ಮತ್ತೊಂದು ವಿಭಿನ್ನ ಪಾತ್ರ ಹೊತ್ತು ಬಂದ ವಿಜಯ್ ಸೇತುಪತಿ

ಕಾಲಿವುಡ್ ನಟ ವಿಜಯ್ ಸೇತುಪತಿ ಎಂದ ತಕ್ಷಣ ಅವರ ಡಿಫರೆಂಟ್ ಪಾತ್ರಗಳು ಕಣ್ ಮುಂದೆ ಬರುತ್ತವೆ. ಪ್ರತಿ ಸಿನಿಮಾದಲ್ಲಿಯೂ ಪ್ರಯೋಗ ಮಾಡುವ ಈ ನಟ ಈಗ ಮತ್ತೊಂದು ಹೊಸ ಪಾತ್ರದ ಹೊತ್ತು ಬಂದಿದ್ದಾರೆ.

ಕೆಲ ದಿನಗಳ ಹಿಂದೆಯಿಂದ ಸಾಮಾಜಿಕ ಜಾಲತಾಣಗಳಲ್ಲಿ ವಿಭಿನ್ನ ಗೆಟಪ್ ನ ವಿಜಯ್ ಸೇತುಪತಿ ಫೋಟೋ ರಿವೀಲ್ ಆಗಿದೆ. ಅವರ ಗೆಟಪ್ ನೋಡಿ ಎಲ್ಲರೂ ಅಚ್ಚರಿ ಪಡುತ್ತಿದ್ದಾರೆ.

ಅಂದಹಾಗೆ, ವಿಜಯ್ ಸೇತುಪತಿ ಈ ರೀತಿ ಬದಲಾಗಿರುವುದು ತಮ್ಮ ಮುಂದಿನ ಸಿನಿಮಾ 'ಕಡೈಸಿ ವ್ಯಾವಸಾಯಿ' (Kadaisi Vivasayi) ಚಿತ್ರಕ್ಕಾಗಿ. ಈ ಸಿನಿಮಾದ ಅವರ ಲುಕ್ ನೋಡಿ ಏನಿದು ಈ ರೀತಿ ಇದೆ ಎನ್ನುವ ಕುತೂಹಲ ಮೂಡುತ್ತಿದೆ.

ಪಂಚೆ, ಅಂಗಿ, ಅದರ ಮೇಲೊಂದು ಅಂಗಿ, ಐದಾರು ಉಂಗುರ, ವಾಚ್ ಗಳು, ಸರಗಳು, ರುದ್ರಾಕ್ಷಿ, ವಿಭೂತಿ ಇದೆಲ್ಲ ವಿಜಯ್ ಸೇತುಪತಿಗೆ ವಿಭಿನ್ನ ಲುಕ್ ನೀಡಿದೆ. ಮಣಿಕಂದನ್ ಈ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ.

ಸಿನಿಮಾದಲ್ಲಿ 85 ವರ್ಷದ ನಳಂದಿ ಎಂಬ ರೈತ ಕಾಣಿಸಿಕೊಳ್ಳುತ್ತಿದ್ದಾರೆ. ಹಳ್ಳಿಗಳಲ್ಲಿ ಹೇಗೆ ವ್ಯವಸಾಯದ ಹಳೆ ಪದ್ಧತಿಗಳು ಮರೆಯಾಗುತ್ತಿದೆ ಎನ್ನುವುದನ್ನು ಸಿನಿಮಾದಲ್ಲಿ ಹೇಳಲಾಗಿದೆಯಂತೆ.

ಯೋಗಿ ಬಾಬು ಮತ್ತು ವಿಜಯ್ ಸೇತುಪತಿ ಸಿನಿಮಾದಲ್ಲಿ ನಟಿಸಿದ್ದಾರೆ. ಇಳಯರಾಜ ಸಿನಿಮಾಗೆ ಸಂಗೀತ ನೀಡಲಿದ್ದಾರೆ.