'ಹೀಗೊಂದು ದಿನ' ಚಿತ್ರದ ನಾಲ್ಕು ವಿಶೇಷತೆಗಳು

ಮದುವೆಯ ನಂತರ ಮೊದಲ ಸಿನಿಮಾ

ನಟಿ ಸಿಂಧುಲೋಕನಾಥ್ ಅವರು ಇತ್ತೀಚಿಗಷ್ಟೆ ಮಂಗಳೂರು ಮೂಲದ ಶ್ರೇಯಸ್ ಕೊಡಿಯಾಲ್ ಅವರ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಮದುವೆಯ ಬಳಿಕ ಸಿಂಧು ಅಭಿನಯದ ಮೊದಲ ಸಿನಿಮಾ ಬಿಡುಗಡೆಯಾಗುತ್ತಿದೆ.

ಕೇವಲ 2 ಗಂಟೆಯಲ್ಲಿ ನಡೆಯುವ ಕಥೆ

'ಹೀಗೊಂದು ದಿನ' ಚಿತ್ರ ಎರಡು ಗಂಟೆಯಲ್ಲಿ ನಡೆಯುವ ಕಥೆ. ಒಂದು ಗುರಿಯಿಟ್ಟಕೊಂಡು ಚಿತ್ರದ ನಾಯಕಿ ಮನೆಯಿಂದ ಹೊರಗೆ ಬರುತ್ತಾಳೆ. ಈ ಎರಡು ಗಂಟೆಯಲ್ಲಿ ನಾಯಕಿ ಯಾವ ತೊಂದರೆಗಳನ್ನು, ಕಷ್ಟಗಳನ್ನು ಎದುರಿಸ್ತಾಳೆ ಎಂಬುವುದು ಕಥೆಯ ತಿರುಳು. ಕಥೆಯಲ್ಲಿ ನಾಯಕಿಯ ಬೆಳಗ್ಗೆ 6 ಗಂಟೆಯಿಂದ 8 ಗಂಟೆಯವರೆಗಿನ ಸನ್ನಿವೇಶವನ್ನು ಹೊಂದಿದೆ. ಹೀಗಾಗಿ ಚಿತ್ರೀಕರಣವನ್ನು ಬೆಳಗಿನ ಜಾವ 6 ಗಂಟೆಯಿಂದ 8 ಗಂಟೆಯ ಮಧ್ಯ ಭಾಗದಲ್ಲಿ ಶೂಟ್ ಮಾಡಲಾಗಿದೆ.

ಕಲಾವಿದರ ದಂಡು

'ಹೀಗೊಂದು ದಿನ'ದಲ್ಲಿ ಕಲಾವಿದರ ದಂಡೆ ಇದೆ. ಸಿಂಧು ಲೋಕನಾಥ್ ಮುಖ್ಯ ಪಾತ್ರ ನಿರ್ವಹಿಸಿದ್ದರೇ, 'ಸಿಂಪಲ್ಲಾಗ್ ಇನ್ನೊಂದು ಲವ್ ಸ್ಟೋರಿ'ಯ ಪ್ರವೀಣ್, ಹಿರಿಯ ನಟಿ ಗಿರಿಜಾ ಲೋಕೇಶ್, ಪದ್ಮಜಾ ರಾವ್, ಗುರುಪ್ರಸಾದ್, ಶೋಭರಾಜ್, ಮಿತ್ರ, ಗಿರಿ, ಬಾಲಾಜಿ ಮನೋಹರ್ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ.

ಅನ್‍ ಕಟ್ ಸಿನಿಮಾ

'ಹೀಗೊಂದು ದಿನ' ಚಿತ್ರದ ಬಹುಮುಖ್ಯ ವಿಶೇಷತೆ ಅಂದ್ರೆ ಇದು ಅನ್ ಕಟ್ ಸಿನಿಮಾ. ಸುಮಾರು 2 ಗಂಟೆಯ ಕಥೆಯ ಅನ್ ಕಟ್ ಮಾದರಿಯಲ್ಲಿ ತೋರಿಸಿದ್ದಾರೆ.