ಮಾವನ 'ಪ್ರೇಮ ಬರಹ'ಕ್ಕೆ ಶಾಕ್ ಕೊಟ್ಟ ಚಿರಂಜೀವಿ ಸರ್ಜಾ

'ಪ್ರೇಮ ಬರಹ'ಕ್ಕೆ ಚಿರು ಶಾಕ್

ಫೆಬ್ರವರಿ 9 ರಂದು ಬಿಡುಗಡೆಯಾಗಲಿರುವ 'ಪ್ರೇಮ ಬರಹ' ಚಿತ್ರಕ್ಕೆ ನಟ ಚಿರಂಜೀವಿ ಸರ್ಜಾ ಶಾಕ್ ನೀಡಿದ್ದಾರೆ. ಸೋದರ ಮಾವನ ಚಿತ್ರದ ಎದುರು ತಮ್ಮ ಚಿತ್ರವನ್ನ ಬಿಡುಗಡೆ ಮಾಡುತ್ತಿದ್ದಾರೆ ಚಿರು ಸರ್ಜಾ.

ಅದೇ ದಿನ ಬರ್ತಿದೆ 'ಸಂಹಾರ'

ಐಶ್ವರ್ಯ ಅರ್ಜುನ್ ಸರ್ಜಾ ಅಭಿನಯದ ಚೊಚ್ಚಲ ಸಿನಿಮಾದ ಜೊತೆಯಲ್ಲೇ ಚಿರು ಸರ್ಜಾ ಅಭಿನಯದ 'ಸಂಹಾರ' ಸಿನಿಮಾ ರಿಲೀಸ್ ಆಗುತ್ತಿದೆ. ಇತ್ತೀಚೆಗಷ್ಟೇ ಸೆನ್ಸಾರ್ ಮುಗಿಸಿರುವ 'ಸಂಹಾರ', ಯು/ಎ ಸರ್ಟಿಫಿಕೇಟ್ ಪಡೆದುಕೊಂಡಿದೆ.

ಸರ್ಜಾ ಕುಟುಂಬದ ಸಿನಿಮಾಗಳು

ಇದು ಕಾಂಪಿಟೇಶನ್ ಎನ್ನುವುದಕ್ಕಿಂತ ಚಿತ್ರಪ್ರೇಮಿಗಳಿಗೆ ಡಬಲ್ ಟ್ರೀಟ್ ಎನ್ನಬಹುದು. ಒಂದೇ ದಿನ, ಒಂದೇ ಕುಟುಂಬದ ಎರಡು ಚಿತ್ರಗಳು ತೆರೆ ಮೇಲೆ ನೋಡುವುದು ಅಭಿಮಾನಿಗಳಿಗೆ ಖುಷಿಯ ವಿಚಾರ.

'ಸಂಹಾರ' ಚಿತ್ರದ ಬಗ್ಗೆ

ಗುರುದೇಶಪಾಂಡೆ ನಿರ್ದೇಶನ ಮಾಡಿರುವ ಈ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಕುರುಡನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನಟಿ ಹರಿಪ್ರಿಯಾ ಚಿತ್ರಕ್ಕೆ ನಾಯಕಿ. ರವಿ ಬಸ್ರೂರ್ ಅವರ ಸಂಗೀತ ಚಿತ್ರಕ್ಕಿದೆ. ವಿಶೇಷ ಪಾತ್ರದಲ್ಲಿ ಚಿಕ್ಕಣ್ಣ ಕೂಡ ಕಾಣಿಸಿಕೊಂಡಿದ್ದಾರೆ.