ಇದೇನಿದು 'ಒಳ್ಳೆ ಹುಡುಗ'ನ ಸುಳ್ಳಿನ ಪುರಾಣ?

ಪ್ರಥಮ್ ಹಾಕಿರುವ ಸ್ಟೇಟಸ್

''ಬಚ್ಚ ಹುಡುಗ ನಾನು... "ಬಚ್ಚನ್" ಸಿನಿಮಾ producer ಉದಯ್ ಮೆಹ್ತಾ ಸರ್ ಬಂದು "ಪ್ರಥಮ್ ನೀವಂದ್ರೆ ಬಹಳ ಇಷ್ಟ, ನಿಮಗೋಸ್ಕರ ಕತೆ ಮಾಡ್ಸಿದ್ದೀನಿ.big budget ಸಿನಿಮಾ ಇದು,ನೀವೇ ಮಾಡ್ಬೇಕು" ಅಂದ್ರೆ ಖುಷಿ ತಡೆಯೋಕಾಗುತ್ತಾ? ಹೆಣ್ಣು ಕೊಟ್ಟ ಮಾವ, ಅದ್ಭುತವಾದ ಕತೆ ಕೊಟ್ಟ producer ಇಬ್ಬರು ದೇವರ ಸಮಾನ..... ದೇವರಿಗೆ ಒಂದು ನಮಸ್ಕಾರ....and it's officially confirmed.... another extraordinary script from the makers of bacchan,is ma next project.... ಇರಲಿ ಈ ಪ್ರೀತಿ ಹೀಗೆಯೇ.... ಹೆಮ್ಮೆ & ಖುಷಿ ಪಡಲು ಇದಕ್ಕಿಂತ ಕಾರಣ ಬೇಕೆ?'' ಎಂದು ಪೋಸ್ಟ್ ಹಾಕಿದ್ದರು.

'ಸುಳ್ಳು' ಎಂದ ಉದಯ್ ಮೆಹ್ತಾ

ಇದು ಸುಳ್ಳು ಸುದ್ದಿ, ಪ್ರಥಮ್ ಜೊತೆ ನಾನು ಸಿನಿಮಾ ಮಾಡುತ್ತಿಲ್ಲ ಎಂದು ಬಚ್ಚನ್ ಚಿತ್ರದ ನಿರ್ಮಾಪಕ ಉದಯ್ ಮೆಹ್ತಾ ಅವರು ನಮ್ಮ ಫಿಲ್ಮಿ ಬೀಟ್ ಗೆ ಖಚಿತ ಪಡಿಸಿದ್ದಾರೆ.

ಮೆಹ್ತಾ ಏನಂದ್ರು?

''ನನ್ನ ಬಳಿ ನಿರ್ಮಾಪಕರಿದ್ದಾರೆ, ಯಾವುದಾದರೂ ಕಥೆ ಇದ್ದರೇ ಹೇಳಿ ಸಿನಿಮಾ ಮಾಡಲು ಎಂದು ಪ್ರಥಮ್ ಕೇಳಿದರು. ಹೀಗಾಗಿ, ಸಮಾರು 6 ವರ್ಷಗಳ ಹಿಂದೆ ಸಿದ್ದ ಮಾಡಿಕೊಂಡಿದ್ದ ಒಂದು ಸ್ಕ್ರಿಪ್ಟ್ ಇತ್ತು. ಅದು ಹೊಸಬರಿಗೆ ಸೂಕ್ತವಾಗುತ್ತಿತ್ತು. ಈ ಸ್ಕ್ರಿಪ್ಟ್ ನ್ನ ಪ್ರಥಮ್ ನೀಡಿದ್ದೇನೆ ಹೊರತು ಸಿನಿಮಾ ನಿರ್ಮಾಣ ಮಾಡುತ್ತಿಲ್ಲ. ಆದ್ರೆ, ಪ್ರಥಮ್ ಯಾಕೆ ಹೀಗೆ ಹೇಳಿಕೊಳ್ಳುತ್ತಿದ್ದಾರೋ ಗೊತ್ತಿಲ್ಲ'' ಎಂದು ಉದಯ್ ಮೆಹ್ತಾ ಸ್ಪಷ್ಟಪಡಿಸಿದ್ದಾರೆ.

ಪ್ರಥಮ್ ಯಾಕೆ ಹೀಗೆ?

ಒಳ್ಳೆ ಹುಡುಗ ಅಂತಹ ಬಿಂಬಿಸಿಕೊಳ್ಳುವ ಪ್ರಥಮ್ ಯಾಕೆ ಈ ಹೀಗೆ ಎಂಬ ಸಂಶಯ ಈಗ ಕಾಡುತ್ತಿದೆ. ಈಗ ಬೇರೆ ಭುವನ್-ಸಂಜನಾ ವಿಷ್ಯದಲ್ಲಿ ಮತ್ತೆ ಕಿರಿಕ್ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಅದೇನೆ ಇರಲಿ, ಇಷ್ಟು ದಿನ ಪ್ರಥಮ್ ಅವರು ಹಾಕುತ್ತಿದ್ದ ಫೇಸ್ ಬುಕ್ ಸ್ಟೇಟಸ್ ಗಳ ಮೇಲೆ ಜನರಿಗೆ ಒಂದು ರೀತಿಯ ನಂಬಿಕೆ ಇತ್ತು. ಬಹುಶಃ ಈ ಘಟನೆಯಿಂದ ಪ್ರಥಮ್ ಅವರ ಫೇಸ್ ಬುಕ್ ಸ್ಟೇಟಸ್ ಗಳನ್ನ ನಂಬುವುದು ಕಷ್ಟವಾಗಬಹುದು.