ಕಿಚ್ಚ ಸುದೀಪ್ ಜೊತೆ ಮಿರ ಮಿರ ಮಿಂಚುತ್ತಿರುವ ಈ ಬೆಡಗಿ ಯಾರು?

ವಿಕ್ರಾಂತ್ ರೋಣಗಾಗಿ ಬಂದ ಜಾಕ್ವೆಲಿನ್

'ವಿಕ್ರಾಂತ್ ರೋಣ' ಸಿನಿಮಾದಲ್ಲಿ ಸ್ಪೆಷಲ್ ನಂಬರ್ ಡ್ಯಾನ್ಸ್ ಇದೆ. ಈ ಹಾಡಿನಲ್ಲಿ ಸುದೀಪ್ ಜೊತೆ ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡೀಸ್ ಹೆಜ್ಜೆ ಹಾಕಿದ್ದಾರೆ. ಇತ್ತೀಚಿಗಷ್ಟೆ ಜಾಕ್ವೆಲಿನ್ ಫರ್ನಾಂಡೀಸ್ ಬೆಂಗಳೂರಿಗೆ ಬಂದಿದ್ದ ವೇಳೆ ವಿಡಿಯೋ, ಫೋಟೋಗಳು ವೈರಲ್ ಆಗಿದ್ದವು.

ಜಾಕ್ವೆಲಿನ್‌ಗೆ ಡ್ಯಾನ್ಸ್ ಹೇಳಿಕೊಟ್ಟಿದ್ದು ಇದೇ ಬೆಡಗಿ

ಈಗ ಕಿಚ್ಚ ಸುದೀಪ್ ಜೊತೆ ಮಿರ ಮಿರ ಮಿಂಚುತ್ತಿರುವ ಬೆಡಗಿಯ ಹೆಸರು ಜ್ಯೂಯಿಲಿ ವೈದ್ಯಾ. ಈಕೆ ಹಿಂದಿ ಇಂಡಸ್ಟ್ರಿಯ ಯುವ ಮತ್ತು ಬೇಡಿಕೆಯ ನೃತ್ಯ ಸಂಯೋಜಕಿ. ವಿಕ್ರಾಂತ್ ರೋಣ ಸಿನಿಮಾದಲ್ಲಿ ಜಾಕ್ವೆಲಿನ್‌ಗೆ ಡ್ಯಾನ್ಸ್ ಹೇಳಿಕೊಟ್ಟಿದ್ದು ಇದೇ ಬೆಡಗಿ.

'ಮಕ್ಕಿ' ನೋಡಿ ಫ್ಯಾನ್ ಆಗ್ಬಿಟ್ಟೆ

ಕಿಚ್ಚ ಸುದೀಪ್ ಜೊತೆ ವಿಕ್ರಾಂತ್ ರೋಣದಲ್ಲಿ ಕೆಲಸ ಮಾಡಿದ ಜ್ಯೂಯಿಲಿ ವೈದ್ಯಾ ಈ ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ಕುರಿತು ಸಂತಸ ವ್ಯಕ್ತಪಡಿಸಿರುವ ವೈದ್ಯಾ, ''ಸುದೀಪ್ ಅವರ ಮಕ್ಕಿ (ಈಗ ಸಿನಿಮಾ ಹಿಂದಿ ವರ್ಷನ್) ಸಿನಿಮಾ ನೋಡಿದ್ಮೇಲೆ ಇವರ ಆಕ್ಟಿಂಗ್‌ಗೆ ಫ್ಯಾನ್ ಆದೆ. ವಿಕ್ರಾಂತ್ ರೋಣ ಹಾಡು ನೋಡಲು ಕಾಯುತ್ತಿದ್ದೇನೆ. ಜಾನಿ ಮಾಸ್ಟರ್‌ಗೆ ಥ್ಯಾಂಕ್ಸ'' ಎಂದು ಪೋಸ್ಟ್ ಹಾಕಿದ್ದಾರೆ.

ಮುಂಬೈನಿಂದ ಬೆಂಗಳೂರಿಗೆ ಬಂದ ವೈದ್ಯ

ಜ್ಯೂಯಿಲಿ ವೈದ್ಯಾ ಬಾಲ್ಯದಿಂದಲೂ ವೃತ್ತಿಪರ ಡ್ಯಾನ್ಸರ್. ಬಹಳ ಸಣ್ಣ ವಯಸ್ಸಿನಿಂದಲೂ ಡ್ಯಾನ್ಸ್ ಕಲಿತಿರು ವೈದ್ಯಗೆ ತಾಯಿಯೇ ಶಕ್ತಿ. ಭರತನಾಟ್ಯ, ಟ್ರಡಿಷನಲ್, ಕ್ಲಾಸಿಕ್ ಡ್ಯಾನ್ಸ್, ವೆಸ್ಟರ್ನ್ ಡ್ಯಾನ್ಸ್‌ನಲ್ಲಿ ಪರಿಣಿತಿ ಹೊಂದಿದ್ದಾರೆ. ಹಿಂದಿಯ ಹಲವು ಟಿವಿ ಶೋಗಳಲ್ಲಿ, ಡ್ಯಾನ್ಸ್ ಸ್ಫರ್ಧೆಗಳಲ್ಲಿ ಭಾಗವಹಿಸಿದ್ದಾರೆ. ಕೆಲವು ಸಿನಿಮಾಗಳಲ್ಲಿಯೂ ವೈದ್ಯಾ ಕೆಲಸ ಮಾಡಿದ್ದಾರೆ.

ಟೈಗರ್ ಶ್ರಾಫ್ ಜೊತೆ ಡ್ಯಾನ್ಸ್ ಅಭ್ಯಾಸ

ಪರೇಶ್ ಶಿರೋದ್ಕರ್ ಬಳಿ ಜ್ಯೂಯಿಲಿ ವೈದ್ಯಾ ಡ್ಯಾನ್ಸ್ ತರಬೇತಿ ಪಡೆದುಕೊಂಡಿದ್ದಾರೆ. ಟೈಗರ್ ಶ್ರಾಫ್ ಸಹ ಇವರ ಬಳಿಯೇ ಡ್ಯಾನ್ಸ್ ಕಲಿತಿರುವುದು. ಇಬ್ಬರು ಒಟ್ಟಿಗೆ ಡ್ಯಾನ್ಸ್ ಅಭ್ಯಾಸ ಮಾಡಿದ್ದರು. ಟೈಗರ್ ಶ್ರಾಫ್ ಡ್ಯಾನ್ಸ್ ಮಾಡಿದ್ದ ಹಾಡೊಂದಕ್ಕೆ ಜ್ಯೂಯಿಲಿ ವೈದ್ಯಾ ಕೊರಿಯೋಗ್ರಫಿ ಮಾಡಿದ್ದರು.

Recommended Video

ಇಂದ್ರಜಿತ್ ಲಂಕೇಶ್ ಕೊಟ್ಟ ದೂರಿನಲ್ಲಿ ಏನಿದೆ? | Filmibeat Kannada

ಪ್ರಭುದೇವ ಜೊತೆ ಕೆಲಸ

ಮಾಧುರಿ ದೀಕ್ಷಿತ್, ಹೃತಿಕ್ ರೋಷನ್, ಕರೀಷ್ಮಾ ಕಪೂರ್ ಅಂತಹ ಡ್ಯಾನ್ಸರ್‌ಗಳು ಜ್ಯೂಯಿಲಿ ಅವರಿಗೆ ಬಹಳ ಇಷ್ಟ. ಅವರ ಡ್ಯಾನ್ಸ್‌ಗಳನ್ನು ನೋಡಿ ಬೆಳೆದಿದ್ದಾರೆ. ಅದೃಷ್ಟವಶಾತ್ ಪ್ರಭುದೇವ ಜೊತೆ ಸಹ ಕೆಲಸ ಮಾಡಿದರು. 'ಎಬಿಸಿಡಿ' (2013) ಚಿತ್ರದಲ್ಲಿ ಪ್ರಭುದೇವ ಜೊತೆ ಹೆಜ್ಜೆ ಹಾಕಿದ್ದರು. ಪ್ರಸ್ತುತ, ಬಹಳಷ್ಟು ಸೆಲೆಬ್ರಿಟಿಗಳಿಗೆ ಡ್ಯಾನ್ಸ್ ತರಬೇತಿ ಮಾಡುತ್ತಿದ್ದಾರೆ.