Don't Miss!
- News Karnataka LS Election 2024 LIVE: ಇಂದು ಮೊದಲ ಹಂತದ ಮತದಾನಕ್ಕೆ ಸಿದ್ಧವಾದ ರಾಜ್ಯದ 14 ಕ್ಷೇತ್ರಗಳು
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೆಂಗಾಲಿಯ ಸೂಪರ್ ಸ್ಟಾರ್ ಸೌಮಿತ್ರಾ ಚಟರ್ಜಿ ಕೋವಿಡ್ಗೆ ಬಲಿ
ಬೆಂಗಾಲಿ ಭಾಷಾ ಸಿನಿಮಾದ ಸೂಪರ್ ಸ್ಟಾರ್, ದಂತಕತೆ ಎಂದೇ ಕರೆಯಲಾಗುವ ನಟ ಸೌಮಿತ್ರಾ ಚಟರ್ಜಿ ಭಾನುವಾರ (ನವೆಂಬರ್ 15) ಕೊನೆ ಉಸಿರೆಳೆದಿದ್ದಾರೆ.
ಸೌಮಿತ್ರಾ ಚಟರ್ಜಿ ಅವರಿಗೆ ಒಂದು ತಿಂಗಳ ಹಿಂದೆ ಕೊರೊನಾ ಸೋಂಕು ತಗುಲಿತ್ತು, 85 ವರ್ಷ ವಯಸ್ಸಿನ ಅವರಿಗೆ ಉಸಿರಾಟದ ಸಮಸ್ಯೆ ಕಾಣಿಸಿಕೊಂಡ ಕಾರಣ ಅವರನ್ನು ಅಕ್ಟೋಬರ್ 6 ರಂದು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ಸೌಮಿತ್ರಾ ಚಟರ್ಜಿ, ಬೆಂಗಾಲಿ ಭಾಷೆಯ ಮೊದಲ ಸೂಪರ್ ಸ್ಟಾರ್, 1956 ರಲ್ಲಿ ಸೌಮಿತ್ರಾ ಅವರು ಮೊದಲು ಕ್ಯಾಮೆರಾ ಎದುರಿಸಿದ್ದು, ಆಸ್ಕರ್ ಗೌರವಾನ್ವಿತ ಸತ್ಯಜಿತ್ ರೇ ಅವರ ನಿರ್ದೇಶನದ ಅಪುರ್ ಸಂಸಾರ್ ಸಿನಿಮಾಕ್ಕಾಗಿ. ಅಲ್ಲಿಂದ ಹಿಂತಿರುಗಿ ನೋಡಿದ್ದೇ ಇಲ್ಲ ಸೌಮಿತ್ರಾ.
ಭಾರತದ ಅತ್ಯುತ್ತಮ ನಿರ್ದೇಶಕ ಸತ್ಯಜಿತ್ ರೇ ಅವರ 14 ಸಿನಿಮಾಗಳಲ್ಲಿ ಸೌಮಿತ್ರಾ ಚಟರ್ಜಿ ನಟಿಸಿದ್ದರು. 1970-80 ರ ಸಮಯದಲ್ಲಿ ಬೆಂಗಾಲಿ ಸಿನಿಮಾ ಎಂದರೆ ಸೌಮಿತ್ರ ಚಟರ್ಜಿ ಎಂಬಂಥಹಾ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಸೌಮಿತ್ರಾ ನಟಿಸಿದ ಬಹುತೇಕ ಸಿನಿಮಾಗಳೆಲ್ಲವೂ ಹಿಟ್ ಎನಿಸಿಕೊಂಡಿದ್ದವು.
ಸತ್ಯಜಿತ್ ರೇ ಮಾತ್ರವಲ್ಲದೆ, ಬೆಂಗಾಲಿ ನಿರ್ದೇಶಕರುಗಳಾದ ಮೃನಾಲಿ ಸೇನ್, ತಪನ್ ಸಿನ್ಹಾ ಅಂಥಹಾ ಸೂಕ್ಷ್ಮ ಸಿನಿಮಾ ನಿರ್ದೇಶಕರುಗಳೊಟ್ಟಿಗೂ ಹಲವಾರು ನೆನಪುಳಿಯುವ ಸಿನಿಮಾಗಳನ್ನು ನೀಡಿದ್ದಾರೆ ಸೌಮಿತ್ರ ಚಟರ್ಜಿ.
Recommended Video
ಮೂರು ಬಾರಿ ರಾಷ್ಟ್ರಪ್ರಶಸ್ತಿ ಪಡೆದಿರುವ ಸೌಮಿತ್ರಾ, ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ. ಭಾರತ ಸರ್ಕಾರದಿಂದ ಪದ್ಮ ಭೂಷಣ ಪ್ರಶಸ್ತಿ ಸಹ ಪಡೆದಿದ್ದಾರೆ. ಅದು ಮಾತ್ರವಲ್ಲದೆ, ಫ್ರಾನ್ಸ್ನ ಅತ್ಯುನ್ನತ ನಾಗರೀಕ ಪ್ರಶಸ್ತಿಯನ್ನೂ ಸಹ ಸೌಮಿತ್ರಾ ಪಡೆದುಕೊಂಡಿದ್ದಾರೆ.