ನಿನ್ನ ಮುದ್ದಾಡಲು ಯಾವಾಗಲೂ ಸಿದ್ಧ: ಕಿಚ್ಚ ಸುದೀಪ್‌ಗೆ ಹೀಗೆಂದವರು ಯಾರು?

ಸುದೀಪ್ ಹಂಚಿಕೊಂಡ ಚಿತ್ರಗಳು

ಸ್ವಲ್ಪ ತಡವಾಗಿ, ಆದರೂ ಎಲ್ಲರಿಗೂ ರಕ್ಷಾ ಬಂಧನದ ಶುಭಾಶಯಗಳು ಎಂದು ಸುದೀಪ್ ಎರಡು ಮುದ್ದಾದ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಆಗಿನ ಸಹೋದರ, ಈಗಿನ ಸಹೋದರ, ಎಂದೆಂದಿಗೂ ಸಹೋದರ ಎಂಬ ಪದಗಳ ಮೂಲಕ ಕುಟುಂಬ ಬಾಂಧವ್ಯವನ್ನು ಹೇಳಿಕೊಂಡಿದ್ದಾರೆ.

ಮುದ್ದು ಮಾಡಲು ಸಿದ್ಧ

ಈ ಫೋಟೊವನ್ನು ಶೇರ್ ಮಾಡಿರುವ ಸುದೀಪ್ ಸಹೋದರಿ ಸುಜಾತಾ, ಅಕ್ಕ-ತಮ್ಮನ ಪ್ರೀತಿಯನ್ನು ತಿಳಿಸಿದ್ದಾರೆ. ನೀನು ಎಂದೆಂದಿಗೂ ನಮ್ಮ ಪುಟಾಣಿ ತಮ್ಮ. ನಿನ್ನನ್ನು ಮುದ್ದು ಮಾಡಲು ನಾವು ಯಾವಾಗಲೂ ಸಿದ್ಧ. ನಮಗೆ ಚಿಕ್ಕವನು ಎಂಬುದನ್ನು ನೆನಪಿಸಲೂ ಬಯಸುತ್ತೇವೆ ಎಂದು ತಮಾಷೆಯಾಗಿ ಹೇಳಿದ್ದಾರೆ.

ನಮಗಾಗಿ ಇರುತ್ತೀಯ

ನೀನು ಯಾವಾಗಲೂ ನಮಗಾಗಿ ಇರುತ್ತೀಯಾ 'ಡಿ'. ನಿನ್ನನ್ನು ತುಂಬಾ ಪ್ರೀತಿಸುತ್ತೇವೆ. ಸದಾ ಆಶೀರ್ವಾದವಿರಲಿ ಕಂದಾ ಎಂದು ಅವರ ಸಹೋದರಿ ಭಾವಪೂರ್ಣವಾಗಿ ಹೇಳಿದ್ದಾರೆ. ಸಹೋದರಿಯರ ಜತೆ ಸುದೀಪ್ ಇರುವ ಬಾಲ್ಯ ಮತ್ತು ವಯಸ್ಕ ಸಮಯದ ಫೋಟೊಗಳು ವೈರಲ್ ಆಗಿದೆ.

ಫ್ಯಾಟಮ್ ವಿಡಿಯೋಗಳು

ಅನೂಪ್ ಭಂಡಾರಿ ನಿರ್ದೇಶನದ 'ಫ್ಯಾಂಟಮ್' ಚಿತ್ರದಲ್ಲಿ ಸುದೀಪ್ 'ವಿಕ್ರಾಂತ್ ರೋಣ' ಎಂಬ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಮರು ಆರಂಭಗೊಂಡಾಗ ಎರಡು ವಿಡಿಯೋಗಳನ್ನು ಬಿಡುಗಡೆ ಮಾಡಲಾಗಿತ್ತು. ಥ್ರಿಲ್ಲಿಂಗ್ ಆಗಿದ್ದ ಈ ವಿಡಿಯೋಗಳು ಚಿತ್ರದ ಕುರಿತು ಕುತೂಹಲ ಹೆಚ್ಚಿಸುವಂತೆ ಮಾಡಿವೆ.