ಕನ್ನಡದ ಮೋಸ್ಟ್ ಎಲಿಜಿಬಲ್ ಬ್ರಹ್ಮಚಾರಿ ನಟರು

| Updated: Wednesday, March 27, 2013, 12:21 [IST]

ಚತುರಾಶ್ರಮಗಳಲ್ಲಿ ಎರಡನೆಯದ್ದು ಬ್ರಹ್ಮಚರ್ಯ. ಮಾನವನ ವಯಸ್ಸನ್ನು ಅಂದಾಜು ನೂರು ವರ್ಷ ಎಂದು ಇಟ್ಟುಕೊಂಡರೆ ಅದರಲ್ಲಿ ಮೊದಲ ಇಪ್ಪತ್ತೈದು ವರ್ಷ ಬ್ರಹ್ಮಚರ್ಯಕ್ಕೆ ನಂತರದ 25 ವರ್ಷ ಗೃಹಸ್ಥಾಶ್ರಮಕ್ಕೆ. ವೇದಗಳಲ್ಲಿ ಹೇಳಿದಂತೆ ನಿಜವಾದ ಬ್ರಹ್ಮಚರ್ಯ ಅಂದರೆ ಮದುವೆಯಾಗದಿರುವುದು ಮಾತ್ರ ಅಲ್ಲ. ಭಗವಂತನನ್ನು ಧ್ಯಾನಿಸುತ್ತಾ, ಜ್ಞಾನಾರ್ಜನೆಯಲ್ಲಿ ವಿಹರಿಸುವುದು ಎನ್ನುವ ಅರ್ಥವೂ ಇದೆ.

ಮೊದಲ ಪ್ಯಾರಾದಲ್ಲಿ ಬರೆದ ವಿಚಾರ ಸೆಲೆಬ್ರಿಟಿಗಳಿಗೆ ಅಥವಾ ಸೆಲೆಬ್ರಿಟಿ ಜಗತ್ತಿಗೆ ಸಂಬಂಧಪಟ್ಟ ವಿಚಾರವಂತೂ ಅಲ್ಲವೇ ಅಲ್ಲ, ಯಾಕೆಂದರೆ ಬ್ರಹ್ಮಚರ್ಯ ಸಿದ್ಧಿಸಬೇಕಾದಲ್ಲಿ ಮೇಲಿನ ವಿಚಾರದ ಜೊತೆಗೆ ಇಂದ್ರಿಯ ನಿಗ್ರಹ ಸಾಧಿಸುವುದು ಅತ್ಯವಶ್ಯಕ.

ಹಾಗಿದ್ದರೂ ಸಿನಿಮಾ ಜಗತ್ತಿನಲ್ಲಿ ಇನ್ನೂ ಕೆಲವರು ಬ್ರಹ್ಮಚಾರಿಗಳಾಗಿದ್ದಾರೆ. ಬಾಲಿವುಡ್ ಸೆಲೆಬ್ರಿಟಿ ಜಗತ್ತಿನಲ್ಲಿ ನೋಡುವುದಾದರೆ, ಬ್ಯಾಡ್ ಬಾಯ್ ಸಲ್ಲೂ ಮಿಯಾ ಇನ್ನೂ ಗೃಹಸ್ಥಾಶ್ರಮಕ್ಕೆ ಫಿಕ್ಸ್ ಆಗದೇ ಇರೋದು ನೋಡಿದ್ರೆ ಯಾಕೋ ಫುಲ್ ಟೈಮ್ ಬ್ರಹ್ಮಚಾರಿ ಆಗೋ ರೂಟ್ ನಲ್ಲಿ ಸಾಗುತ್ತಿದ್ದಾರೋ ಎಂದು ಅನಿಸುತ್ತಿದೆ.

ಅಲ್ಲಿದ್ದು ಬಿಡಿ ನಮ್ಮ ಸ್ಯಾಂಡಲ್ ವುಡ್ಡಿನ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ ಯಾರು?