ಕೇಸರಿ ಬಿಕಿನಿ ವಿವಾದ: "ಪಠಾಣ್' ಬಾಯ್‌ಕಾಟ್ ಮಾಡಿದ್ರೂ, ನಾನು ನೋಡುತ್ತೇನೆ" ಎಂದ ಪ್ರಕಾಶ್ ಬೆಳವಾಡಿ!

'ಈ ಚರ್ಚೆನೇ ಅಸಭ್ಯವಾಗಿದೆ'

'ಪಠಾಣ್' ಸಿನಿಮಾವನ್ನು ಬಾಯ್‌ಕಾಟ್ ಮಾಡಬೇಕು ಅನ್ನೋ ಅಭಿಯಾನ ಸರಿನಾ? ತಪ್ಪಾ? ಅನ್ನೋ ಬಗ್ಗೆನೇ ಚರ್ಚೆಯಾಗುತ್ತಿದೆ. ಕಾನೂನಿ ಪ್ರಕಾರ ಇದು ಸರಿಯಾಗಿದೆಯೇ? ಈ ಚರ್ಚೆ ಮುಖ್ಯವೇ? ಅನ್ನೋದರ ಬಗ್ಗೆ ಪ್ರಕಾಶ್ ಬೆಳವಾಡಿ ಮಾತಾಡಿದ್ದಾರೆ. "ಈಗ ತುಂಬಾನೇ ಬಿಗುವಿನ ವಾತಾವರಣವಿದೆ. ಅಂತಹ ವಿವಾದಗಳು ಆಗುತ್ತಲೇ ಇರುತ್ತವೆ. ನನ್ನ ಪಾಯಿಂಟ್ ಏನಂದ್ರೆ, ಸಿನಿಮಾವನ್ನು ಬಾಯ್‌ಕಾಟ್ ಮಾಡುವುದು ಕಾನೂನಿಗೆ ವಿರುದ್ಧವಾಗಿದೆಯೇ?. ಇಲ್ಲಿ ನಾವು ಕಾನೂನಿನ ಬಗ್ಗೆ ಮಾತಾಡುತ್ತಿಲ್ಲ. ಚರ್ಚೆಯಾಗುತ್ತಿರುವ ವಿಷಯ ಎಷ್ಟು ಸಭ್ಯವಾಗಿದೆ ಅನ್ನೋದನ್ನು ಮಾತಾಡುತ್ತಿದ್ದೇವೆ. ಆದರೆ, ಚರ್ಚೆನೇ ಅಸಭ್ಯವಾಗಿದೆ ಅಷ್ಟೇ. ಪ್ರಗತಿಪರರ ಕಡೆಯಿಂದ ಈ ಬಗ್ಗೆ ಅಸಹಿಷ್ಣುತೆ ಇದೆ." ಎನ್ನುತ್ತಾರೆ.

'ದೀಪಿಕಾ ಒಬ್ಬ ಸ್ಟಾರ್ ನಟಿ'

"ನನ್ನ ಸಮಸ್ಯೆ ಏನು ಅಂದ್ರೆ, ಸಿನಿಮಾದಲ್ಲಿ ಮಾಡುವುದಕ್ಕೆ ತುಂಬಾನೇ ಕೆಲಸವಿದೆ. ಆದರೆ, ಪರಿಸ್ಥಿತಿ ಈಗ ತುಂಬಾನೇ ಕೆಟ್ಟದಾಗಿದೆ. ನೀವೇನು ಹೇಳುತ್ತಿದ್ದೀರಿ ಇದು ದುರಂತ. ದೀಪಿಕಾ ಒಬ್ಬ ಸ್ಟಾರ್ ನಟಿ. ಅವರು ಸಿನಿಮಾದಲ್ಲಿ ತುಂಬಾ ಚೆನ್ನಾಗಿ ಕಾಣಿಸುತ್ತಾರೆ ಅಂತ ಅವರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಜನರು ಫಸ್ಟ್ ಡೇ ಫಸ್ಟ್ ಶೋ ಅವರನ್ನು ನೋಡುವುದಕ್ಕೆ ಹೋಗುತ್ತಾರೆ ಅಂದ್ರೆ, ಅಲ್ಲೊಂದು ಕಮರ್ಷಿಯಲ್, ಮಾರ್ಕೆಟಿಂಗ್, ಎಂಟರ್‌ಟೈನ್ಮೆಂಟ್ ಅರೇಂಜ್ಮೆಂಟ್ ಮಾಡಿಕೊಂಡಿರುತ್ತಾರೆ. ಇದನ್ನು ಮಾಡುವುದಕ್ಕೆ ಬಿಡಬೇಕು." ಎನ್ನುತ್ತಾರೆ ಪ್ರಕಾಶ್ ಬೆಳವಾಡಿ.

'ನಾನು ಪಠಾಣ್ ಸಿನಿಮಾ ನೋಡುತ್ತೇನೆ'

"ಯಾರಾದರೂ ಇದನ್ನು ಬಾಯ್‌ಕಾಟ್ ಮಾಡಬೇಕು ಅಂತ ಹೇಳಿದರೆ, ದುರಾದೃಷ್ಟವಶಾತ್ ಅದೂ ಕೂಡ ಸರಿನೇ. ಇದೇ ಈಗ ಆಗಿರುವ ಸಮಸ್ಯೆ. ನಾನು ಹೋಗಿ ಸಿನಿಮಾ ನೋಡುತ್ತೇನೆ. ಅವರು ಬಾಯ್‌ಕಾಟ್ ಮಾಡುತ್ತಿದ್ದಾರೆ ಅನ್ನೋ ಕಾರಣಕ್ಕೆ ಹೋಗಿ ನೋಡುತ್ತೇನೆ. ನಾನು ಈ ಸಿನಿಮಾ ನಟನೆ ಮಾಡಿದ್ದರೂ, ಈ ಸಿನಿಮಾವನ್ನು ನೋಡುತ್ತಾ ಇದ್ದೆನೋ ಇಲ್ಲವೋ ಗೊತ್ತಿಲ್ಲ. ಆದರೆ, ನಾನು ಸಿನಿಮಾ ನೋಡುತ್ತೇನೆ." ಎಂದು ಪ್ರಕಾಶ್ ಬೆಳವಾಡಿ ಹೇಳಿದ್ದಾರೆ.

ಭೇಷರಂ ಹಾಡಿಗೆ ಸಖತ್ ವೀವ್ಸ್

ಶಾರುಖ್ ಖಾನ್ ಸಿನಿಮಾ 'ಭೇಷರಂ' ಸಾಂಗ್ ವಿವಾದಕ್ಕೆ ಸಿಲುಕಿಕೊಂಡಿದ್ದರೂ, ಯೂಟ್ಯೂಬ್‌ನಲ್ಲಿಸ ಸಖತ್ ರೆಸ್ಪಾನ್ಸ್ ಸಿಕ್ಕಿದೆ. ಸಿನಿಮಾದ ಹಾಡು ಬಿಡುಗಡೆಯಾದಲ್ಲಿಂದ ಇಲ್ಲಿವರೆಗೂ ಈ ಹಾಡು ಸುಮಾರು 66 ಮಿಲಿಯನ್ ವೀವ್ಸ್ ಕಂಡಿದೆ. ಈ ಹಾಡಿನ ಬಗ್ಗೆ ಈಗ ವಾದ-ವಿವಾದಗಳು ನಡೆಯುತ್ತಲೇ ಇದೆ. ಕೆಲವರು ಭೇಷರಂ ಹಾಡನ್ನು ಒಪ್ಪಿಕೊಂಡಿದ್ದಾರೆ. ಮತ್ತೆ ಕೆಲವರು ಈ ಹಾಡನ್ನು ವಿರೋಧಿಸಿದ್ದಾರೆ. ಸದ್ಯ ಈ ಹಾಡಲು ಎಲ್ಲಿಗೆ ಹೋಗಿ ಮುಟ್ಟುತ್ತೋ ಕಾಲವೇ ಉತ್ತರಿಸಲಿದೆ.