ಕಬಾಲಿ, ರೋಬೋ ದಾಖಲೆ ಅಳಿಸಿ ಹೊಸ ದಾಖಲೆ ಬರೆದ ಕೆಜಿಎಫ್

30 ಕೋಟಿ ಬಾಚಿದ ಕೆಜಿಎಫ್

ಹಿಂದಿಯಲ್ಲಿ ಕೆಜಿಎಫ್ ಒಳ್ಳೆಯ ಕಲೆಕ್ಷನ್ ಮಾಡ್ತಿದೆ. 12 ದಿನಗಳಲ್ಲಿ ಕೆಜಿಎಫ್ ಹಿಂದಿ ಸಿನಿಮಾ ಒಟ್ಟು 30.45 ಕೋಟಿ ಗಳಿಸಿ ಇತಿಹಾಸ ನಿರ್ಮಿಸಿದೆ. ಈ ಮೂಲಕ ಹಿಂದಿಯಲ್ಲಿ ಡಬ್ ಆದ ಚಿತ್ರಗಳ ಪೈಕಿ ಕೆಜಿಎಫ್ ನಾಲ್ಕನೇ ಸ್ಥಾನದಲ್ಲಿದೆ.

'ಕಬಾಲಿ' ಗಳಿಸಿದ್ದು ಎಷ್ಟು ಕೋಟಿ?

ರಜನಿಕಾಂತ್ ಅಭಿನಯದ ಕಬಾಲಿ ಸಿನಿಮಾ ಹಿಂದಿ ವರ್ಷನ್ ನಲ್ಲಿ 24 ಕೋಟಿ ಗಳಿಸಿತ್ತು. ಅದಕ್ಕೂ ಮುಂಚೆ ತೆರೆಕಂಡಿದ್ದ ಎಂಥಿರನ್ 22 ಕೋಟಿ ಬಾಚಿಕೊಂಡಿತ್ತು. ಇದೀಗ, ಈ ಎರಡು ಚಿತ್ರಗಳ ಕಲೆಕ್ಷನ್ ದಾಖಲೆಯನ್ನ ಕೆಜಿಎಫ್ ಸಿನಿಮಾ ಅಳಿಸಿಹಾಕಿದೆ.

ದಿನದ ಲೆಕ್ಕಾಚಾರದಲ್ಲಿ ಕೆಜಿಎಫ್ ಗಳಿಸಿದ್ದು?

ಮೊದಲ ದಿನ 2.10 ಕೋಟಿ, ಎರಡನೇ ದಿನ 3 ಕೋಟಿ, ಮೂರನೇ ದಿನ 4.10 ಕೋಟಿ, ನಾಲ್ಕನೇ ದಿನ 2.90 ಕೋಟಿ, ಐದನೇ ದಿನ 4.35 ಕೋಟಿ, ಆರನೇ ದಿನ 2.6 ಕೋಟಿ, ಏಳನೇ ದಿನ 2.40 ಕೋಟಿ, ಏಂಟನೇ ದಿನ 1.25 ಕೋಟಿ, ಒಂಭತ್ತನೇ ದಿನ 1.75 ಕೋಟಿ, ಹತ್ತನೇ ದಿನ 2.25 ಕೋಟಿ, ಹನ್ನೊಂದನೇ ದಿನ 1.50 ಕೋಟಿ, ಹನ್ನೆರಡನೇ ದಿನ 2.25 ಕೋಟಿ ಗಳಿಸಿದೆ.

ಕೆಜಿಎಫ್ ಒಟ್ಟಾರೆ ಕಲೆಕ್ಷನ್ ಎಷ್ಟು?

ಸದ್ಯ ಕೆಜಿಎಫ್ ಸಿನಿಮಾ ರಿಲೀಸ್ ಆಗಿ 12 ಆಗಿದೆ. ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂ ಭಾಷೆಯಲ್ಲಿ ಸಿನಿಮಾ ರಿಲೀಸ್ ಆಗಿತ್ತು. ಇಲ್ಲಿಯವರೆಗೂ ಕೆಜಿಎಫ್ ಒಟ್ಟಾರೆ 150 ಗಳಿಕೆ ಕಂಡು ಮುನ್ನುಗ್ಗುತ್ತಿದೆ ಎಂದು ಹೇಳಲಾಗ್ತಿದೆ. ಈ ಯಶಸ್ಸು ಹೀಗೆ ಮುಂದುವರೆದರೇ 200 ಕೋಟಿ ಗಡಿದಾಟುವ ಎಲ್ಲ ಸಾಧ್ಯತೆಗಳಿವೆ.