ಅಬ್ಬಬ್ಬಾ.. 8 ಕೋಟಿಗೆ ಏರಿತು ಅಭಿನಯ ಚಕ್ರವರ್ತಿ ಸುದೀಪ್ ಸಂಭಾವನೆ!

'ಕೋಟಿಗೊಬ್ಬ 3'

ಸುದೀಪ್ 'ಕೋಟಿಗೊಬ್ಬ 2' ಚಿತ್ರದ ಬಳಿಕ 'ಕೋಟಿಗೊಬ್ಬ 3' ಸಿನಿಮಾ ಮಾಡುತ್ತಿದ್ದಾರೆ. ಅಚ್ಚರಿ ಅಂದರೆ ಈ ಚಿತ್ರಕ್ಕೆ ಸುದೀಪ್ ಬರೋಬ್ಬರಿ 8 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರಂತೆ.

ನಿರ್ಮಾಪಕ ಸೂರಪ್ಪ ಬಾಬು

ನಿರ್ಮಾಪಕ ಸೂರಪ್ಪ ಬಾಬು ತಮ್ಮ 'ಕೋಟಿಗೊಬ್ಬ 3' ಚಿತ್ರಕ್ಕಾಗಿ ಸುದೀಪ್ ಅವರಿಗೆ 8 ಕೋಟಿ ಸಂಭಾವನೆ ನೀಡಿದ್ದಾರಂತೆ. ಈ ವಿಷಯವನ್ನು ಸ್ವತಃ ಅವರೇ ಹೇಳಿದ್ದಾರೆ. ಈ ಹಿಂದೆ ಸುದೀಪ್ ಜೊತೆ 'ಕೋಟಿಗೊಬ್ಬ 2 'ಸಿನಿಮಾ ಮಾಡಿದ್ದ ಅವರು ಈಗ 'ಕೋಟಿಗೊಬ್ಬ 3' ಮಾಡುತ್ತಿದ್ದಾರೆ.

ನಂ 1 ಆದ ಕಿಚ್ಚ

ಇದುವರೆಗೆ ಕನ್ನಡದಲ್ಲಿ ನಟರಿಗೆ ಹೆಚ್ಚು ಅಂದರೆ 5 ರಿಂದ 6 ಕೋಟಿ ಸಂಭಾವನೆಯನ್ನು ನೀಡಲಾಗಿತ್ತು. ಆದರೆ ಕಿಚ್ಚ ಒಂದು ಹೆಚ್ಚು ಮುಂದೆ ಹೋಗಿದ್ದಾರೆ. 8 ಕೋಟಿ ಪಡೆದು ಅತಿ ಹೆಚ್ಚು ಸಂಭಾವನೆ ಪಡೆದ ಸ್ಯಾಂಡಲ್ ವುಡ್ ನಟನಾಗಿದ್ದಾರೆ.

ಡಿಮ್ಯಾಂಡ್ ನಲ್ಲಿ ಮಾಣಿಕ್ಯ

ಕನ್ನಡದಲ್ಲಿ ಮಾತ್ರವಲ್ಲದೆ ಸುದೀಪ್ ಪರಭಾಷೆಯಲ್ಲಿಯೂ ಬೇಡಿಕೆ ಇರುವ ನಟ. ಹಾಲಿವುಡ್ ನಲ್ಲಿ 'ರೈಸನ್' ಸಿನಿಮಾ ಮಾಡುತ್ತಿರುವ ಸುದೀಪ್ ಬಾಲಿವುಡ್ ನಲ್ಲಿ ಬಚ್ಚನ್ ಜೊತೆ ಮತ್ತೆ ನಟಿಸುತ್ತಾರೆ ಎಂಬ ಸುದ್ದಿ ಇದೆ.

'ದಿ ವಿಲನ್' ನಂತರ 'ಕೋಟಿಗೊಬ್ಬ 3'

'ದಿ ವಿಲನ್' ಚಿತ್ರದ ಹಾಡಿನ ಶೂಟಿಂಗ್ ನಲ್ಲಿ ಸದ್ಯ ಸುದೀಪ್ ಬಿಜಿ ಇದ್ದಾರೆ. ಈ ಚಿತ್ರದ ಬಳಿಕ 'ಕೋಟಿಗೊಬ್ಬ 3' ಸಿನಿಮಾದ ಶೂಟಿಂಗ್ ಶುರು ಮಾಡುವ ಪ್ಲಾನ್ ನಿರ್ಮಾಪಕರದ್ದಾಗಿದೆ. ಇನ್ನು ಈ ಚಿತ್ರದಲ್ಲಿ ನಾಯಕಿಯಾಗಿ ಕನ್ನಡದ ನಟಿಯೇ ಇರಲಿದ್ದಾರಂತೆ.

ಸುದೀಪ್ ಮುಂದಿನ ಸಿನಿಮಾಗಳು

ಸದ್ಯ ಸುದೀಪ್ ಕೈ ನಲ್ಲಿ 'ದಿ ವಿಲನ್', 'ಪೈಲ್ವಾನ್', 'ರೈಸನ್', 'ಅಂಬಿ ನಿಂಗ್ ವಯಸ್ಸಾಯ್ತೋ' ಚಿತ್ರಗಳು ಇದೆ.