Don't Miss!
- Sports IPL 2024: RCB ವಿರುದ್ಧ ಪಂದ್ಯಕ್ಕೆ KKRನ ಆಡುವ 11ರ ಬಳಗ ಮರೆತ ಶ್ರೇಯಸ್ ಅಯ್ಯರ್
- News 7th pay commission: ತುಟ್ಟಿ ಭತ್ಯೆ, ನಗರ ಪರಿಹಾರ ಭತ್ಯೆ, ಸೇವಾ ಭತ್ಯೆ ಸೇರಿದಂತೆ ಭತ್ಯೆಗಳ ಸಂಪೂರ್ಣ ವಿವರ
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗೌತಮಿ, ಆಕೆಯ ಪುತ್ರಿ ಜೊತೆ ನಟ ಕಮಲ್ ಹಾಸನ್
ನಟ ಕಮಲ್ ಹಾಸನ್ ಹಾಗೂ ಗೌತಮಿ ಕೆಲ ವರ್ಷಗಳಿಂದ ಒಟ್ಟಿಗೆ ಸಹಬಾಳ್ವೆ ನಡೆಸುತ್ತಿರುವುದು ಗೊತ್ತೇ ಇದೆ. ಕಮಲ್ ಹಾಸನ್ ಅವರಿಗೆ ಇಬ್ಬರು ಹೆಣ್ಣು ಮಕ್ಕಳು ಇದ್ದರೆ, ಗೌತಮಿಗೆ ಒಂದು ಹೆಣ್ಣು ಮಗಳು ಇದ್ದಾರೆ. ಆಕೆಯ ಹೆಸರು ಸುಬ್ಬುಲಕ್ಷ್ಮಿ.
ಆದರೆ ಕಮಲ್ ಹಾಗೂ ಗೌತಮಿ ಇಬ್ಬರೂ ಜೊತೆಯಾಗಿ ಕಾಣಿಸಿಕೊಳ್ಳುವುದು ಬಹಳ ಅಪರೂಪ. ಇತ್ತೀಚೆಗೆ ಇಬ್ಬರೂ ಕಾರ್ಯಕ್ರಮವೊಂದಕ್ಕೆ ಜೊತೆಯಾಗಿ ಬರುವ ಮೂಲಕ ಎಲ್ಲರ ಗಮನಸೆಳೆದರು. ಮುಂಬೈನಲ್ಲಿ ಆರಂಭವಾದ ಫಿಲಂ ಫೆಸ್ಟಿವಲ್ ನಲ್ಲಿ ಗೌತಮಿ, ಅವರ ಮಗಳು ಸುಬ್ಬುಲಕ್ಷ್ಮಿ ಹಾಗೂ ಕಮಲ್ ಜೊತೆಯಾಗಿ ಕಾಣಿಸಿಕೊಂಡರು.
ಕಮಲ್ ಸೀದಾಸಾದಾ ಉಡುಪಿನಲ್ಲಿ, ಗೌತಮಿ ಕಾಂಜೀವರಂ ಸೀರೆಯಲ್ಲಿ, ಸುಬ್ಬುಲಕ್ಷ್ಮಿ ಮಾಡರ್ನ್ ಡ್ರೆಸ್ ನಲ್ಲಿ ಹಾಜರಾಗಿದ್ದರು. ಇವರು ಮೂವರೂ ಜೊತೆಯಾಗಿ ಬರುತ್ತಾರೆ ಎಂದು ಯಾರೂ ಊಹಿಸಿರಲಿಲ್ಲ. ಹಾಗಾಗಿ ಎಲ್ಲಾ ಕ್ಯಾಮೆರಾ ಕಣ್ಣುಗಳು ಇವರ ಮೇಲೆ ಬಿದ್ದವು. ಸ್ಲೈಡ್ ಗಳಲ್ಲಿ ಆ ದೃಶ್ಯಗಳನ್ನು ಕಣ್ತುಂಬಿಕೊಳ್ಳೋಣ ಬನ್ನಿ...
ಕಮಲ್ ಗೆ ಜೀವಮಾನ ಸಾಧನೆ ಪ್ರಶಸ್ತಿ
ಭಾರತೀಯ ಸಿನಿಮಾಗೆ ಕಮಲ್ ಸಲ್ಲಿಸಿದ ಸೇವೆಗೆ ಅವರಿಗೆ ಜೀವಮಾನ ಸಾಧನೆ ಪ್ರಶಸ್ತಿ ನೀಡಲಾಯಿತು. ಚಲನಚಿತ್ರೋತ್ಸವದಲ್ಲಿ ಫ್ರೆಂಚ್ ಫಿಲಂ ಮೇಕರ್ ಕೋಸ್ಟಾ ಗಾವ್ರಾಸ್, ಖ್ಯಾತ ನಿರ್ದೇಶಕ ಶ್ಯಾಮ್ ಬೆನಗಲ್ ಮತ್ತಿತರರು ಪಾಲ್ಗೊಂಡಿದ್ದರು.
ತಾನು ಈ ಮಟ್ಟಕ್ಕೆ ಬೆಳೆಯಲು ಬಾಲಚಂದರ್ ಕಾರಣ
ತಾನು ಈ ಮಟ್ಟಕ್ಕೆ ಬಳೆಯಲು ನಿರ್ದೇಶಕ ಕೆ ಬಾಲಂಚಂದರ್ ಅವರೇ ಕಾರಣ. ನನ್ನಲ್ಲಿನ ನಟನನ್ನು ಈ ಜಗತ್ತಿಗೆ ಪರಿಚಯಿಸಿದ್ದೇ ಅವರು ಎಂದು ಕಮಲ್ ಹೇಳಿದರು.
ಗುರುಗಳಿಗೆ ಪ್ರಶಸ್ತಿ ಅರ್ಪಣೆ ಮಾಡಿದ ಕಮಲ್
ಬಾಲಚಂದರ್ ನನಗೆ ಗುರು. ಗುರು ಎಂದರೆ ಅವರ ತರಹವೇ ಇರಬೇಕು. ನನ್ನ ಗೆಲುವಿನ ಹಿಂದೆ, ನಾನು ಈ ಮಟ್ಟಕ್ಕೆ ಬೆಳೆದಿರುವುದರ ಹಿಂದೆ ಅವರ ಶ್ರಮ ಇದೆ. ನನಗೆ ಕೊಡುತ್ತಿರುವ ಈ ಪ್ರಶಸ್ತಿಯನ್ನು ಅವರಿಗೇ ಅರ್ಪಿಸುತ್ತಿದ್ದೇನೆ ಎಂದರು.
ದಿ ಬಟ್ಲರ್ ಚಲನಚಿತ್ರ ಪ್ರದರ್ಶನ
ಮುಂಬೈ ಫಿಲಂ ಫೆಸ್ಟಿವಲ್ ಉದ್ಘಟನಾ ಸಮಾರಂಭದ ದಿನ ಐತಿಹಾಸಿಕ ಫಿಕ್ಷನ್ ಡ್ರಾಮಾ 'ದಿ ಬಟ್ಲರ್' ಚಿತ್ರವನ್ನು ಪ್ರದರ್ಶಿಸಲಾಯಿತು. ಓಫ್ರಾ ವಿನ್ ಫ್ರೇ ಈ ಚಲನಚಿತ್ರೋತ್ಸವನ್ನು ಉದ್ಘಾಟಿಸಿದರು. ಅಕ್ಟೋಬರ್ 24ರಂದು ಚಲನಚಿತ್ರೋತ್ಸವಕ್ಕೆ ತೆರೆಬೀಳಲಿದೆ.
ಚಲನಚಿತ್ರೋತ್ಸವದಲ್ಲಿ ಬಾಲಿವುಡ್ ಬ್ಯೂಟಿಗಳು
ಬಾಲಿವುಡ್ ಬ್ಯೂಟಿಗಳಾದ ಸೋನಾಕ್ಷಿ ಸಿನ್ಹಾ, ಟಿಸ್ಕಾ ಚೋಪ್ರಾ, ನಂದಿತಾ ದಾಸ್, ದಿವ್ಯಾ ದತ್ತ ಸೇರಿದಂತೆ ಮತ್ತಿತತರು ಈ ಚಲನಚಿತ್ರೋತ್ಸವಕ್ಕೆ ಹಾಜರಾಗಿದ್ದರು.
ಎಲ್ಲರ ಗಮನಸೆಳೆದ ಸೋನಾಕ್ಷಿ ಸಿನ್ಹಾ
ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಸೋನಾಕ್ಷಿ ಸಿನ್ಹಾ ಆಗಮಿಸಿದ್ದ ಅವರ ಡ್ರೆಸ್ ಎಲ್ಲರ ಕಣ್ಣು ಕುಕ್ಕಿತು.
ಸುಮಾರು 200 ಚಿತ್ರಗಳ ಪ್ರದರ್ಶನ
ರಿಲಯನ್ಸ್ ಎಂಟರ್ ಟೈನ್ ಮೆಂಟ್ ಸಮರ್ಪಿಸುತ್ತಿರುವ ಈ ಚಲನಚಿತ್ರೋತ್ಸವದಲ್ಲಿ 200 ಚಿತ್ರಗಳನ್ನು ಪ್ರದರ್ಶಿಸಲಾಗುತ್ತದೆ. ಸ್ಪಾನಿಷ್, ಕೊಲಂಬಿಯಾ, ಫ್ರೆಂಚ್ ಚಿತ್ರಗಳನ್ನು ಪ್ರದರ್ಶಿಸಲಾಗುತ್ತಿದೆ.