ಶಿವಮೊಗ್ಗದಲ್ಲಿ ಪರಭಾಷಾ ಚಿತ್ರಗಳ ಹಾವಳಿ: ಕನ್ನಡಕ್ಕಿಲ್ಲ ಚಿತ್ರಮಂದಿರ

ಶಿವಮೊಗ್ಗದಲ್ಲಿ ಇಲ್ಲ ಕನ್ನಡ ಸಿನಿಮಾ

ಕಳೆದ ಎರಡು ವಾರದಲ್ಲಿ ಕನ್ನಡದಲ್ಲಿ ಸಾಕಷ್ಟು ಸಿನಿಮಾಗಳು ರಿಲೀಸ್ ಆಗಿವೆ. ಒಂದು ವಾರ 11 ಸಿನಿಮಾ ರಿಲೀಸ್ ಆದರೆ, ಕಳೆದ ವಾರ ದಾಖಲೆ ಎನ್ನುವಂತೆ 13 ಸಿನಿಮಾಗಳು ತೆರೆಗೆ ಬಂದಿವೆ. ಆದರೆ ಇದ್ಯಾವ ಸಿನಿಮಾಗಳು ಶಿವಮೊಗ್ಗದಂತಹ ಅಪ್ಪಟ ಕನ್ನಡಿಗರು ಇರುವ ನಾಡಲ್ಲಿ ಕಾಣಸಿಗಲ್ಲ ಎನ್ನುವುದೆ ದುರಂತ.

ಕನ್ನಡ ಸಿನಿಮಾಗಳಿಗೆ ಚಿತ್ರಮಂದಿರ ಸಮಸ್ಯೆ

ಇತ್ತೀಚಿಗೆ ರಿಲೀಸ್ ಸಾಕಷ್ಟು ಕನ್ನಡ ಸಿನಿಮಾಗಳಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಆದರೆ ಈ ಅದ್ಭುತ ಸಿನಿಮಾಗಳಿಗೆ ಚಿತ್ರಮಂದಿರಗಳಿಲ್ಲ ಎಂದು ಒದ್ದಾಡುತ್ತಿದ್ದಾರೆ. ಚಿತ್ರಮಂದಿರಗಳನ್ನು ನೀಡಿ ಎಂದು ಕೇಳಿಕೊಳ್ಳುತ್ತಿದ್ದಾರೆ. ಉತ್ತಮ ಸಿನಿಮಾಗಳನ್ನು ಪ್ರೇಕ್ಷಕರು ಕೈ ಬಿಡುವುದಿಲ್ಲ. ಆದರೆ ಕನ್ನಡದ ಅದ್ಭುತ ಸಿನಿಮಾಗಳ ಪ್ರದರ್ಶನಕ್ಕೆ ಚಿತ್ರಮಂದಿರಗಳೆ ಇಲ್ಲದಿದ್ದರೆ ಸಿನಿಮಾ ನೋಡುವುದಾದರು ಹೇಗೆ, ಕನ್ನಡ ಚಿತ್ರರಂಗ ಬೆಳೆಯುವುದಾದರು ಹೇಗೆ?

6 ಚಿತ್ರಮಂದಿರಗಳಲ್ಲಿ 5 ಚಿತ್ರಮಂದಿರ ಪರಭಾಷೆಗೆ

ಶಿವಮೊಗ್ಗದಲ್ಲಿ ಒಟ್ಟು 6 ಚಿತ್ರಮಂದಿಗಳು ಇವೆ. ಐದು ಚಿತ್ರಮಂದಿರಗಳಲ್ಲಿ ತೆಲುಗು ಸಿನಿಮಾಗಳು ಪ್ರದರ್ಶನವಾಗುತ್ತಿವೆ. ಕನ್ನಡ ಚಿತ್ರಗಳು ಪ್ರದರ್ಶನವಾಗುತ್ತಿರುವ ಚಿತ್ರಮಂದಿರಗಳಲ್ಲಿ ಈಗ ಸಂಪೂರ್ಣವಾಗಿ ಪರಭಾಷಾ ಚಿತ್ರಗಳು ಪ್ರದರ್ಶನವಾಗುತ್ತಿವೆ.

ಈಗಲೆ ಎಚ್ಚೆತ್ತುಕೊಳ್ಳಬೇಕು

ಈ ಬಗ್ಗೆ ಈಗಾಗಲೆ ಎಚ್ಚೆತ್ತುಕೊಳ್ಳದಿದ್ದರೆ ಮಲೆನಾಡು ಸಹ ತಮಿಳು, ತೆಲುಗುಮಯವಾಗಲಿದೆ. ಮಲೆನಾಡಿನಲ್ಲೂ ಕನ್ನಡಕ್ಕೆ ಹೊರಾಡುವ ಸ್ಥಿತಿ ಬಂದಿದೆ ಎಂದರೆ ಕನ್ನಡ ಚಿತ್ರರಂಗ ಎತ್ತ ಸಾಗುತ್ತಿದೆ ಎನ್ನವುದೆ ದೊಡ್ಡ ಪ್ರಶ್ನೆ.