಾಗಿಯೇ ಒಬ್ಬರನ್ನು ನೇಮಿಸಲಾಗಿತ್ತು. ಸಂಜೆ ಚಿತ್ರೀಕರಣ ಮುಗಿಸಿ ಮನೆಗೆ ಬಂದ ನಂತರ ಮೂಟೆಯನ್ನು ತೆರೆದು ಪತ್ರಗಳ ಮೇಲೆ ಕಣ್ಣಾಡಿಸುತ್ತಿದ್ದರು. ಇದನ್ನೆಲ್ಲಾ ಓದುವುದೇ ಕೆಲವು ಗಂಟೆಗಳು ಹಿಡಿಯುತಿತ್ತು. ಮದುವೆಯ ನಂತರ ಪತ್ನಿ ಭಾರತಿ ವಿಷ್ಣುವರ್ಧನ್ ಅವರು ಸಹ ಪತ್ರ ವಿಂಗಡಣೆ ಮಾಡುತ್ತಿದ್ದರು.

ಅಭಿಮಾನಕ್ಕೆ ವಿಷ್ಣು ಕೊಡುತ್ತಿದ್ದ ಪ್ರತಿಕ್ರಿಯೆ ನೋಡಿ

ಮನೆಗೆ ಬರುತ್ತಿದ್ದ ಪತ್ರಗಳಿಗೆ ಉತ್ತರವಾಗಿ ತನ್ನ ಫೋಟೊ ಮೇಲೆ "ಪ್ರೇಮ ಪ್ರೀತಿ ನನ್ನುಸಿರು" ಎಂದು ಹಸ್ತಾಕ್ಷರ ಮಾಡಿ ಅಭಿಮಾನಿಗಳಿಗೆ ಕಳುಹಿಸಿ ಕೊಡುತ್ತಿದ್ದರು. ಕೆಲವರಿಗೆ ತಾವು ಮತ್ತು ಭಾರತಿ ಜೊತೆಯಾಗಿರುವ ಫೋಟೊ ಸಹ ಕಳುಹಿಸುತ್ತಿದ್ದರು.

ಅಭಿಮಾನಿಗಳಿಗೆ ಎಂದು ನಿರಾಸೆ ಮಾಡುತ್ತಿರಲಿಲ್ಲ

ಕೆಲವೊಮ್ಮೆ ಆತ್ಮೀಯರು ವಿಷ್ಣು ಅವರನ್ನು "ವಿಷ್ಣು ಶಾಟ್ ಮುಗಿಸಿ ಬಂದಿದ್ದೀಯಾ. ವಿಶ್ರಾಂತಿ ತೆಗೆದುಕೋ. ಅದನ್ನು ಬಿಟ್ಟು ಈ ಪತ್ರಗಳ ರಾಶಿ ಇಟ್ಟುಕೊಂಡು ರಾತ್ರಿ ಹೊತ್ತು ಕುಳಿತು ಕೊಂಡಿದ್ದೀಯ" ಎನ್ನುತ್ತಿದ್ದರು. ಆದರೂ ಸಹ ವಿಷ್ಣು ಬೇಸರಿಸಿಕೊಳ್ಳದೆ ಪತ್ರಗಳಿಗೆ ಸ್ಪಂದಿಸುತ್ತಿದ್ದರು. ತನ್ನ ಅಭಿಮಾನಿಗಳಿಗೆ ನಿರಾಸೆ ಮಾಡಲು ಇಷ್ಟ ಪಡುತ್ತಿರಲಿಲ್ಲ.

"ಪ್ರೇಮ ಪ್ರೀತಿ ನನ್ನುಸಿರು" ಎಂದು ಹಾಡು ರಚನೆಯಾಯಿತು

1978 ರಲ್ಲಿ ತೆರೆಕಂಡ "ಸಿಂಗಪೂರದಲ್ಲಿ ರಾಜಾ ಕುಳ್ಳ" ಚಿತ್ರದ ಮೊದಲ ದೃಶ್ಯದ ಹಾಡಿನಲ್ಲಿ ವಿಷ್ಣು ಮತ್ತು ದ್ವಾರಕೀಶ್ "ಪ್ರೇಮ ಪ್ರೀತಿ ನನ್ನುಸಿರು" ಎಂಬ ಹಾಡನ್ನು ಹಾಡಿದ್ದಾರೆ. ವಿದೇಶದಲ್ಲಿ ಚಿತ್ರೀಕರಣಗೊಂಡ ಪ್ರಪ್ರಥಮ ಕನ್ನಡ ಚಿತ್ರ ಎಂಬ ಹೆಗ್ಗಳಿಕೆಗೆ ಈ ಚಿತ್ರ ಭಾಜನವಾಯಿತು. ಇಲ್ಲಿ ಇಬ್ಬರು ತಮ್ಮ ಪ್ರೇಮ, ಪ್ರೀತಿ ಮತ್ತು ಸ್ನೇಹದ ಪರಿಚಯ ಮಾಡಿಸುತ್ತಾರೆ.

ಅಭಿಮಾನಿಗಳ ಬಳಿ ಈಗಲೂ ಇದೆ

ಈಗಲೂ ಸಹ ವಿಷ್ಣುವರ್ಧನ್ ಅವರ ಹಳೆಯ ಅಭಿಮಾನಿಗಳ ಬಳಿ ಈ ಫೋಟೊಗಳನ್ನು ಮತ್ತು ಪತ್ರಗಳನ್ನ ನಾವು ಕಾಣಬಹುದು.