ನಾಲ್ಕು ವರ್ಷದ ಬಳಿಕ ಕಿಚ್ಚ ಕೊಂಡ ಹೊಸ ಕಾರ್ ಯಾವ್ದು?

ಹೊಸ ಕಾರ್ ಖರೀದಿಸಿದ ಕಿಚ್ಚ

ಕಿಚ್ಚ ಸುದೀಪ್ ಹೊಸ ಕಾರ್ ಖರೀದಿಸಿದ್ದಾರೆ. ಕೆಂಪು ಬಣ್ಣದ ವೋಲ್ವೊ ಕಂಪನಿಯ ಕಾರ್ ನಿನ್ನೆ ಅಭಿನಯ ಚಕ್ರವರ್ತಿ ಮನೆಗೆ ಬಂದಿದೆ. ಸದ್ಯ ಸುದೀಪ್ ಕಾರಿನ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

4 ವರ್ಷದ ನಂತರ ಖರೀದಿ

ಸುದೀಪ್ ನಾಲ್ಕು ವರ್ಷದಿಂದ ಹೊಸ ಕಾರ್ ಖರೀದಿಯೇ ಮಾಡಿಲ್ಲ. ಕಳೆದ ಮೂರು ತಿಂಗಳ ಹಿಂದೆ ತಮ್ಮ ಅಕ್ಕನ ಮಗಳಿಗಾಗಿ ಜೀಪ್ ಗಿಫ್ಟ್ ಕೊಟ್ಟಿದ್ದರು. ಅದನ್ನು ಬಿಟ್ಟರೆ ತಮ್ಮ ಸ್ವಂತಕ್ಕಾಗಿ ಇತ್ತೀಚಿಗೆ ಕಾರ್ ಕೊಂಡುಕೊಂಡಿಲ್ಲ.

ಕಿಚ್ಚನ ಬಳಿ ಇವೆ ವಿಶೇಷವಾದ ಕಾರ್ ಗಳು

ಸುದೀಪ್ ಕೂಡ ಒಬ್ಬ ಕಾರ್ ಪ್ರೇಮಿ. ಹಾಗಂತ ಮಾರುಕಟ್ಟೆಗೆ ಬಂದ ಕಾರ್ ಗಳನ್ನೆಲ್ಲಾ ಖರೀದಿ ಮಾಡುವುದಿಲ್ಲ. ಇಷ್ಟವಾದ ಹಾಗೂ ವಿಶೇಷ ಎನಿಸುವಂತಹ ಕಾರ್ ಗಳನ್ನ ಮಾತ್ರ ಮನೆಗೆ ತರುತ್ತಾರೆ. ಸದ್ಯ ಸುದೀಪ್ ಬಳಿ ರೇಂಜ್ ರೋವರ್, BMW, ಜಾಗ್ವಾರ್, ಫೋರ್ಡ್ ಕಂಪನಿಯ ಕಾರುಗಳಿವೆ.

ಕಾರ್ ಮಾರಾಟ ಮಾಡಿದ್ದ ಹಣ ರೈತರಿಗೆ ನೀಡಿದ್ದರು

ತಮ್ಮ ಬಳಿ ಇರುವ ಕಾರುಗಳ ಪೈಕಿ ಒಂದು ಕಾರನ್ನು ಸುದೀಪ್ ಮಾರಾಟ ಮಾಡಿ ಅದರಿಂದ ಬರುವ ಹಣವನ್ನು ಸಂಕಷ್ಟದಲ್ಲಿರುವ ರೈತರಿಗೆ ನೆರವು ನೀಡಿದ್ದರು. 'ವಿ ರೆಸ್ಪೆಕ್ಟ್ ಫಾರ್ಮರ್ಸ್' ಟ್ರಸ್ಟ್'ಗೆ ಕಿಚ್ಚ ಸುದೀಪ್ ಈ ಹಿಂದೆಯೇ ಹಣ ನೀಡಿ ಸಾಕಷ್ಟು ಜನರಿಗೆ ಮಾದರಿ ಆಗಿದ್ದರು.