ನೂತನ ದಂಪತಿಗಳ ಟ್ಯಾಟೂ ಪ್ರೀತಿ ಎಂತದ್ದು ಅಂತೀರಾ?

ಕನ್ನಡ ಚಿತ್ರರಂಗದ ಖ್ಯಾತ ನಟಿ ಅನುಪ್ರಭಾಕರ್ ಮತ್ತು ನಟ ರಘು ಮುಖರ್ಜಿ ಅವರು ಕಳೆದ ತಿಂಗಳಲ್ಲಿ (ಏಪ್ರಿಲ್ 25) ಮದುವೆಯಾಗಿರುವ ವಿಚಾರ ಎಲ್ಲರಿಗೂ ಗೊತ್ತೇ ಇದೆ. ಇದೀಗ ನವ ದಂಪತಿಗಳು ಪಾರ್ಟಿ-ಶಾಪಿಂಗ್ ಅಂತ ಕೈ ಕೈ ಹಿಡಿದು ಸುತ್ತಾಡುತ್ತಾ ನೂತನ ಜೀವನವನ್ನು ಎಂಜಾಯ್ ಮಾಡುತ್ತಿದ್ದಾರೆ.[ಅನು ಪ್ರಭಾಕರ್-ರಘು ಮುಖರ್ಜಿ 'ಎರಡನೇ' ವಿವಾಹ ಮಹೋತ್ಸವ]

ಅಂದಹಾಗೆ ನವ ದಂಪತಿಗಳಾದ ನಟಿ ಅನು ಪ್ರಭಾಕರ್ ಮತ್ತು ರಘು ಮುಖರ್ಜಿ ಅವರು ಹೊಸದಾಗಿ ಟ್ಯಾಟೂ ಹಾಕಿಸಿಕೊಳ್ಳುವ ಮೂಲಕ ಸುದ್ದಿಯಾಗಿದ್ದಾರೆ. ಹೌದು ರಸೆಲ್ ಎನ್ನುವ ಪ್ರಖ್ಯಾತ ಟ್ಯಾಟೂ ಕಲಾವಿದ ನೂತನ ದಂಪತಿಗಳಾದ ರಘು ಮುಖರ್ಜಿ ಮತ್ತು ಅನುಪ್ರಭಾಕರ್ ಅವರಿಗೆ ಟ್ಯಾಟೂ ಹಾಕಿದ್ದಾರೆ.[ಸದ್ದಿಲ್ಲದೆ ಮದುವೆಯಾದ ಅನು ಪ್ರಭಾಕರ್-ರಘು ಮುಖರ್ಜಿ ಹೇಳಿದ್ದೇನು?]

ಈ ಟ್ಯಾಟೂ ಹಾಕಿಸಿಕೊಳ್ಳೋದು ಅಂದ್ರೆ ನಮ್ಮ ಚಿತ್ರರಂಗದ ತಾರೆಯರಿಗೆ ಒಂಥರಾ ಫ್ಯಾಶನ್ ಆದಂತಿದೆ. ಇದೀಗ ಈ ಸಾಲಿಗೆ ಹೊಸದಾಗಿ ಸೇರ್ಪಡೆಗೊಂಡವರು ನಟಿ ಅನುಪ್ರಭಾಕರ್ ಮತ್ತು ನಟ ರಘು ಮುಖರ್ಜಿ ಅವರು.[ತಾನು ಸತ್ತರೂ ಅಭಿಮಾನಿಗಳನ್ನು ಬಿಡಲಾರೆ ಎಂದ ದುನಿಯಾ ವಿಜಿ]

ಅನು ಪ್ರಭಾಕರ್ ಅವರು ತಮ್ಮ ಬೆನ್ನ ಮೇಲೆ 'ಅಪ್ಪ's girl' ಅಂತ ತಮ್ಮ ತಂದೆಯ ನೆನಪುಗಳನ್ನು ಜೀವನ ಪರ್ಯಂತ ಈ ಟ್ಯಾಟೂ ಮೂಲಕ ಶಾಶ್ವತವಾಗಿಸಿಕೊಂಡರೆ, ನಟ ರಘು ಮುಖರ್ಜಿ ಅವರು ತಮ್ಮ ತೋಳಿನ ಮೇಲೆ ಇಷ್ಟಗಲದ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಜೊತೆಗೆ ಮೊಣಕೈ ಮೇಲೂ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ.