ರಾಕಿ ಭಾಯ್ ಫುಲ್ ಟ್ರೆಂಡಿಂಗ್‌: ಮತ್ತೆ ಹೆಚ್ಚಾಯ್ತು ಅಭಿಮಾನಿಗಳ ನಿರೀಕ್ಷೆ!

ಯಶ್ ಫುಲ್ ಟ್ರೆಂಡಿಂಗ್

ಯಶ್ ಹೊಸ ಸಿನಿಮಾ ಈಗಾಗಲೇ ಸಾಕಷ್ಟು ಸುದ್ದಿಗಳು ಚಾಲ್ತಿಯಲ್ಲಿವೆ. ಆದರೆ, ಅವುಗಳಲ್ಲಿ ಯಾವುದು ಸತ್ಯ ಅನ್ನೋದು ಮಾತ್ರ ಇನ್ನೂ ನಿಗೂಢವಾಗಿಯೇ ಇದೆ. ಆದ್ರೀಗ ಅವರ ಅಭಿಮಾನಿಗಳು ಹೊಸ ಸುದ್ದಿಯೊಂದು ಸಿಕ್ಕಿದೆ. ಯಶ್ ತಮ್ಮ ಹೊಸ ಸಿನಿಮಾವನ್ನು ಡಿಸೆಂಬರ್ ತಿಂಗಳಲ್ಲಿ ಅನೌನ್ಸ್ ಮಾಡಲಿದ್ದಾರಂತೆ. ಹಾಗೇ ಫಸ್ಟ್ ಲುಕ್ ಅನ್ನು ಜನವರಿಯಲ್ಲಿ ಅವರ ಹುಟ್ಟುಹಬ್ಬದಂದು ಬಿಡುಗಡೆ ಮಾಡುತ್ತಾರೆ ಅಂತ ಟ್ರೆಂಡ್ ಮಾಡುತ್ತಿದ್ದಾರೆ.

ಯಶ್ ಹುಟ್ಟುಹಬ್ಬಕ್ಕೆ ಇನ್ನು 53 ದಿನ

ರಾಕಿಂಗ್ ಸ್ಟಾರ್ ಯಶ್ ಹುಟ್ಟುಹಬ್ಬಕ್ಕೆ ಏನಾದರೂ ಒಂದು ಹೊಸ ಸುದ್ದಿ ಕೊಟ್ಟೇ ಕೊಡುತ್ತಾರೆ ಅನ್ನೋ ನಂಬಿಕೆ ಅಭಿಮಾನಿಗಳದ್ದು. ಈ ಕಾರಣಕ್ಕೆ ಡಿಸೆಂಬರ್‌ನಲ್ಲಿ ಹೊಸ ಸಿನಿಮಾ ಬಗ್ಗೆ ಘೋಷಣೆ ಆಗೋದು ಖಚಿತ ಅನ್ನೋದು ಅಭಿಮಾನಿಗಳ ಲೆಕ್ಕಾಚಾರ. ಅಂದ್ಹಾಗೆ ಯಶ್ ಜನವರಿ 8ರಂದು ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ. ಈ ಕಾರಣಕ್ಕೆ ರಾಕಿಂಗ್ ಫೆಸ್ಟಿವಲ್‌ಗೆ ಇನ್ನು 53 ದಿನ ಬಾಕಿ ಅಂತ ಅಭಿಯಾನವನ್ನು ಶುರು ಮಾಡಿದ್ದಾರೆ.

ಯಶ್‌ ಅನ್ನು ಧೋನಿಗೆ ಹೋಲಿಸಿದ ಅಭಿಮಾನಿಗಳು

'ಕೆಜಿಎಫ್ 2' ಕನ್ನಡ ಚಿತ್ರರಂಗವನ್ನು ರಾಷ್ಟ್ರಕ್ಕಷ್ಟೇ ತೆಗೆದುಕೊಂಡು ಹೋಗಿಲ್ಲ. ಬದಲಾಗಿ ವಿಶ್ವ ಮಟ್ಟದಲ್ಲಿ ಗರ್ವ ಪಡುವಂತೆ ಮಾಡಿದೆ. ಅದೇ ರೀತಿ ಮಹೇಂದ್ರ ಸಿಂಗ್ ಧೋನಿ 28 ವರ್ಷಗಳ ಬಳಿಕ ಭಾರತಕ್ಕೆ ಮತ್ತೆ ವಿಶ್ವಕಪ್ ಅನ್ನು ಗೆಲ್ಲಿಸಿಕೊಟ್ಟಿದ್ದರು. ಈ ಕಾರಣಕ್ಕೆ ನೆಟ್ಟಿಗರು 2011ರಲ್ಲಿ ಎಂ ಎಸ್‌ ಧೋನಿ ವಿಶ್ವಕಪ್ ಗೆಲ್ಲಿಸಿಕೊಟ್ಟಂತೆ, 'ಕೆಜಿಎಫ್ 2' ಮೂಲಕ ಭಾರತೀಯ ಚಿತ್ರರಂಗದ ಬಾಕ್ಸಾಫೀಸ್‌ಗೆ ಗೆಲುವು ತಂದುಕೊಟ್ಟಿದ್ದು ಯಶ್ ಎಂದು ಹೇಳುತ್ತಿದ್ದಾರೆ. ಕಳೆದೆರಡು ದಿನಗಳಿಂದ ಇದೂ ಕೂಡ ಟ್ರೆಂಡ್ ಆಗುತ್ತಿದೆ.

ಏನನ್ನೂ ನಂಬಬೇಡಿ

'ಕೆಜಿಎಫ್ 2' ಯಶ್ ಹೊಸ ಸಿನಿಮಾ ಬಗ್ಗೆ ಗೌಪ್ಯತೆಯನ್ನು ಹಾಗೇ ಉಳಿಸಿಕೊಂಡಿದ್ದಾರೆ. ಅದೇ ಇನ್ನೊಂದು ಕಡೆ ಸೋಶಿಯಲ್ ಮೀಡಿಯಾಗಳಲ್ಲಿ ಯಶ್ ಮುಂದಿನ ಬಗ್ಗೆ ಹಲವು ಲೆಕ್ಕಾಚಾರಗಳು ಹಾಕಲಾಗಿದೆ. ಇದರ ಬಗ್ಗೆ ಈಗಾಗಲೇ ಚರ್ಚೆಗಳು ನಡೆಯುತ್ತಲೇ ಇದೆ. ಅದಕ್ಕೆ ಯಶ್ ಏನನ್ನೂ ನಂಬಬೇಡಿ "ಏನೇ ಇದ್ದರೂ ನಾನೇ ಹೇಳುತ್ತೇ. ಶೀಘ್ರದಲ್ಲಿಯೇ ಹೊಸ ಸಿನಿಮಾ ಅನೌನ್ಸ್ ಮಾಡುತ್ತೇನೆ" ಎಂದು ಇತ್ತೀಚೆಗೆ ಹೇಳಿದ್ದರು. ಅಲ್ಲದೆ 'ಕೆಜಿಎಫ್ 3' ಈಗಲೇ ಸೆಟ್ಟೇರುವುದಿಲ್ಲ ಅನ್ನೋದನ್ನು ಕನ್ಫರ್ಮ್‌ ಮಾಡಿದ್ದರು.