ಮೋನಿಕಾ ಜೊತೆ ಸಪ್ತಪದಿ ತುಳಿದ ಮನೋಮೂರ್ತಿ ಪುತ್ರ ನವೀನ್

ಕನ್ನಡದ ಖ್ಯಾತ ಸಂಗೀತ ನಿರ್ದೇಶಕ ಮನೋಮೂರ್ತಿ ಅವರ ಪುತ್ರ ನವೀನ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಬಹುಕಾಲ ಗೆಳತಿ ಮೋನಿಕಾ ಜೊತೆ ಇಂದು ಹೊಸ ಜೀವನ ಆರಂಭಿಸಿದ್ದಾರೆ.

ಚಿಕಾಗೋದಲ್ಲಿಂದು ಸರಳವಾಗಿ ಇವರಿಬ್ಬರ ಮದುವೆ ನೆರವೇರಿದ್ದು, ಕೇವಲ ಕುಟುಂಬಸ್ಥರು ಮತ್ತು ಕೆಲವೇ ಕೆಲವು ಆಪ್ತರು ಮಾತ್ರ ಭಾಗಿಯಾಗಿದ್ದರು.

ಮೋನಿಕಾ ಮೂಲತಃ ಗುಜರಾತಿ ಮೂಲಕದ ಡಾಕ್ಟರ್. ನವೀನ್​ ಕೂಡ ಅಮೆರಿಕಾದಲ್ಲಿ ಸರ್ಜನ್​ ಆಗಿದ್ದಾರೆ. ಪ್ರಸ್ತುತ, ತಂದೆ-ತಾಯಿ ಜೊತೆಗೆ ಅಮೆರಿಕಾದಲ್ಲ್ಲೇ ನವೀನ್​ ವಾಸವಾಗಿದ್ದಾರೆ.

ಕನ್ನಡ ಚಿತ್ರರಂಗದ ಸಂಗೀತ ಲೋಕದಲ್ಲಿ ತನ್ನ ಹಾಡುಗಳ ಮೂಲಕ ಸಂಚಲನ ಸೃಷ್ಟಿಸಿದ್ದ ಮನೋಮೂರ್ತಿ ಕಳೆದ ಹಲವು ವರ್ಷಗಳಿಂದ ಚಿತ್ರರಂಗದಿಂದ ಅಂತರ ಕಾಯ್ದುಕೊಂಡಿದ್ದಾರೆ.

ಅಮೆರಿಕ, ಅಮೆರಿಕ, ಚೆಲುವಿನ ಚಿತ್ತಾರ, ಗೆಳೆಯ, ಮಾತಾಡ್ ಮಾತಾಡ್ ಮಲ್ಲಿಗೆ, ಈ ಬಂಧನ, ಮುಂಗಾರು ಮಳೆ, ಮಿಲನ, ಅಮೃತಧಾರೆ, ಮೊಗ್ಗಿನ ಮನಸ್ಸು, ಹಾಗೆ ಸುಮ್ಮನೆ ಸೇರಿದಂತೆ ಹಲವು ಹಿಟ್ ಚಿತ್ರಗಳಿಗೆ ಸಂಗೀತ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ.

Recommended Video