ಓಂ 'ಢಿಶುಂ ಢಿಶುಂ' ತಪ್ಪು ಮಾಡಿದ್ರೆ ಹೊಡೀತೀನಿ

ಕಾಮಿಡಿ ಲವ್ ಸೆಂಟಿಮೆಂಟ್ ಪಾತ್ರಗಳನ್ನು ನಿರ್ವಹಿಸಿರುವ ಓಂ ಪ್ರಕಾಶ್ ನಾಯಕ್ ಈಗ ಭ್ರಷ್ಟಾಚಾರದ ವಿರುದ್ಧ ಹೋರಾಟ ನಡೆಸುವ ನಾಯಕನಾಗಿ ಪ್ರೇಕ್ಷಕರನ್ನು ರಂಜಿಸಲು ಅಣಿಯಾಗಿದ್ದಾರೆ. ಓಂ ಪ್ರಕಾಶ್ ರವರೇ ನಿರ್ಮಿಸಿ, ನಿರ್ದೇಶಿಸುತ್ತಿರುವ 'ಢಿಶುಂ ಢಿಶುಂ' ಚಿತ್ರದಲ್ಲಿ ತಪ್ಪು ಮಾಡಿದ್ರೆ ಹೊಡೀತೀನಿ ಎನ್ನುವ ಮೆಂಟಲ್ ಸೀನನ ಪಾತ್ರವನ್ನು ಅವರು ನಿರ್ವಹಿಸುತ್ತಿದ್ದಾರೆ.

ಕನ್ನಡದಲ್ಲಿಯೇ ವಿಶೇಷ ಎನ್ನುವಂಥಹ 15 ಸಾಹಸ ದೃಶ್ಯಗಳನ್ನು ಹೊಂದಿರುವ ಈ ಚಿತ್ರದಲ್ಲಿರುವುದು ಒಂದು ಹಾಡು ಮಾತ್ರ ಇರುತ್ತದೆ. ಈಗಾಗಲೇ 10 ಸಾಹಸ ದೃಶ್ಯಗಳೊಂದಿಗೆ ಶೇಕಡ 60 ರಷ್ಟು ಚಿತ್ರೀಕರಣ ಮುಗಿದಿದ್ದು ಉಳಿದ ಭಾಗದ 5 ಫೈಟ್ ಗಳನ್ನು ಚಿತ್ರೀಕರಿಸಲು ಸಿದ್ಧತೆ ನಡೆದಿದೆ. [ಏಕ ವ್ಯಕ್ತಿ ಅಭಿನಯದ 'ನಾನು ಅವಳು ಮತ್ತು ಕನ್ನಡಿ']

ಈ ಹಿಂದೆ ಓಂ ಪ್ರಕಾಶ್ ಅವರು ಒಂದೇ ಒಂದು ಪಾತ್ರವುಳ್ಳ 'ನಾನೂ ಅವಳು ಮತ್ತು ಕನ್ನಡಿ' ಎಂಬ ಪ್ರಯೋಗಾತ್ಮಕ ಚಿತ್ರ ಮಾಡಿದ್ದಾರೆ. ಓಂ ಪ್ರಕಾಶ್ ನಾಯಕ್, ಕೆ.ಸಿ.ಗುಡಿಗೇರಿ, ಸೀನು, ವಿನಯಾ, ಶಶಿಕಲಾ, ಭಾರತಿ, ರೂಪಾಸಿಂಗ್, ಜಗದೀಶ್ ಬಾಬು, ಬಳ್ಳಾರಿ ಮಂಜು, ಪುಂಡಲೀಕ, ಪ್ರಿನ್ಸ್ ತಾರಾ ಬಳಗದಲ್ಲಿದ್ದಾರೆ. (ಒನ್ಇಂಡಿಯಾ ಕನ್ನಡ)