ಕನ್ನಡ ಸಿನಿಮಾರಂಗದಲ್ಲಿ ಮತ್ತೊಬ್ಬ 'ನಟಭಯಂಕರ'ನ ಆರ್ಭಟ ಶುರು

ಕನ್ನಡದಲ್ಲಿ ಮತ್ತೊಬ್ಬ ನಟಭಯಂಕರ

ನಟಭಯಂಕರ ಕನ್ನಡದ ಸಿನಿಮಾರಂಗದಲ್ಲಿ ಹೊಸದಾಗಿ ಆರಂಭ ಆಗುತ್ತಿರುವ ಸಿನಿಮಾ. ತೆರೆ ಮೇಲೆ ನಟಭಯಂಕರನಾಗಿ ಕಾಣಿಸಿಕೊಳ್ಳುತ್ತಿರುವ ಕಲಾವಿದ ಬಿಗ್ ಬಾಸ್ ಖ್ಯಾತಿಯ ಪ್ರಥಮ್.

ನಟಭಯಂಕರನಾದ ಪ್ರಥಮ್

ಪ್ರಥಮ್ ನಟಿಸಿ ನಿರ್ದೇಶನ ಮಾಡುತ್ತಿರುವ ಪ್ರಥಮ್ಸ್ ಬಿಲ್ಡಪ್ ಚಿತ್ರದ ಟೈಟಲ್ ಬದಲಾಗಿದೆ. ಪ್ರಥಮ್ಸ್ ಬಿಲ್ಡಪ್ ಬದಲಾಗಿ ಸಿನಿಮಾಗೆ ನಟಭಯಂಕರ ಎಂದು ಟೈಟಲ್ ಫಿಕ್ಸ್ ಆಗಿದೆ.

ಮಹೂರ್ತಕ್ಕೆ ಸಿದ್ದತೆಗಳು

ನಟ ಭಯಂಕರ ಸಿನಿಮಾದ ಮಹೂರ್ತ ಮುಂದಿನವಾರ ನಡೆಯಲಿದ್ದು ಚಿತ್ರಕ್ಕೆ ಕ್ಲಾಪ್ ಮಾಡಲು ಬಾಲಿವುಡ್ ಅಥವಾ ಟಾಲಿವುಡ್ ನಿಂದ ಬಿಗ್ ಸ್ಟಾರ್ ಬರುತ್ತಿದ್ದಾರೆ. ದೇಶದಲ್ಲೇ ಪ್ರಖ್ಯಾತಿ ಪಡೆದುಕೊಂಡಿರುವ ಗಣ್ಯರನ್ನೇ ಆಹ್ವಾನ ಮಾಡಲಾಗಿದ್ಯಂತೆ.

ಪ್ರಥಮ್ ಜೊತೆಯಾದ ಕುರಿ ಪ್ರತಾಪ್

ನಟಭಯಂಕರ ಫ್ಯಾಂಟಸಿ ಆಕ್ಷನ್ ಕಥಾಹಂದರವಿರುವ ಚಿತ್ರ. ಸಿನಿಮಾದಲ್ಲಿ ಪ್ರಥಮ್ ಜೊತೆಯಲ್ಲಿ ಕುರಿ ಪ್ರತಾಪ್ ಕೂಡ ಅಭಿನಯಿಸುತ್ತಿದ್ದಾರೆ. ನಾಯಕಿಯಾಗಿ ಡಿಂಕ್ ಚಕ್ ಪೂಜಾ ಕಾಣಿಸಿಕೊಳ್ಳಲಿದ್ದು ಕನ್ನಡದ ಟೈಟಲ್ ಇರಲಿ ಎನ್ನುವ ಕಾರಣದಿಂದ ನಟಭಯಂಕರ ಎಂದು ಶೀರ್ಷಿಕೆ ಬದಲಾವಣೆ ಮಾಡಲಾಗಿದೆ.

ಸಿನಿಮಾ ನಿರ್ದೇಶನಕ್ಕೆ ಕಿಚ್ಚನೇ ಸ್ಫೂರ್ತಿ

ಕಿಚ್ಚ ಸುದೀಪ್ ಬಿಗ್ ಬಾಸ್ ವೇದಿಕೆ ಮೇಲೆ ಪ್ರಥಮ್ ಅವರಿಗೆ ಹೇಳಿದ ಮಾತುಗಳನ್ನ ಕೇಳಿದ ಪ್ರಥಮ್ ನಿರ್ದೇಶನ ಮಾಡಬೇಕು ಎಂದು ನಿರ್ಧಾರ ಮಾಡಿದ್ದಾರೆ. ಅದೇ ಕಾರಣದಿಂದ ಒಂದು ವರ್ಷಗಳ ಕಾಲ ಶ್ರಮ ವಹಿಸಿ ಸ್ಕ್ರೀಪ್ಟ್ ಮಾಡಿಕೊಂಡು ಆಕ್ಷನ್ ಕಟ್ ಹೇಳಲು ಸಜ್ಜಾಗಿದ್ದಾರೆ. ಸ್ವಾರಸ್ಯ ಸಿನಿ ಕ್ರಿಯೇಷನ್ಸ್ ನಿಂದ ಚಿತ್ರ ನಿರ್ಮಾಣ ಆಗುತ್ತಿದೆ.