ಲವ್ ಮಾಕ್ಟೇಲ್ 2 ಚಿತ್ರಕ್ಕೆ ಎಂಟ್ರಿ ಕೊಟ್ಟ ಹೊಸ ನಟಿ ಸುಶ್ಮಿತಾ

'ಲವ್ ಮಾಕ್ಟೇಲ್-2' ಪ್ರವೇಶಿಸಿದ ಸುಶ್ಮಿತಾ

ಲವ್ ಮಾಕ್ಟೇಲ್-2 ಚಿತ್ರದ ಪ್ರಮುಖ ಪಾತ್ರವೊಂದಕ್ಕೆ ಸುಶ್ಮಿತಾ ಎಂಟ್ರಿಯಾಗಿದ್ದಾರೆ. ಇದು ಇವರ ಮೊದಲ ಚಿತ್ರವಾಗಲಿದ್ದು, ಆಡಿಷನ್ ಮೂಲಕ ಈ ಪಾತ್ರಕ್ಕೆ ಆಯ್ಕೆಯಾಗಿದ್ದಾರೆ. ಸದ್ಯಕ್ಕೆ ಸುಶ್ಮಿತಾ ಕುರಿತು ಹೆಚ್ಚೇನೂ ತಿಳಿದಿಲ್ಲವಾದರೂ, ಸೂಪರ್ ಹಿಟ್ ಚಿತ್ರದ ಸೀಕ್ವೆಲ್‌ಗೆ ಆಯ್ಕೆಯಾಗಿರುವುದು ಸರ್ಪ್ರೈಸ್ ಎನಿಸಿದೆ.

ಮೂವರು ನಾಯಕಿಯರು!

ಸದ್ಯಕ್ಕೆ ಸಿಕ್ಕಿರುವ ಮಾಹಿತಿ ಪ್ರಕಾರ ಲವ್ ಮಾಕ್ಟೇಲ್-2 ಚಿತ್ರದಲ್ಲಿ ಮೂವರು ನಾಯಕಿಯರು ಇರಲಿದ್ದಾರೆ ಎಂದು ಹೇಳಲಾಗಿದೆ. ಅದರಲ್ಲಿ ಒಬ್ಬರು ಸುಶ್ಮಿತಾ. ಇನ್ನು ಇಬ್ಬರು ಹೊಸ ನಟಿಯರಿಗೆ ಅವಕಾಶ ನೀಡುವ ಸಾಧ್ಯತೆ ಹೆಚ್ಚಿದೆ.

ಅಭಿಲಾಷ್-ಖುಷಿ ಮುಂದುವರಿಯಲಿದ್ದಾರೆ

ಇನ್ನು ಲವ್ ಮಾಕ್ಟೇಲ್ ಚಿತ್ರದಲ್ಲಿ ಡಾರ್ಲಿಂಗ್ ಕೃಷ್ಣ ಅವರ ಸ್ನೇಹಿತನ ಪಾತ್ರದಲ್ಲಿ ನಟಿಸಿದ್ದ ಅಭಿಲಾಷ್ ಮತ್ತು ಖುಚಿ ಆಚಾರ್ ಪಾತ್ರಗಳು ಇಲ್ಲಿಯೂ ಮುಂದುವರಿಯಲಿದೆ.

ಮಿಲನ ನಾಗರಾಜ್ ನಿರ್ಮಾಣ!

ಅಂದ್ಹಾಗೆ, ಲವ್ ಮಾಕ್ಟೇಲ್-2 ಚಿತ್ರವನ್ನು ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನ ನಾಗರಾಜ್ ಜಂಟಿಯಾಗಿ ನಿರ್ಮಿಸುತ್ತಿದ್ದಾರೆ. ಮೊದಲ ಭಾಗಕ್ಕೆ ಸಂಗೀತ ನೀಡಿದ ರಘು ದೀಕ್ಷಿತ್ ಸಂಗೀತ ಒದಗಿಸಲಿದ್ದಾರೆ. ಕ್ರೇಜಿಮೈಂಡ್ಸ್ ಛಾಯಾಗ್ರಹಣ ಹಾಗೂ ಸಂಕಲನ ಚಿತ್ರಕ್ಕಿದೆ.