ಕಮಲ್ ಹಾಸನ್ ಚಿತ್ರಕ್ಕೆ ನಮ್ಮ ರಮ್ಯಾ ಎಂಟ್ರಿ

ರಮ್ಯಾ ಕೈಲಿರುವ ಚಿತ್ರಗಳು

ನೀರ್ ದೋಸೆ, ದಿಲ್ ಕಾ ರಾಜಾ, ಆರ್ಯನ್ ಜೊತೆಗೆ ತೆಲುಗಿನ ಅರುಂಧತಿ ಖ್ಯಾತಿ ಕೋಡಿ ರಾಮಕೃಷ್ಣ ಅವರ ಒಂದು ಚಿತ್ರ, ಸುದೀಪ್ ನಿರ್ದೇಶನ, ನಾಯಕತ್ವದ ಒಂದು ಚಿತ್ರ ಎಲ್ಲವೂ ರಮ್ಯಾ ಅವರು ಬ್ಯುಸಿಯಾಗಿಡಲಿದೆ.

ಪುರುಸೊತ್ತು ಮಾಡಿಕೊಂಡು ಈ ಟಿವಿ ಸೀರಿಯಲ್ ಅಶ್ವಿನಿ ನಕ್ಷತ್ರ ಕಥೆ ಹೇಳುವ ಜವಾಬ್ದಾರಿ ಕೂಡಾ ರಮ್ಯಾ ಹೆಗಲಿಗೇರಿಸಿಕೊಂಡಿದ್ದಾರೆ.

ರಮ್ಯಾ ಬೆಳವಣಿಗೆ

ರಮ್ಯಾ ಆಗಿ ತಮಿಳು ಚಿತ್ರರಂಗ (ಕಾಲಿವುಡ್) ಪ್ರವೇಶಿಸಿದವರು ನಂತರ ದಿವ್ಯ ಸ್ಪಂದನ ಆದರು. ಕುತ್ತು ರಮ್ಯಾ ಎಂದು ಕರೆಯಲ್ಪಡುತ್ತಿದ್ದ ರಮ್ಯಾ ನಂತರ ಧನುಷ್ ಜೊತೆ ಪೊಲ್ಲಾದವನ್, ಸೂರ್ಯ ಜೊತೆ ವಾರನಂ ಆಯಿರಮ್ ಚಿತ್ರದಲ್ಲಿ ಅಭಿನಯಿಸಿದರು.

ಲೇಖಾಗೂ ಅವಕಾಶ

ಮೊದಲಿಗೆ ಲೇಖಾ ವಾಷಿಂಗ್ಟನ್ ಅವರನ್ನು ಪಾತ್ರಕ್ಕೆ ಆಯ್ಕೆ ಮಾಡಲಾಗಿತ್ತು. ಆದರೆ, ನಂತರ ಬೇರೆ ಪಾತ್ರ ನೀಡುವ ಭರವಸೆ ನೀಡಲಾಯಿತು. ಲೇಖಾ ಈ ಚಿತ್ರದಲ್ಲಿ ನಾಯಕಿ ಅಲ್ಲದಿದ್ದರೂ ಪ್ರಮುಖ ಪಾತ್ರದಲ್ಲಿ ಕಾಣಿಸುತ್ತಾರೆ ಎಂದು ನಿರ್ಮಾಪಕ ಲಿಂಗುಸ್ವಾಮಿ ಸ್ಪಷ್ಟಪಡಿಸಿದ್ದಾರೆ.

ವಿವೇಕ್ ಮುಖ್ಯ ಪಾತ್ರ

ಪ್ರಮುಖ ಪಾತ್ರದಲ್ಲಿ ನಾಯಕನ ಜೊತೆಗೆ ವಿವೇಕ್ ಇರುತ್ತಾರಂತೆ. ಎರಡು ದಶಕಗಳ ನಂತರ ಕಮಲ್ ಹಾಸನ್ ಜೊತೆ ನಂಬರ್ ಒನ್ ಹಾಸ್ಯ ಪಾತ್ರಧಾರಿ ವಿವೇಕ್ ಕಾಣಿಸಿಕೊಳ್ಳುತ್ತಿರುವುದು ಕುತೂಹಲಕಾರಿಯಾಗಿದೆ.

ಚಿತ್ರದ ಹೆಸರೇನು?

ವಿಶ್ವರೂಪಂ -2 ನಿರೀಕ್ಷೆಯಲ್ಲಿ ಜನರಿರುವಾಗ ಈ ಚಿತ್ರ ಕೂಡಾ ಕುತೂಹಲ ಹುಟ್ಟಿಸಿದ್ದು ,ಚಿತ್ರದ ಹೆಸರು 'ಉತ್ತಮ ವಿಲನ್' ಎಂದು ಇಡಲಾಗಿದೆ ಎಂಬ ಸುದ್ದಿಯಿದೆ. ಕಮಲ್ ಹಾಸನ್ ಅವರು ನಟಿಸಿ ನಿರ್ದೇಶಿಸುತ್ತಿರುವ ಈ ಚಿತ್ರ ತ್ವರಿತ ಗತಿಯಲ್ಲಿ ಚಿತ್ರೀಕರಣ ಮುಗಿಸುವ ಸಾಧ್ಯತೆ ಹೆಚ್ಚಾಗಿದೆ.