'ಅವನೇ ಶ್ರೀಮನ್ನಾರಾಯಣ' ಟ್ರೈಲರ್ ನೋಡಿದ್ರಾ? ರಶ್ಮಿಕಾಗೆ ನೆಟ್ಟಿಗರ ಪ್ರಶ್ನೆ

'ಸರಿಲೇರು ನೀಕೆವ್ವರು' ಬಗ್ಗೆ ರಶ್ಮಿಕಾ ಪೋಸ್ಟ್

ರಶ್ಮಿಕಾ ಸದ್ಯ ಬಹುನಿರೀಕ್ಷೆಯ 'ಸರಿಲೇರು ನೀಕೆವ್ವರು' ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ನಟ ಮಹೇಶ್ ಬಾಬುಗೆ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಬಗ್ಗೆ ರಶ್ಮಿಕಾ ಇತ್ತೀಚಿಗೆ ಒಂದು ಪೋಸ್ಟ್ ಹಾಕಿದ್ದಾರೆ. ಮುಂದಿನ ತಿಂಗಳು ಚಿತ್ರದ ಹಾಡುಗಳು ತೆರೆಗೆ ಬರುವ ಬಗ್ಗೆ ಅಪ್ ಡೇಟ್ ಮಾಡಿದ್ದಾರೆ. ಆದರೆ ನೆಟ್ಟಿಗರು ರಶ್ಮಿಕಾ ಪೋಸ್ಟ್ ಕೆಳಗೆ 'ಅವನೇ ಶ್ರೀಮನ್ನಾರಾಯಣ' ಪೋಸ್ಟರ್ ಗಳನ್ನು ಹಾಕಿ ಕಮೆಂಟ್ ಮಾಡುತ್ತಿದ್ದಾರೆ.

ಶ್ರೀಮನ್ನಾರಾಯಣ ಟ್ರೈಲರ್ ನೋಡಿದ್ರಾ?

ನೆಟ್ಟಿಗರು ರಶ್ಮಿಕಾಗೆ 'ಅವನೇ ಶ್ರೀಮನ್ನಾರಾಯಣ' ಟ್ರೈಲರ್ ನೋಡಿದ್ರಾ ಎಂದು ಪ್ರಶ್ನೆಮಾಡುತ್ತಿದ್ದಾರೆ. ನೋಡದಿದ್ದರೆ ನೋಡಿ ಅಂತ ಟ್ರೈಲರ್ ನ ಲಿಂಕ್ ಅನ್ನು ಶೇರ್ ಮಾಡಿ ಕಾಲೆಳೆಯುತ್ತಿದ್ದಾರೆ. ಚಿತ್ರದ ಪೋಸ್ಟರ್ ಗಳನ್ನು ಶೇರ್ ಮಾಡಿ ಪ್ರಶ್ನೆ ಕೇಳುತ್ತಿದ್ದಾರೆ. ನೀವು ಈ ಟ್ರೈಲರ್ ಅನ್ನು ನೋಡಲೆ ಬೇಕು. ಮಿಸ್ ಮಾಡಬೇಡಿ ಎಂದು ಹೇಳುತ್ತಿದ್ದಾರೆ.

ಕನ್ನಡ ಬರದಿದ್ರು ಟ್ರೈಲರ್ ನೋಡಬಹುದು

"ನೀವು ಟ್ರೈಲರ್ ನೋಡಿದ್ರಾ? ಓ ಕನ್ನಡ ಗೊತ್ತಾಗಲ್ಲ ಅಲ್ಲವಾ. ಪರವಾಗಿಲ್ಲ. ಹಿಂದೆ, ತಮಿಳು, ತೆಲುಗು, ಮಲಯಾಳಂ ಎಲ್ಲಾ ಭಾಷೆಯಲ್ಲೂ ತೆರೆಗೆ ಬರುತ್ತಿದೆ. ಕೆಲವೇ ದಿನಗಳಲ್ಲಿ ನಿನ್ನ ಮುಂದೆ ಅವನು.. ಅವನು... ಅವನು ಅಂದ್ರೆ ಗೊತ್ತಲ್ಲಾ ಅದೇ ಅವನು ಶ್ರೀಮನ್ನಾರಾಯಣ" ಎಂದು ನೆಟ್ಟಿಗರೊಬ್ಬರು ಕಮೆಂಟ್ ಮಾಡಿದ್ದಾರೆ.

ದಾರಿ ತೋರಿಸಿದವರನ್ನೆ ಮರೆತವರು

ಸಾಕಷ್ಟು ಕಮೆಂಟ್ ಗಳು ಅವನೇ ಶ್ರೀಮನ್ನಾರಾಯಣ ಟ್ರೈಲರ್ ನೋಡಿದ್ರಾ ಎಂದು ಕೇಳುತ್ತಿದ್ದಾರೆ. ಇನ್ನು ಕೆಲವರು ಜೊತೆಗೆ ದಾರಿ ತೋರಿದ ದಣಿಯನ್ನೆ ಮರೆತ ನಾಯಕಿ ಎಂದು ರಶ್ಮಿಕಾರನ್ನು ಮತ್ತೆ ಕಿಚಾಯಿಸುತ್ತಿದ್ದಾರೆ.

ಸಕ್ಸಸ್ ಆಗುತ್ತೆ ಶ್ರೀಮನ್ನಾರಾಯಣ

"ನಾವೆಲ್ಲರು ಅವನೇ ಶ್ರೀಮನ್ನಾರಾಯಣ ಚಿತ್ರವನ್ನು ಬೆಂಬಲಿಸುತ್ತೇವೆ. ದೊಡ್ಡ ಮಟ್ಟಕ್ಕೆ ಹಿಟ್ ಆಗುತ್ತೆ" ಎಂದು ಹೇಳುತ್ತಿದ್ದಾರೆ. ಜೊತೆಗೆ ಅನೇಕರು ರಶ್ಮಿಕಾಗೆ ಲಿಂಕ್ ಅನ್ನು ಶೇರ್ ಮಾಡುತ್ತಿದ್ದಾರೆ.