ಗೋಲ್ಡನ್ ಸ್ಟಾರ್ ಗಣೇಶ್ ಹೊಸ ಸಿನಿಮಾ 'ಆರೆಂಜ್'

ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಪಟಾಕಿ' ಚಿತ್ರ ರಿಲೀಸ್ ಗೆ ರೆಡಿಯಾಗಿದೆ. ಯೋಗರಾಜ್ ಭಟ್ ನಿರ್ದೇಶನ 'ಮುಗುಳುನಗೆ' ಚಿತ್ರದ ಶೂಟಿಂಗ್ ನಡೆಯುತ್ತಿದೆ. ಈ ಮಧ್ಯೆ ಸಿಂಪಲ್ ಸುನಿ ಜೊತೆ 'ಚಮಕ್' ಅಂತಹ ಸಿನಿಮಾವೊಂದನ್ನ ಮಾಡಲಿದ್ದಾರಂತೆ. ಇನ್ನೂ 'ಗಾಳಿಪಟ-2' ಚಿತ್ರಕ್ಕೆ ಗಣೇಶ್ ಸಿದ್ದವಾಗುತ್ತಿದ್ದಾರೆ ಎನ್ನಲಾಗುತ್ತಿದೆ.

ಇಷ್ಟೇಲ್ಲಾ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಗಣೇಶ್ ಅವರು, ಇದೀಗ 'ಆರೆಂಜ್' ಚಿತ್ರವನ್ನ ಸೈಲಾಂಟ್ ಆಗಿ ಕೈಗೆತ್ತಿಕೊಂಡಿದ್ದಾರೆ. ಹೌದು, 'ಜೂಮ್' ಖ್ಯಾತಿಯ ಪ್ರಶಾಂತ್ ರಾಜ್ ನಿರ್ದೇಶನದಲ್ಲಿ ಗಣೇಶ್ ಹೊಸ ಚಿತ್ರವನ್ನ ಶುರು ಮಾಡಿದ್ದು, ಈ ಚಿತ್ರಕ್ಕೆ 'ಆರೆಂಜ್' ಎಂದು ಟೈಟಲ್ ಕೂಡ ಫಿಕ್ಸ್ ಆಗಿದೆ.[ಗಣೇಶ್-ಭಟ್ ಕಾಂಬಿನೇಷನ್ ನಲ್ಲಿ 'ಗಾಳಿಪಟ-2' ಬರಲಿದೆ.. ನಿರೀಕ್ಷಿಸಿ..]

ಇತ್ತೀಚೆಗಷ್ಟೇ 'ಶಿರಡಿ ಸಾಯಿಬಾಬ ಮಂದಿರ'ದಲ್ಲಿ 'ಆರೆಂಜ್' ಚಿತ್ರಕ್ಕೆ ಪೂಜೆ ಮಾಡಿಸಿದ್ದಾರೆ. ಇಂದು (ಫೆಬ್ರವರಿ 11) ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ಶಿಲ್ಪಾ ಗಣೇಶ್ ಅವರ ವಿವಾಹ ಮಹೋತ್ಸವ ಹಿನ್ನಲೆ ಸ್ವತಃ ಗಣೇಶ್ ಅವರೇ ಈ ಸುದ್ದಿಯನ್ನ ಅನೌನ್ಸ್ ಮಾಡಿದ್ದಾರೆ.['ಮುಗುಳುನಗೆ'ಗೆ ಪಾಂಡಿಚೇರಿಯಲ್ಲಿ ಮಳೆ ಕಾಟ!]

ಅಂದ್ಹಾಗೆ, ಈ ಚಿತ್ರವನ್ನ ನಮ್ಮ ಸಿನಿಮಾ ಬ್ಯಾನರ್ ಅಡಿಯಲ್ಲಿ ನವೀನ್ ಜಿ ಎಸ್ ಅವರು ನಿರ್ಮಾಣ ಮಾಡುತ್ತಿದ್ದು, ಆದಷ್ಟೂ ಬೇಗ ಚಿತ್ರೀಕರಣವನ್ನ ಪ್ರಾರಂಭಿಸಲಿದೆ.