ಪೈಲ್ವಾನ್ ಪಕ್ಕಾ ಆಯ್ತು, ಕುರುಕ್ಷೇತ್ರ ಗೊಂದಲವಾಗಿಯೇ ಉಳಿದಿದೆ.!

ಯಾವ ಕ್ಲಾಶ್ ಆಗಲ್ಲ - ಸುದೀಪ್

ಕುರುಕ್ಷೇತ್ರ ಮತ್ತು ಪೈಲ್ವಾನ್ ಸಿನಿಮಾ ಒಟ್ಟಿಗೆ ಬಂದ್ರೆ ಯಾವುದೇ ಕ್ಲಾಶ್ ಆಗಲ್ಲ. ಇದೆಲ್ಲ ಸುಮ್ಮನೆ ಮಾತು ಅಷ್ಟೇ. ಕರ್ನಾಟಕದಲ್ಲಿರುವ ಎಲ್ಲ ಚಿತ್ರಮಂದಿರದಲ್ಲೂ ಒಂದೇ ಸಿನಿಮಾ ಬರಲ್ಲ. ಕುರುಕ್ಷೇತ್ರ ಕೆಲವು ಥಿಯೇಟರ್, ಪೈಲ್ವಾನ್ ಸಿನಿಮಾ ಕೆಲವು ಚಿತ್ರಮಂದಿರದಲ್ಲಿ ಬರುತ್ತೆ. ಎಲ್ಲಿಂದ ಥಿಯೇಟರ್ ಸಮಸ್ಯೆಯಾಗುತ್ತೆ ಎಂದು ಸುದೀಪ್ ಪ್ರಶ್ನಿಸಿದ್ದಾರೆ?

ಎರಡೂ ಸಿನಿಮಾನೂ ನೋಡ್ತಾರೆ

ಅಭಿಮಾನಿಗಳು ಎರಡೂ ಚಿತ್ರವನ್ನ ನೋಡ್ತಾರೆ. ಮೊದಲು ಆ ಸಿನಿಮಾ ನೋಡಬಹುದು ಅಥವಾ ನಮ್ಮ ಸಿನಿಮಾ ನೋಡಬಹುದು. ಒಟ್ನಲ್ಲಿ ನೋಡೋದು ಲೇಟ್ ಆದ್ರೂ ಎರಡೂ ಚಿತ್ರವನ್ನ ನೋಡೇ ನೋಡ್ತಾರೆ. ಅಲ್ಲಿಗೆ ಅಭಿಮಾನಿಗಳ ನಡುವೆ ವಾರ್ ಎಲ್ಲಿಂದ. ಎರಡೂ ಕನ್ನಡ ಸಿನಿಮಾನೇ ಅಲ್ವಾ. ಎರಡೂ ಚಿತ್ರವನ್ನ ನೋಡ್ತಾರೆ ಎಂದು ಸಮರ್ಥಿಸಿಕೊಂಡರು.

ಸುದೀಪ್ ಹುಟ್ಟುಹಬ್ಬಕ್ಕೆ ಪೈಲ್ವಾನ್.!

ಪೈಲ್ವಾನ್ ಚಿತ್ರದ ಪೋಸ್ಟ್ ಪ್ರೊಡಕ್ಷನ್ ಕೆಲಸಕ್ಕೆ ಇನ್ನು ಸಮಯವಕಾಶ ಬೇಕಾಗಿದ್ದು, ಸಿನಿಮಾ ಬಿಡುಗಡೆ ಮುಂದಕ್ಕೆ ಹೋಗಿದೆ. ಸುದೀಪ್ ಹುಟ್ಟುಹಬ್ಬದ ವಿಶೇಷ ಸಿನಿಮಾ ರಿಲೀಸ್ ಮಾಡಲು ತಯಾರಿ ಮಾಡುತ್ತಿದ್ದಾರಂತೆ ನಿರ್ದೇಶಕ. ಸೆಪ್ಟೆಂಬರ್ 2 ರಂದು ಸುದೀಪ್ ಹುಟ್ಟುಹಬ್ಬ. ಅದು ಸೋಮವಾರ ಇದೆ. ಹಾಗಾಗಿ, ಅದರ ಹಿಂದಿನ ವಾರ ಅಥವಾ ಮುಂದಿನ ವಾರ ಪೈಲ್ವಾನ್ ಬರಬಹುದು ಎಂದು ಸುದೀಪ್ ಅವರೇ ಹೇಳಿದ್ದಾರೆ.

ಕುರುಕ್ಷೇತ್ರ ಹಿಂದಕ್ಕೆ ಬಂದಿದ್ದು ನಿಜಾನ?

ಮತ್ತೊಂದೆಡೆ ಆಗಸ್ಟ್ 8 ರಂದು ಬರಲಿದೆ ಎನ್ನಲಾಗುತ್ತಿದ್ದ ಕುರುಕ್ಷೇತ್ರ ಸಿನಿಮಾ ಒಂದು ವಾರ ಹಿಂದಕ್ಕೆ ಬಂದಿದೆ ಎಂಬ ಮಾಹಿತಿ ಇದೆ. ಭಾನುವಾರ ಕುರುಕ್ಷೇತ್ರ ಆಡಿಯೋ ಬಿಡುಗಡೆ ಸಮಾರಂಭ ಇದೆ. ಈ ಕಾರ್ಯಕ್ರಮದಲ್ಲಿ ಕುರುಕ್ಷೇತ್ರ ಬಿಡುಗಡೆ ದಿನಾಂಕ ಘೋಷಣೆಯಾಗಬಹುದು. ಸದ್ಯಕ್ಕೆ ಕುರುಕ್ಷೇತ್ರ ರಿಲೀಸ್ ದಿನಾಂಕ ಗೊಂದಲವಾಗಿಯೇ ಉಳಿದುಕೊಂಡಿದೆ.