Big News: ಜಯಲಲಿತಾ ಬಗ್ಗೆ ಇನ್ನೊಂದು ಬಯೋಪಿಕ್: 'ಅಮ್ಮ'ನ ಪಾತ್ರದಲ್ಲಿ ಖ್ಯಾತ ನಟಿ

ಅಮ್ಮನಾದ ಕಂಗನಾ ರಣಾವತ್

ಇತ್ತೀಚಿಗಷ್ಟೆ ಝಾನ್ಸಿ ರಾಣಿ ಲಕ್ಷ್ಮಿಬಾಯಿ ಕುರಿತು ಮಣಿಕರ್ಣಿಕಾ ಎಂಬ ಸಿನಿಮಾ ಮಾಡಿದ್ದ ಕಂಗನಾ, ಈಗ ತಮಿಳುನಾಡು ಮಾಜಿ ಮುಖ್ಯಮಂತ್ರಿ, ಪುರಚ್ಚಿ ತಲೈವಿ ಜಯಲಲಿತಾ ಅವರ ಬಯೋಪಿಕ್ ಮಾಡಲು ಮುಂದಾಗಿದ್ದಾರೆ. ಈ ಸಿನಿಮಾ ಅಧಿಕೃತವಾಗಿ ಘೋಷಣೆಯಾಗಿದೆ.

ಹಿಂದಿ ಮತ್ತು ತಮಿಳಿನಲ್ಲಿ ಸಿನಿಮಾ

ಕಂಗನಾ ಮಾಡಲಿರುವ ಈ ಬಯೋಪಿಕ್ ಸಿನಿಮಾ ಹಿಂದಿ ಮತ್ತು ತಮಿಳು ಭಾಷೆಯಲ್ಲಿ ಬರಲಿದೆ. ತಮಿಳಿನಲ್ಲಿ 'ತಲೈವಿ' ಎಂದು ಹೆಸರಿಟ್ಟಿದ್ದು, ಹಿಂದಿಯಲ್ಲಿ 'ಜಯಾ' ಎಂದು ಟೈಟಲ್ ಅಂತಿಮವಾಗಿದೆ.

ವಿಜಯೇಂದ್ರ ಪ್ರಸಾದ್ ಕಥೆ

ಬಾಹುಬಲಿ, ಮಣಿಕರ್ಣಿಕಾ ಅಂತಹ ಚಿತ್ರಗಳಿಗೆ ಕಥೆ ಬರೆದಿರುವ ವಿಜಯೇಂದ್ರ ಪ್ರಸಾದ್ (ಎಸ್ ಎಸ್ ರಾಜಮೌಳಿ ಅವರ ತಂದೆ) ಜಯಲಲಿತಾ ಅವರ ಬಯೋಪಿಕ್ ಗೆ ಕಥೆ ಬರೆಯುತ್ತಿದ್ದಾರೆ. ಹೀಗಾಗಿ, ಈ ಸಿನಿಮಾ ಭಾರಿ ಕುತೂಹಲ ಮೂಡಿಸಿದೆ. ಎ.ಎಲ್ ವಿಜಯ್ ಈ ಚಿತ್ರವನ್ನ ನಿರ್ದೇಶನ ಮಾಡ್ತಿದ್ದಾರೆ.

ನಿತ್ಯಾ ಮೆನನ್ vs ಕಂಗನಾ

ಈಗ ಈ ಎರಡು ಬಯೋಪಿಕ್ ಚಿತ್ರಗಳ ಮೇಲೆ ಚಿತ್ರಜಗತ್ತಿನ ಕಣ್ಣು ಬಿದ್ದಿದೆ. ಯಾವ ಬಯೋಪಿಕ್ ನಲ್ಲಿ ಯಾವ ಕಥೆ ಹೇಳಲು ಹೊರಟಿದ್ದಾರೆ. ಯಾರ ಸಿನಿಮಾ ಪಾರದರ್ಶಕತೆಯಿಂದ ಕೂಡಿರುತ್ತೆ. ಇಬ್ಬರಲ್ಲಿ ಯಾರೂ ಚೆನ್ನಾಗಿ ನಟಿಸಬಲ್ಲರು ಅಥವಾ ಸೂಕ್ತವಾಗಿ ಪಾತ್ರವನ್ನ ನಿಭಾಯಿಸಬಲ್ಲರು ಎಂಬ ಮಾತುಗಳು ಈಗ ಚರ್ಚೆಯಾಗ್ತಿದೆ. ಆದ್ರೆ, ಈ ಎರಡು ಸಿನಿಮಾ ತೆರೆಗೆ ಬರೋದು ಮುಂದಿನ ವರ್ಷದ ಅಂತ್ಯಕ್ಕೆ ಎನ್ನುವುದು ಸದ್ಯದ ಮಾಹಿತಿ.