ಕನ್ನಡಕ್ಕೆ ಬಂದ 'ಕಬಾಲಿ' ಮಗಳು ಸಾಯಿ ಧನ್ಸಿಕಾ!

'ಉದ್ಘರ್ಷ' ಚಿತ್ರಕ್ಕಾಗಿ ಕನ್ನಡಕ್ಕೆ ಬಂದ ಕಬಾಲಿ ಮಗಳು

ಕನ್ನಡದ 'ಉದ್ಘರ್ಷ' ಚಿತ್ರಕ್ಕಾಗಿ ತಮಿಳು ನಟಿ ಕನ್ನಡಕ್ಕೆ ಬರ್ತಿದ್ದಾರೆ. ಈ ಮೂಲಕ ಸ್ಯಾಂಡಲ್ ವುಡ್ ನಲ್ಲಿ ಕಬಾಲಿ ಮಗಳು ಮೊದಲ ಚಿತ್ರವನ್ನ ಆರಂಭಿಸುತ್ತಿದ್ದಾರೆ.

ಸುನೀಲ್ ಕುಮಾರ್ ದೇಸಾಯಿ ನಿರ್ದೇಶನ

'ಉದ್ಘರ್ಷ' ಚಿತ್ರವನ್ನ ಕನ್ನಡದ ಖ್ಯಾತ ನಿರ್ದೇಶಕ ಸುನೀಲ್ ಕುಮಾರ್ ದೇಸಾಯಿ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಇದೊಂದು ಸಸ್ಪೆನ್ಸ್ ಥ್ರಿಲರ್ ಸಿನಿಮಾ ವಾಗಿದ್ದು, ಧನ್ಸಿಕಾ ಅವರದ್ದು ಯಾವ ರೀತಿಯ ಪಾತ್ರವೆಂಬುದು ಬಹಿರಂಗವಾಗಿಲ್ಲ.

ಠಾಕೂರ್ ಅನೂಪ್ ಸಿಂಗ್ ಗೆ ಜೋಡಿ

ಬಾಲಿವುಡ್ ನಟ ಠಾಕೂರ್ ಅನೂಪ್ ಸಿಂಗ್ ಈ ಚಿತ್ರದಲ್ಲಿ ನಾಯಕನಟನಾಗಿ ಕಾಣಿಸಿಕೊಳ್ಳುತ್ತಿದ್ದು, ಠಾಕೂರ್ ಗೆ ಸಾಯಿ ಧನ್ಸಿಕಾ ಜೋಡಿಯಾಗಲಿದ್ದಾರೆ.

ಧನ್ಸಿಕಾ ಬಗ್ಗೆ ಪರಿಚಯ!

ತಮಿಳು ಚಿತ್ರ ನಟಿಯಾಗಿರುವ ಧನ್ಸಿಕಾ, 'ಪೆರನ್ಮೈ', 'ಅರವಾನ್', 'ಪರದೇಶಿ', ಹಾಗೂ 'ಕಬಾಲಿ' ಸೇರಿದಂತೆ ಸುಮಾರು 10ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಸದ್ಯ, ಮಲಯಾಳಂನಲ್ಲೂ ಬ್ಯುಸಿಯಾಗಿದ್ದಾರೆ.