ನಾಳೆ ಸುದೀಪ್ ಅಭಿಮಾನಿಗಳಿಗೆ ಸಿಗಲಿದೆ ಭರ್ಜರಿ ಗಿಫ್ಟ್

ಜೂನ್ 4, ಸಂಜೆ 4 ಗಂಟೆ

ಸ್ಯಾಂಡಲ್ ವುಡ್ ಮಾಣಿಕ್ಯ ಅಭಿನಯ ಚಕ್ರವರ್ತಿ ಸುದೀಪ್ ಮತ್ತು ಪೈಲ್ವಾನ್ ತಂಡ ನಾಳೆ ಚಿತ್ರದ ಪೋಸ್ಟರ್ ಅನ್ನು ರಿವೀಲ್ ಮಾಡುತ್ತಿದ್ದಾರೆ. ಇದು ತುಂಬಾ ವಿಶೇಷವಾದ ಪೋಸ್ಟರ್ ಆಗಿರಲಿದೆಯಂತೆ. ನಾಳೆ 4ಗಂಟೆಗೆ ಪೈಲ್ವಾನ್ ಕಡೆಯಿಂದ ಪೋಸ್ಟರ್ ರಿಲೀಸ್ ಆಗಲಿದೆ ಎಂದು ಮಾತ್ರ ಬಹಿರಂಗ ಪಡಿಸಿದೆ ಚಿತ್ರತಂಡ. ಆದ್ರೆ ಯಾರ ಪೋಸ್ಟರ್ ಹೋಗಿರಲಿದೆ ಎನ್ನುವ ಮಾಹಿತಿ ಮಾತ್ರ ರಿವೀಲ್ ಮಾಡಲಿಲ್ಲ.

ವಿಶೇಷ ವ್ಯಕ್ತಿ ಕೈಯಿಂದ ಪೋಸ್ಟರ್ ರಿಲೀಸ್

ನಾಳೆ(ಜೂನ್ 4) 4 ಗಂಟೆಗೆ 'ಪೈಲ್ವಾನ್' ಚಿತ್ರದಿಂದ ಹೊರ ಬರುತ್ತಿರುವ ಪೋಸ್ಟರ್ ಅನ್ನು ವಿಶೇಷವಾದ ವ್ಯಕ್ತಿಯೊಬ್ಬರು ರಿಲೀಸ್ ಮಾಡುತ್ತಿದ್ದಾರಂತೆ.

ಯಾರು ಎನ್ನುವುದನ್ನು ಸಸ್ಪೆನ್ಸ್ ಆಗಿ ಇಟ್ಟಿದೆ ಚಿತ್ರತಂಡ. ನಾಳೆ 4 ಗಂಟೆಗೆ ಯಾರು ಮತ್ತು ಪೋಸ್ಟರ್ ಹೇಗಿರಲಿದೆ ಎನ್ನುವ ಕುತೂಹಲಕ್ಕೆ ತೆರೆ ಬೀಳಲಿದೆ.

ಸುನೀಲ್ ಶೆಟ್ಟಿ ಲುಕ್ ರಿವೀಲ್

ಪೈಲಾನ್' ಸಿನಿಮಾದ ಬಹು ಮುಖ್ಯ ಪಾತ್ರವಾದ ಸರ್ಕಾರ್ ಪೋಸ್ಟರ್ ಅನ್ನು ಈಗಾಗಲೆ ಬಿಡುಗಡೆ ಮಾಡಲಾಗಿದೆ. ಸರ್ಕಾರಿ ಪಾತ್ರದಲ್ಲಿ ಸುನೀಲ್ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ. ಬಳಿ ಪಂಚೆ ಹಾಗೂ ಬಿಳಿ ಅಂಗಿ ತೊಟ್ಟು ಖದರ್ ಲುಕ್ ನಲ್ಲಿ ಸುನೀಲ್ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ. ಮೊದಲ ಬಾರಿಗೆ ಸುನೀಲ್ ಶೆಟ್ಟಿ ಅಭಿನಯಿಸಿರುವ ಕನ್ನಡ ಸಿನಿಮಾ ಇದಾಗಿದೆ.

ಆಗಸ್ಟ್ ನಲ್ಲಿ ತೆರೆಗೆ ಬರಲಿದೆ ಪೈಲ್ವಾನ್

ಬಹುನಿರೀಕ್ಷೆಯ 'ಪೈಲ್ವಾನ್' ಆಗಸ್ಟ್ ನಲ್ಲಿ ತೆರೆಗೆ ಬರಲು ಸಜ್ಜಾಗಿದೆ. ಅಂದ್ಹಾಗೆ ಆಗಸ್ಟ್ 8 ವರಮಹಾಲಕ್ಷ್ಮಿ ಹಬ್ಬದಿಂದ 'ಪೈಲ್ವಾನ್' ಅಬ್ಬರ ಶುರುವಾಗಲಿದೆ. ಹೆಬ್ಬುಲಿ ಚಿತ್ರ ನಿರ್ದೇಶನ ಮಾಡಿದ್ದ ನಿರ್ದೇಶಕ ಕೃಷ್ಣ 'ಪೈಲ್ವಾನ್' ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ದಾರೆ. ಆರ್ ಆರ್ ಆರ್ ಮೋಷನ್ ಪಿಕ್ಟರ್ ಬ್ಯಾನರ್ ನಲ್ಲಿ ಸಿನಿಮಾ ಮೂಡಿ ಬಂದಿದೆ. ವಿಶೇಷ ಅಂದ್ರೆ ಸಿನಿಮಾ 8 ಭಾಷೆಯಲ್ಲಿ ತೆರೆಗೆ ಬರುತ್ತಿದೆ.