ಈ ಚಿತ್ರಗಳನ್ನ ಈಗಲೇ ನೋಡ್ಕೊಳ್ಳಿ, ಮುಂದಿನ ವಾರ ಇರುತ್ತೋ ಇಲ್ವೋ.!

'ಟಗರು' ನೋಡಬಹುದು

ಫೆಬ್ರವರಿ 24 ರಂದು ಬಿಡುಗಡೆಯಾಗಿದ್ದ 'ಟಗರು' ಸಿನಿಮಾ ಇನ್ನು ಕೆಲವು ಚಿತ್ರಮಂದಿರದಲ್ಲಿ ಪ್ರದರ್ಶನವಾಗುತ್ತಲೇ ಇದೆ. ಮೆಜೆಸ್ಟಿಕ್ ನ ಮುಖ್ಯ ಚಿತ್ರಮಂದಿರ ಸೇರಿದಂತೆ ಹಲವು ಮಲ್ಟಿಫ್ಲೆಕ್ಸ್ ಗಳಲ್ಲಿ ಇದೆ. ನೂರನೇ ದಿನದ ಗಡಿಯಯಲ್ಲಿರುವ 'ಟಗರು' ನೂರು ದಿನದ ನಂತರ ಇರುತ್ತೋ ಇಲ್ವೋ ಗೊತ್ತಿಲ್ಲ.

ಕಳೆದ ವಾರ ಬಂದಿತ್ತು 'Rambo 2'

ಶರಣ್, ಆಶಿಕಾ ರಂಗನಾಥ್ ಅಭಿನಯಿಸಿದ್ದ 'Rambo 2' ಸಿನಿಮಾ ಕಳೆದ ವಾರವಷ್ಟೇ ತೆರೆಕಂಡಿತ್ತು. ಈ ಚಿತ್ರಕ್ಕೆ ಒಳ್ಳೆಯ ಪ್ರತಿಕ್ರಿಯೆ ಕೂಡ ಸಿಕ್ಕಿತ್ತು. ಸದ್ಯ, ಕರ್ನಾಟಕದ ಅತಿ ಹೆಚ್ಚು ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ಪ್ರದರ್ಶನವಾಗುತ್ತಿದೆ.

ಮಲ್ಟಿಪ್ಲೆಕ್ಸ್ ನಲ್ಲಿ 'ಗುಳ್ಟು', 'ಅಂಜನಿಪುತ್ರ'

ಇನ್ನು ಮಲ್ಟಿಪ್ಲೆಕ್ಸ್ ಚಿತ್ರಮಂದಿರದಲ್ಲಿ ಒಂದೇ ಒಂದು ಶೋ 'ಗುಳ್ಟು' ಪ್ರದರ್ಶನವಾಗುತ್ತಿದ್ರೆ, ಮೆಜೆಸ್ಟಿಕ್ ನಲ್ಲಿರುವ ಸ್ವಪ್ನ ಚಿತ್ರಮಂದಿರದಲ್ಲಿ ಪುನೀತ್ ರಾಜ್ ಕುಮಾರ್ ಅಭಿನಯದ 'ಅಂಜನಿಪುತ್ರ' ಇದೆ. ಬಹುಶಃ ಮುಂದಿನ ವಾರಗಳಲ್ಲಿ ಈ ಚಿತ್ರಗಳು ಎತ್ತಂಗಡಿ ಆದ್ರೂ ಅಚ್ಚರಿಯಿಲ್ಲ.

ಈ ವಾರ ತೆರೆಕಂಡ ಚಿತ್ರಗಳು

ಈ ಚಿತ್ರಗಳ ಪೈಕಿ ಈ ವಾರ ತೆರೆಗೆ ಬಂದ 'ಹೊಟ್ಟೆಗಾಗಿ ಗೇಣು ಬಟ್ಟೆಗಾಗಿ', 'ರಾಮಧಾನ್ಯ', 'ಓಳ್ ಮುನಿಸ್ವಾಮಿ', 'ರಾಜ ಲವ್ಸ್ ರಾಧೆ', 'ಯಾರ್ ಯಾರ್ ಗೋರಿ ಮೇಲೆ' ಚಿತ್ರಗಳು ಕೂಡ ಸೇರಿಕೊಂಡಿವೆ. ಆದ್ರೆ, ಮುಂದಿನ ವಾರವೂ ಈ ಚಿತ್ರಗಳು ಸ್ಥಿರ ಪ್ರದರ್ಶನ ಕಾಯ್ದುಕೊಳ್ಳುತ್ತಾ ಕಾದು ನೋಡಬೇಕಿದೆ.

ತೆಲುಗು ಸಿನಿಮಾಗಳು

ಕೀರ್ತಿ ಸುರೇಶ್ ಮುಖ್ಯ ಭೂಮಿಕೆಯಲ್ಲಿ ಅಭಿನಯದ 'ಮಹಾನಟಿ' ಸಿನಿಮಾ, ರವಿತೇಜ ಅಭಿನಯದ 'ನೆಲ ಟಿಕೆಟ್', ಅಲ್ಲು ಅರ್ಜುನ್ ಅಭಿನಯದ 'ನಾ ಪೇರು ಸೂರ್ಯ', ಮಹೇಶ್ ಬಾಬು ಅಭಿನಯದ 'ಭರತ್ ಅನೆ ನೇನು', ರಾಮ್ ಚರಣ್ ಅಭಿನಯದ 'ರಂಗಸ್ಥಲಂ' ಮತ್ತು 'ಅಮ್ಮಮ್ಮಾಗಾರಿಲ್ಲು' ಪ್ರದರ್ಶನವಾಗ್ತಿದೆ.

ತಮಿಳು ಚಿತ್ರಗಳು

ವಿಶಾಲ್ ಅಭಿನಯದ ಇರುಂಬುತಿರೈ, ಮಹಾನಟಿಯ ತಮಿಳು ಅವತರಣಿಕೆ 'ನಡಿಗರ್ ತಿಲಕಂ', ಸೆಮ, ಪೇಯ್ ಇರುಕ್ಕಾ ಇಲ್ಲೈ, ಚಿತ್ರಗಳು ಬೆಂಗಳೂರಿನಲ್ಲಿ ಪ್ರದರ್ಶನ ಕಾಣುತ್ತಿವೆ.

ಹಿಂದಿ ಸಿನಿಮಾಗಳು

ಆಲಿಯಾ ಭಟ್ ಅಭಿನಯದ 'ರಾಝೀ', ಜಾನ್ ಅಬ್ರಾಹಂ ಅಭಿನಯದ 'ಪರಮಾಣು', ಅಮಿತಾಬ್ ಬಚ್ಚನ್ ಮತ್ತು ರಿಷಿ ಕಪೂರ್ ಅಭಿನಯದ '102 ನಾಟೌಟ್', 'ಬಯೋಸ್ಕೋಪ್ ವಾಲ' ಚಿತ್ರಗಳು ಬೆಂಗಳೂರಿನ ಚಿತ್ರಮಂದಿರಗಳಲ್ಲಿ ಪ್ರದರ್ಶನವಾಗ್ತಿದೆ.