ಕಾಮಿಡಿ ಸಿನಿಮಾಗಳೇ ಕಾಣ್ತಿಲ್ಲ ಗಾಂಧಿನಗರದಲ್ಲಿ

ಹೊಸ ವರ್ಷದಿಂದ ಗಾಮಧಿನಗರದ ಮಂದಿಗೆ ನಗು ಮರೆತುಹೋಗಿದೆ. ಇತ್ತೀಚೆಗೆ ಎಲ್ಲಾದ್ರೂ ನೋಡಿದ್ರಾ ಇದನ್ನ ಅಂತ ಹುಡುಕಾಡೋ ಹಾಗಾಗಿದೆ ಚಿತ್ರಪ್ರೇಮಿಗಳು. ಮೊದಲ ಒಂದಿಡೀ ತಿಂಗಳಲ್ಲಿ ಒಂದೂ ಕಾಮಿಡಿ ಸಿನಿಮಾಗಳು ತೆರೆಗೆ ಬಂದಿಲ್ಲ.

ಯಾವಾಗಲು ಮನರಂಜನೆಯಲ್ಲಿ ಸಿಂಹಪಾಲು ಪಡೆಯೋ ನಗು ಇರೋ ಸಿನಿಮಾಗಳು ಬಾರದಿದ್ರೆ ಅದೊಂಥರಾ ಬೇಸರಾನೆ. ಫೆಬ್ರವರಿ ತಿಂಗಳಲ್ಲೂ ಕಂಪ್ಲೀಟ್ ಕಾಮಿಡಿ ಸಿನಿಮಾಗಳು ತೆರೆಗೆ ಬರೋ ಲಕ್ಷಣ ಕಾಣ್ತಿಲ್ಲ. ಕಾಮಿಡಿಯನ್ ಗಳ ಒಂದಷ್ಟು ಸಿನಿಮಾಗಳಿವೆ. ಅದರಲ್ಲಿ ಜಗ್ಗೇಶ್ ಅಭಿನಯ 'ಅಗ್ರಜ' ಹೀರೋಯಿಸಂ ಸಿನಿಮಾ.

ರಂಗಾಯಣ ರಘು ಅಭಿನಯ 'ಐಸ್ ಪೈಸ್' ಸಿನಿಮಾ ಶೂಟಿಂಗ್ ಮುಗಿಸಿದ್ರೂ ರಿಲೀಸ್ ಡೇಟ್ ಸಿಗದೆ ಒದ್ದಾಡ್ತಾ ಇದೆ. ಸಾಧು ಕೋಕಿಲ ಅಭಿನಯದ ಔಟ್ ಅಂಡ್ ಔಟ್ ಕಾಮಿಡಿ ಥ್ರಿಲ್ಲರ್ ಸಿನಿಮಾ ಕೂಡ ಯಾವುದೂ ಇಲ್ಲ. ಒಟ್ಟಾರೆ ಹೇಳೋದಾದ್ರೆ ಕಾಮಿಡಿ ಸಿನಿಮಾ ಇಲ್ಲದಿದ್ರೆ ನಗು ಇಲ್ಲ. ನಗು ಇಲ್ಲ ಅಂದ್ರೆ ಮುಖ್ಯ ಮನರಂಜನೇನೇ ಇಲ್ಲ.