ಗುಂಡೇಟಿಗೆ ಬಲಿಯಾದ ಉಮೇಶ್ ಗೆ ಕಿಚ್ಚನಿಂದ ಪರಿಹಾರ ಧನ

ಕಿಚ್ಚನ ಕಡೆಯಿಂದ ಪರಿಹಾರ ಧನ

ಕಾವೇರಿ ನೀರು ಪ್ರತಿಭಟನೆಯಲ್ಲಿ ಅನ್ಯಾಯವಾಗಿ ಗುಂಡೇಟಿಗೆ ಬಲಿಯಾದ ಉಮೇಶ್ ಕುಟುಂಬಕ್ಕೆ, ಕಿಚ್ಚ ಸುದೀಪ್ ಅವರು 1 ಲಕ್ಷ ರೂಪಾಯಿ ಪರಿಹಾರ ಧನ ನೀಡಿ ಸಹಾಯ ಮಾಡಿದ್ದಾರೆ.[ನೀರಿನ ಸಮಸ್ಯೆಗೆ ಶಾಶ್ವತ ಪರಿಹಾರ: ಉಪೇಂದ್ರ ಕೊಟ್ಟ ಸೂಪರ್ ಸುಪ್ರೀಂ ಐಡಿಯಾ!]

ಕಿಚ್ಚ ಅಭಿಮಾನಿ ಉಮೇಶ್

ಮೃತಪಟ್ಟ ಉಮೇಶ್ ಗೌಡ ಅವರು ಕನ್ನಡ ನಟ ಕಿಚ್ಚ ಸುದೀಪ್ ಅವರು ಕಟ್ಟಾ ಅಭಿಮಾನಿ. ಆತನ ಎಡಗೈನಲ್ಲಿ ಕಿಚ್ಚನ ಹೆಸರನ್ನು ಟ್ಯಾಟೂ ಹಾಕಿಸಿಕೊಂಡಿದ್ದರಂತೆ ಮೃತ ಉಮೇಶ್ ಅವರು.[ಮಾನವೀಯತೆ ಮೆರೆದ 'ನಾಗರಹಾವು' ನಿರ್ಮಾಪಕ ಸಾಜಿದ್ ಖುರೇಶಿ]

ಟ್ಯಾಟೂ ಸಹಾಯ ಮಾಡಿತು

ಗುಂಡೇಟಿನಿಂದ ಪ್ರಾಣ ಕಳೆದುಕೊಂಡ ಉಮೇಶ್ ಅವರ ದೇಹವನ್ನು ಪತ್ತೆ ಮಾಡಲು, ಎಡಗೈನಲ್ಲಿ ಕಿಚ್ಚ ಅಂತ ಬರೆಸಿಕೊಂಡಿದ್ದ ಟ್ಯಾಟೂ ಸಹಾಯ ಮಾಡಿತ್ತು ಅನ್ನೋದು ವಿಪರ್ಯಾಸವೇ ಸರಿ.['ಕಾವೇರಿ ವಿವಾದ': ಶಿವಣ್ಣನ ಸಾರಥ್ಯದಲ್ಲಿ ಮೋದಿ ಭೇಟಿಗೆ ಚಿತ್ರರಂಗ?]

ಅಭಿಮಾನಿ ಸಂಘದಿಂದ ಧನ ವಿತರಣೆ

ಸದ್ಯಕ್ಕೆ ಕಿಚ್ಚ ಸುದೀಪ್ ಅವರು ತಮ್ಮ ಮುಂಬರುವ ಸಿನಿಮಾ 'ಹೆಬ್ಬುಲಿ' ಶೂಟಿಂಗ್ ಗಾಗಿ ಕಾಶ್ಮೀರದಲ್ಲಿ ಬೀಡು ಬಿಟ್ಟಿದ್ದಾರೆ. ಹಾಗಾಗಿ ಸುದೀಪ್ ಅವರ ಅಭಿಮಾನಿ ಸಂಘದ ಅಧ್ಯಕ್ಷರು ಮತ್ತು ಪದಾದಿಕಾರಿಗಳು ಉಮೇಶ್ ಅವರ ಕುಟುಂಬದವರನ್ನು ಭೇಟಿ ಮಾಡಿ 1 ಲಕ್ಷ ರೂಪಾಯಿ ಪರಿಹಾರ ಧನ ವಿತರಣೆ ಮಾಡಿದ್ದಾರೆ.

ಸಾಂತ್ವನ ಹೇಳಿದ ಸಂಘದ ಸದಸ್ಯರು

ಉಮೇಶ್ ಗೌಡ ಅವರ ಮನೆಗೆ ಹೋಗಿ, ಅವರ ಗರ್ಭಿಣಿ ಹೆಂಡತಿ ಮತ್ತು ಕುಟುಂಬಸ್ಥರನ್ನು ಭೇಟಿ ಮಾಡಿದ ಕಿಚ್ಚನ ಅಭಿಮಾನಿಗಳು, ಅವರಿಗೆ ಸಾಂತ್ವನ ನುಡಿದರು. ನಂತರ ಉಮೇಶ್ ಅವರ ಸಮಾಧಿಗೆ ಪುಷ್ಪ ನಮನ ಸಲ್ಲಿಸಿ, ಪತ್ನಿಗೆ ಸಹಾಯ ಧನ ಹಸ್ತಾಂತರಿಸಿದರು.