'ಬಿಗ್ ಬಾಸ್ ಕನ್ನಡ 5'ಗೆ ಪ್ರಥಮ್ ಪ್ರಕಾರ ಇವರು ಹೋಗ್ಬೇಕಂತೆ.!

ಪ್ರಥಮ್ ತಂದೆ ಬಿಗ್ ಬಾಸ್ ಗೆ ಹೋಗ್ಬೇಕಂತೆ

ಈ ಬಾರಿಯ ಬಿಗ್ ಬಾಸ್ ಮನೆಗೆ, ಒಳ್ಳೆ ಹುಡುಗ ಪ್ರಥಮ್ ಅವರ ತಂದೆ ಮಲ್ಲಯ್ಯ ಅವರನ್ನ ಕಳುಹಿಸಿ ಎಂದು ಹಲವರು ಪ್ರಥಮ್ ಅವರಿಗೆ ಹೇಳುತ್ತಿದ್ದಾರಂತೆ.

ಕುಟುಂಬ ರಾಜಕಾರಣ ಮಾಡಲ್ಲ

ಇದಕ್ಕೆ ಪ್ರತಿಕ್ರಿಯಿ ನೀಡಿರುವ ಪ್ರಥಮ್ ''ನಾನು ಕುಟುಂಬ ರಾಜಕಾರಣ ತರ ಮಾಡಲಪ್ಪ. ಅದಲ್ಲದೆ ನಮ್ಮ ತಂದೆ ಸರ್ಕಾರಿ ಅಧಿಕಾರಿ. ರಜೆ ಹಾಕಿ ಬಿಗ್ ಬಾಸ್ ಮನೇಲಿ ಇರಕ್ಕಾಗಲ್ಲ, ಮುಖ್ಯವಾಗಿ ನಮ್ಮ ಮನೆಯವರನ್ನ ತಗೊಳಿ ಅಂತ ಹೇಳುವ ಯಾವ ನೈತಿಕ ಹಕ್ಕು ನನಗಿಲ್ಲ'' ಎಂದಿದ್ದಾರೆ.

ಅರ್ಹರಿಗೆ ಬಿಗ್ ಬಾಸ್ ವೇದಿಕೆಯಾಗಲಿ

''ಅರ್ಹರು ಸಾವಿರಾರು ಜನ ಬಿಗ್ ಬಾಸ್ ಮನೆಗೆ ಹೋಗಲು ಕಾಯುತ್ತಿದ್ದಾರೆ. ಪ್ರಾಮಾಣಿಕವಾಗಿ ಹೇಳುವುದಾದರೆ, ಪ್ರತಿಭಾವಂತರಿಗೆ ಈ ಬಾರಿಯೂ ಬಿಗ್ ಬಾಸ್ ಮನೆ ವೇದಿಕೆಯಾಗಲಿ. ಅರ್ಹರು ಗೆಲ್ಲಲಿ ಅಷ್ಟೆ..'' ಎಂದು ಕಳೆದ ಆವೃತ್ತಿಯ ವಿನ್ನರ್ ಪ್ರಥಮ್ ಹೇಳಿದ್ದಾರೆ.

ನನಗೆ ಯಾರ ಬೆಂಬಲವೂ ಇರಲಿಲ್ಲ

ಇನ್ನು ಪ್ರಥಮ್ ಅವರ ಕಳೆದ ಬಾರಿ ಗಣ್ಯ ವ್ಯಕ್ತಿಗಳ ಕೃಪಾಕಟಾಕ್ಷದಿಂದ ಬಿಗ್ ಬಾಸ್ ಪ್ರವೇಶ ಮಾಡಿದ್ದರು ಎನ್ನಲಾಗಿತ್ತು. ಅದಕ್ಕೆ ಪ್ರಥಮ್ ಉತ್ತರ ಕೊಟ್ಟಿದ್ದು, ''ನನಗೆ ಯಾರನ್ನು ಬಿಗ್ಬಾಸ್ ಗೆ ಕಳುಹಿಸುವ ಶಕ್ತಿ ಇಲ್ಲ. ನಾನು ಹಾಗೆ influence ಕೂಡ ಮಾಡಿಲ್ಲ'' ಎಂದಿದ್ದಾರೆ.