ಈ ವಾರದಿಂದ ಚಿತ್ರಮಂದಿರಲ್ಲಿ ಮತ್ತೆ ಬಿಗ್ ಸ್ಟಾರ್ಸ್ ಅಬ್ಬರ

ಕೆಜಿಎಫ್ ಮತ್ತೆ ರಿಲೀಸ್

ಇಂದಿನಿಂದ ಬೆಂಗಳೂರಿನಲ್ಲಿ ಕೆಜಿಎಫ್ ಚಾಪ್ಟರ್ 1 ರಿ-ರಿಲೀಸ್ ಆಗಿದೆ. ಹಲಸೂರ್‌ನ ಐನಾಕ್ಸ್, ಸಿಗ್ಮಾ ಮಾಲ್‌ನ ಫನ್ ಸಿನಿಮಾ, ಮಾಗಡಿ ರಸ್ತೆಯ ಜಿಟಿ ಮಾಲ್, ಬನ್ನೇರುಘಟ್ಟ ರಸ್ತೆಯ ವೇಗಾ ಸಿಟಿ, ಡಾ ರಾಜ್ ಕುಮಾರ್ ರಸ್ತೆಯ ಒರೆಯಾನ್ ಮಾಲ್, ಮೀನಾಕ್ಷಿ ಮಾಲ್, ಬೆಳ್ಳಂಡೂರಿನ ಸೆಂಟ್ರಲ್ ಮಾಲ್ ಸೇರಿದಂತೆ ಹಲವು ಸ್ಕ್ರೀನ್‌ಗಳಲ್ಲಿ ಕೆಜಿಎಫ್ ಮತ್ತೆ ಪ್ರದರ್ಶನ ಕಾಣುತ್ತಿದೆ.

ಕುರುಕ್ಷೇತ್ರ ದರ್ಶನ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸೇರಿದಂತೆ ಬಹುದೊಡ್ಡ ತಾರಬಳಗ ನಟಿಸಿರುವ ಪೌರಾಣಿಕ ಸಿನಿಮಾ ಕುರುಕ್ಷೇತ್ರ ಇಂದಿನಿಂದ ಮತ್ತೆ ಪ್ರದರ್ಶನ ಆರಂಭಿಸಿದೆ. ಸಿರ್ಸಿ ಸರ್ಕಲ್‌ನ ಗೋಪಾಲನ್ ಮಾಲ್, ಮೈಸೂರು ರಸ್ತೆಯ ಗೋಪಾಲನ್ ಮಾಲ್, ಬಿನ್ನಿಪೇಟೆಯ ಸಿನಿಪೋಲಿಸ್ ಮಾಲ್‌ಗಳಲ್ಲಿ ಕುರುಕ್ಷೇತ್ರ ಶೋ ಇದೆ.

ಕೋಟಿಗೊಬ್ಬ 2

ಕೋಟಿಗೊಬ್ಬ-3 ಸಿನಿಮಾಗಾಗಿ ಕಾಯುತ್ತಿರುವ ಪ್ರೇಕ್ಷಕರು ಕೋಟಿಗೊಬ್ಬ-2 ಚಿತ್ರವನ್ನು ಮತ್ತೊಮ್ಮೆ ನೋಡುವ ಅವಕಾಶ ಸಿರ್ಸಿ ಸರ್ಕಲ್‌ನ ಗೋಪಾಲನ್ ಮಾಲ್, ಮಾಗಡಿ ರಸ್ತೆಯ ಜಿಟಿ ಮಾಲ್, ಬನ್ನೇರುಘಟ್ಟ ರಸ್ತೆಯ ವೇಗಾ ಸಿಟಿ, ರಾಜ್ ಕುಮಾರ್ ರಸ್ತೆಯ ಒರೆಯಾನ್ ಮಾಲ್‌ನಲ್ಲಿ ಕೋಟಿಗೊಬ್ಬ 2 ಪ್ರದರ್ಶನ ಇದೆ.

ಪುನೀತ್ 'ರಾಜಕುಮಾರ'

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಟನೆಯ 'ರಾಜಕುಮಾರ' ಚಿತ್ರವೂ ಈ ವಾರ ಮತ್ತೆ ರಿಲೀಸ್ ಆಗಿದೆ. ಆರ್ ಟಿ ನಗರದ ರಾಧಾಕೃಷ್ಣ ಥಿಯೇಟರ್ ಮತ್ತು ಹೊಂಗಸಂದ್ರದ ಬೃಂದಾ ಚಿತ್ರಮಂದಿರ್ಲ್ಲಿ ರಾಜಕುಮಾರ ಶೋ ಇದೆ.

ಟಗರು-ನಾಗರಹಾವು-ಜಂಟಲ್‌ಮ್ಯಾನ್

ಈ ಚಿತ್ರಗಳ ಜೊತೆ ಶಿವರಾಜ್ ಕುಮಾರ್ ನಟನೆಯ ಟಗರು, ಡಾ ವಿಷ್ಣುವರ್ಧನ್ ಅವರ ನಾಗರಹಾವು ಸಿನಿಮಾ, ಪ್ರಜ್ವಲ್ ದೇವರಾಜ್ ಅವರ ಜಂಟಲ್‌ಮ್ಯಾನ್ ಸಿನಿಮಾ ಹಾಗೂ ದಿಯಾ ಚಿತ್ರಗಳು ಈ ವಾರ ಮತ್ತೊಮ್ಮೆ ಪ್ರದರ್ಶನ ಕಾಣುತ್ತಿದೆ.