ಕೆಜಿಎಫ್ ಚಾಪ್ಟರ್-2 ಅನಂತ್ ನಾಗ್ ಜಾಗಕ್ಕೆ ಪ್ರಕಾಶ್ ರಾಜ್ ಎಂಟ್ರಿ! ಏನಿದು ಸರ್ಪ್ರೈಸ್?

ಪ್ರಕಾಶ್ ರಾಜ್ ಹೊಸ ಎಂಟ್ರಿ!

ಕೆಜಿಎಫ್ ಚಾಪ್ಟರ್ 2ನಲ್ಲಿ ಹಲವು ಹೊಸ ಮುಖಗಳು ಕಾಣಲಿದೆ ಎನ್ನುವುದಕ್ಕೆ ಮತ್ತೊಂದು ಉದಾಹರಣೆ ಪ್ರಕಾಶ ರಾಜ್. ಈಗಾಗಲೇ ಅಧೀರನ ಪಾತ್ರಕ್ಕೆ ಸಂಜಯ್ ದತ್ ಆಗಮನವಾಗಿದೆ. ಈಗ ಇನ್ನೊಂದು ಮುಖ್ಯ ಪಾತ್ರಕ್ಕೆ ಪ್ರಕಾಶ್ ರಾಜ್ ಎಂಟ್ರಿಯಾಗಿದ್ದಾರೆ. ಈ ಮೂಲಕ ಚಾಪ್ಟರ್ 2 ಬಗ್ಗೆ ಕುತೂಹಲ ಮತ್ತಷ್ಟು ಹೆಚ್ಚಾಗುತ್ತಿದೆ.

ಅನಂತ್ ನಾಗ್ ಕಥೆ ಏನು?

ಕೆಜಿಎಫ್ ಚಾಪ್ಟರ್ 1ರಲ್ಲಿ ಮಾಳವಿಕಾ ಅವರಿಗೆ ಅನಂತ್ ನಾಗ್ ಕಥೆ ಹೇಳುತ್ತಿದ್ದರು. ಚಾಪ್ಟರ್ 2ರಲ್ಲೂ ಆ ಕಥೆ ಮುಂದುವರಿಯಲಿದೆ. ಸರ್ಪ್ರೈಸ್ ಎಂಬಂತೆ ಆ ಜಾಗಕ್ಕೆ ಪ್ರಕಾಶ್ ರಾಜ್ ಪ್ರತ್ಯಕ್ಷವಾಗಿದ್ದಾರೆ. ಇದನ್ನು ಗಮನಿಸಿದ ನೆಟ್ಟಿಗರು ಅನಂತ್ ನಾಗ್ ಇರಲ್ವಾ ಎಂಬ ಗೊಂದಲಕ್ಕೆ ಒಳಗಾಗಿದ್ದಾರೆ. ಆದರೆ, ಈ ಚಿತ್ರದಲ್ಲಿ ಅನಂತ್ ನಾಗ್ ಮತ್ತು ಪ್ರಕಾಶ್ ರಾಜ್ ಇಬ್ಬರು ಇರಲಿದ್ದಾರೆ.

ಮತ್ತಷ್ಟು ಸರ್ಪ್ರೈಸ್ ಬಂದರೂ ಅಚ್ಚರಿಯಾಗಬೇಡಿ

ಕೆಜಿಎಫ್ ಚಾಪ್ಟರ್ 2 ಚಿತ್ರದಲ್ಲಿ ಅನಂತ್ ನಾಗ್ ಮತ್ತು ಪ್ರಕಾಶ್ ರಾಜ್ ಇಬ್ಬರೂ ಇರಲಿದ್ದು, ಇಬ್ಬರದ್ದು ಪ್ರಮುಖ ಪಾತ್ರಗಳು ಎಂದು ಹೇಳಲಾಗಿದೆ. ಎರಡನೇ ಭಾಗದಲ್ಲಿ ಸಂಜಯ್ ದತ್, ಪ್ರಕಾಶ್ ರಾಜ್, ರವೀನಾ ಟಂಡನ್ ಎಂಟ್ರಿಯಾಗಿದೆ. ಇವರ ಜೊತೆ ಮತ್ತಷ್ಟು ಸರ್ಪ್ರೈಸ್ ಪಾತ್ರಗಳು ಬಂದರೂ ಅಚ್ಚರಿಯಾಗಬೇಡಿ.

ಸಂಕ್ರಾಂತಿ ಬಿಡುಗಡೆ!

ಕೊರೊನಾ ವೈರಸ್ ಬ್ರೇಕ್, ಸಂಜಯ್ ದತ್ ಅವರ ಅನಾರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು ನೋಡುವುದಾದರೇ ಈ ವರ್ಷ ಕೆಜಿಎಫ್ ತೆರೆಕಾಣುವುದು ಬಹುತೇಕ ಅನುಮಾನ. ಸದ್ಯದ ಮಾಹಿತಿ ಮುಂದಿನ ವರ್ಷದ ಮೊದಲ ಹಬ್ಬ ಸಂಕ್ರಾಂತಿಗೆ ಕೆಜಿಎಫ್ ಚಾಪ್ಟರ್ 2 ಪ್ರೇಕ್ಷಕರ ಮುಂದೆ ಬರಲಿದೆ ಎನ್ನಲಾಗುತ್ತಿದೆ.