Don't Miss!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- News ಚಾಮರಾಜನಗರ: ಚೊಂಬುಗಳ ಪಾರ್ಟಿ ಕಾಂಗ್ರೆಸ್
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Automobiles ರಾಜ್ಯದ ಕೈಜಾರಿ ತಮಿಳುನಾಡು ಸೇರಿದ 9000 ಕೋಟಿಯ ಪ್ರಾಜೆಕ್ಟ್: JLR ಇವಿ ಹಬ್ಗೆ ಸಿದ್ದವಾದ ನೆರೆ-ರಾಜ್ಯ!
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕ್ರಾಂತಿ ಬಿಡುಗಡೆಗೆ ಒಂದು ದಿನ ಬಾಕಿ: ಪೈರಸಿ ವಿಡಿಯೊ ಡಿಲಿಟ್ ಮಾಡಿಸಲು ಹೀಗೆ ಮಾಡಿ
ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ವಿ ಹರಿಕೃಷ್ಣ ಕಾಂಬಿನೇಶನ್ನ ಎರಡನೇ ಚಿತ್ರ ಕ್ರಾಂತಿ ಬಿಡುಗಡೆಗೆ ಕ್ಷಣಗಣನೆ ಆರಂಭಗೊಂಡಿದೆ. ಬರೋಬ್ಬರಿ 22 ತಿಂಗಳುಗಳ ಬರುತ್ತಿರುವ ತಮ್ಮ ನೆಚ್ಚಿನ ನಟನ ಚಿತ್ರವನ್ನು ಬೆಳ್ಳಿ ತೆರೆ ಮೇಲೆ ವೀಕ್ಷಿಸಲು ದರ್ಶನ್ ಅಭಿಮಾನಿಗಳು ಕಾತರರಾಗಿದ್ದಾರೆ. ಇನ್ನು ಚಿತ್ರದ ಬುಕಿಂಗ್ ಮೂರ್ನಾಲ್ಕು ದಿನಗಳ ಹಿಂದೆಯೇ ಆರಂಭಗೊಂಡಿದ್ದು, ಟಿಕೆಟ್ ಖರೀದಿಗಾಗಿ ಅಭಿಮಾನಿಗಳು ಮುಗಿಬಿದ್ದಿದ್ದಾರೆ.
ಇನ್ನು ಕ್ರಾಂತಿ ಚಿತ್ರತಂಡಕ್ಕೆ ಹಿಂದಿನಿಂದಲೂ ಒಂದಲ್ಲ ಒಂದು ತೊಡಕುಗಳು ಹಾಗೂ ವಿರೋಧಗಳು ಎದುರಾಗುತ್ತಲೇ ಇದ್ದು, ಚಿತ್ರದ ವಿರುದ್ಧ ಹಲವರು ಪಿತೂರಿ ನಡೆಸುತ್ತಿದ್ದಾರೆ ಎಂದು ಚಿತ್ರತಂಡದ ಸದಸ್ಯರು ಕೆಲ ಸಂದರ್ಶನಗಳಲ್ಲಿಯೂ ಮಾತನಾಡಿದ್ದಾರೆ. ಹೀಗೆ ಈಗಾಗಲೇ ಹಲವು ಸಮಸ್ಯೆಗಳನ್ನು ಎದುರಿಸುತ್ತಿರುವ ಕ್ರಾಂತಿ ಚಿತ್ರಕ್ಕೆ ಬಿಡುಗಡೆಯಾದ ನಂತರ ಪೈರಸಿ ಕಾಟ ತಪ್ಪಿದ್ದಲ್ಲ.
ಈ ಒಂದು ಚಿತ್ರ ಮಾತ್ರವಲ್ಲದೇ ಇತ್ತೀಚೆಗೆ ಬಿಡುಗಡೆಗೊಳ್ಳುತ್ತಿರುವ ಬಹುತೇಕ ಎಲ್ಲಾ ಚಿತ್ರಗಳೂ ಸಹ ಪೈರಸಿ ಸಮಸ್ಯೆಯನ್ನು ಎದುರಿಸುತ್ತಲೇ ಇವೆ. ಬಿಡುಗಡೆ ದಿನದ ಮೊದಲ ಶೋ ಮುಕ್ತಾಯಗೊಂಡ ಬೆನ್ನಲ್ಲೇ ತಮಿಳು ಎಂವಿ, ಐ ಬೊಮ್ಮ ಹಾಗೂ ಇತರೆ ವೆಬ್ತಾಣಗಳಲ್ಲಿ ಚಿತ್ರಗಳ ಥಿಯೇಟರ್ ಪ್ರಿಂಟ್ಗಳು ಲಭ್ಯವಿರುತ್ತವೆ. ಇನ್ನು ಇಷ್ಟು ಮಾತ್ರವಲ್ಲದೆ ಟೆಲಿಗ್ರಾಮ್ ಅಪ್ಲಿಕೇಶನ್ಗಳಲ್ಲಿಯೂ ಚಿತ್ರಗಳ ಪೈರಸಿ ಲಿಂಕ್ಗಳು ಹರಿದಾಡಲಿವೆ.
ಇನ್ನು ಚಿತ್ರವೆಂದರೆ ದ್ವೇಷ ಕಾರುವ ಕಿಡಿಗೇಡಿಗಳು ಈ ಲಿಂಕ್ಗಳನ್ನು ಶೇರ್ ಮಾಡಲಿದ್ದು ಹಾಗೂ ಚಿತ್ರದ ಪ್ರಮುಖ ದೃಶ್ಯಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಮತ್ತು ಯುಟ್ಯೂಬ್ನಲ್ಲಿ ಹಂಚಿಕೊಳ್ಳಲಿದ್ದು, ಈ ಹಿನ್ನಡೆಯನ್ನು ತಡೆಗಟ್ಟಲು ಕ್ರಾಂತಿ ಚಿತ್ರತಂಡವೂ ಎಲ್ಲಾ ಚಿತ್ರತಂಡಗಳ ಹಾಗೆ ಪೈರಸಿ ವಿರುದ್ಧ ಯುದ್ಧ ಸಾರಿದೆ. ಕ್ರಾಂತಿ ಚಿತ್ರದ ಯಾವುದೇ ಪೈರಸಿ ಲಿಂಕ್ ಹಾಗೂ ವಿಡಿಯೊ ತುಣುಕುಗಳು ಸಿಕ್ಕರೆ ಅವುಗಳನ್ನು [email protected]ಗೆ ಮೇಲ್ ಮಾಡಿ ಅಥವಾ 8056244694 ಈ ನಂಬರ್ಗೆ ವಾಟ್ಸಪ್ ಮಾಡಿ. ಇದರಿಂದ ತಂಡ ಅಂತಹ ಲಿಂಕ್ ಹಾಗೂ ತುಣುಕುಗಳನ್ನು ತೆಗೆದುಹಾಕಲಿದೆ.