'ಕುರುಕ್ಷೇತ್ರ' ಚಿತ್ರಕ್ಕಾಗಿ ರಾಜ್ ಕುಮಾರ್ ಸಿನಿಮಾ ನೋಡುತ್ತಿರುವ ದರ್ಶನ್

ಕನ್ನಡದ ಹೆಮ್ಮೆಯ ಸಿನಿಮಾ 'ಕುರುಕ್ಷೇತ್ರ' ಮುಂದಿನ ತಿಂಗಳು ಶುರು ಆಗಲಿದೆ. ಈ ಸಿನಿಮಾಗಾಗಿ ದರ್ಶನ್ ತುಂಬ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ದುರ್ಯೋಧನನ ಪಾತ್ರದಲ್ಲಿ ನಟಿಸುತ್ತಿರುವ ಡಿ ಬಾಸ್ ಈ ಚಿತ್ರಕ್ಕಾಗಿ ಡಾ.ರಾಜ್ ಕುಮಾರ್ ಅವರ ಸಿನಿಮಾಗಳನ್ನ ನೋಡುತ್ತಿದ್ದಾರಂತೆ.

ಡಾ.ರಾಜ್ ಕುಮಾರ್ ಅನೇಕ ಐತಿಹಾಸಿಕ/ಪೌರಾಣಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಒಂದು ಐತಿಹಾಸಿಕ/ಪೌರಾಣಿಕ ಪಾತ್ರವನ್ನು ಡಾ.ರಾಜ್ ಅವರಷ್ಟು ಚೆನ್ನಾಗಿ ನಿಭಾಯಿಸಬಲ್ಲ ಕನ್ನಡದ ಇನ್ನೊಬ್ಬ ನಟನಿಲ್ಲ ಎಂದರೆ ಖಂಡಿತ ತಪ್ಪಾಗಲ್ಲ. ಈಗ ನಟ ದರ್ಶನ್ ಕೂಡ ಡಾ.ರಾಜ್ ಅವರ ಅಂತಹ ಸಿನಿಮಾಗಳನ್ನು ನೋಡಿ ಪಾತ್ರಕ್ಕೆ ತಯಾರಿ ಮಾಡಿಕೊಳ್ಳುತ್ತಿದ್ದಾರಂತೆ.

ಇತ್ತೀಚಿನ ಸಂದರ್ಶನವೊಂದರಲ್ಲಿ ದರ್ಶನ್ ಈ ವಿಷಯವನ್ನು ಹೇಳಿಕೊಂಡಿದ್ದಾರೆ. ಡಾ.ರಾಜ್ ಅವರ ಚಿತ್ರಗಳ ಜೊತೆಗೆ ತಮ್ಮ ನೀನಾಸಂ ದಿನಗಳ ಅನುಭವ ಮತ್ತು 'ರಂಗದಲ್ಲಿ ಅಂತರಂಗ' ಎಂಬ ಪುಸ್ತಕವನ್ನು ದರ್ಶನ್ ಓದುತ್ತಿದ್ದಾರಂತೆ. 'ಕುರುಕ್ಷೇತ್ರ' ಚಿತ್ರ ಒಪ್ಪಿಕೊಂಡ ದಿನದಿಂದ ದುರ್ಯೋಧನನ ಪಾತ್ರಕ್ಕೆ ದರ್ಶನ್ ತಯಾರಿ ಶುರು ಮಾಡಿದ್ದಾರಂತೆ.