'ದೀಪು'ವಿನಿಂದ 'ಬಾದ್‌ಷಾ' ಸುದೀಪ್‌ವರೆಗೂ ಪ್ರತ್ಯಕ್ಷ ಸಾಕ್ಷಿಯಾಗಿದ್ದೇನೆ- ಪ್ರಿಯಾ

ದೀಪುವಿನ ಸಾಧನೆಗೆ ಪ್ರತ್ಯಕ್ಷ ಸಾಕ್ಷಿ

''ನಂಬಲಾಗದ ರೀತಿಯಲ್ಲಿ ನಿಮ್ಮ ಬೆಳವಣಿಗೆಯನ್ನು ಫಿಲ್ಮ್ ನೆಗೆಟಿವ್ನಿಂದ ಡಿಜಿಟಲ್ ವರೆಗೂ, ಸಿಂಗಲ್ ಸ್ಕ್ರೀನ್ನಿಂದ ಮಲ್ಟಿಪ್ಲೆಕ್ಸ್ ವರೆಗೂ, ತಾಯವ್ವ ಸಿನಿಮಾದ ರಾಮು ಇಂದ ವಿಕ್ರಾಂತ್ ರೋಣವರೆಗೂ, ಕಬ್ಬಿಣದ ಕಾಲಿನಿಂದ ಚಿನ್ನದ ಕಾಲಿಗೂ, ಸರೋವರ ಹೋಟೆಲ್ ನಿಂದ ಬುರ್ಜ್ ಖಲೀಫಾವರೆಗೂ ನನ್ನ ಪ್ರೀತಿಯ "ದೀಪು" ವಿನಿಂದ ಬಾದಷಾ ಕಿಚ್ಚ ಸುದೀಪ್ ವರೆಗೂ ಪ್ರತ್ಯಕ್ಷವಾಗಿ ಸಾಕ್ಷಿಯಾಗಿದ್ದೇನೆ. 25 ವರ್ಷಗಳು ಅಷ್ಟೇ ಅಲ್ಲ, ಇನ್ನೂನು ಬೇಕಾಗಿದೆ.'' ಎಂದು ಸುದೀಪ್ ಪತ್ನಿ ಪ್ರಿಯಾ ಟ್ವೀಟ್ ಮಾಡಿದ್ದಾರೆ.

ಕಾಮನ್ ಡಿಪಿ ಬಿಡುಗಡೆ ಮಾಡಿದ ಪ್ರಿಯಾ

ಸುದೀಪ್ ಅವರು 25 ವರ್ಷ ಪೂರೈಸಿದ ವಿಶೇಷ ಸಂದರ್ಭದ ಪ್ರಯುಕ್ತ, ಪ್ರಿಯಾ ಸುದೀಪ್ ಕಾಮನ್ ಡಿಪಿ ಬಿಡುಗಡೆ ಮಾಡಿದ್ದಾರೆ. ನಟ, ನಿರ್ದೇಶಕ, ನಿರ್ಮಾಪಕ, ಗಾಯಕ, ಕ್ರೀಡಾಪಟು ಹೀಗೆ ಪರಿಪೂರ್ಣ ಕಲಾವಿದ ಎಂದು ಬಿಂಬಿಸುವಂತ ಫೋಟೋ ಅನಾವರಣಗೊಂಡಿದೆ.

ಟ್ವಿಟ್ಟರ್‌ನಲ್ಲಿ ಹೆಸರು ಬದಲಾಯಿಸಿಕೊಂಡ ಪತ್ನಿ

ಕಿಚ್ಚ ಸುದೀಪ್ ಅವರ ಸಾಧನೆಯ ಸ್ಮರಣಾರ್ಥ ಪ್ರಿಯಾ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿರುವ ಹೆಸರು ಬದಲಾಯಿಸಿಕೊಂಡಿದ್ದಾರೆ. ಈ ಮೊದಲು ಪ್ರಿಯಾ ರಾಧಕೃಷ್ಣನ್ (priya radhakrishnan) ಎಂದಿತ್ತು. ಈಗ, ''Baadshah Kichcha Priya/ಬಾದಷಾ ಕಿಚ್ಚ ಪ್ರಿಯ'' ಎಂದು ಬದಲಾಗಿದೆ.

ಸುದೀಪ್ ಮುಂದಿನ ಚಿತ್ರಗಳು?

ಅನೂಪ್ ಭಂಡಾರಿ ನಿರ್ದೇಶನದ ವಿಕ್ರಾಂತ್ ರೋಣ ಬಿಡುಗಡೆಯಾಗಬೇಕಿದೆ. ಸೂರಪ್ಪ ಬಾಬು ನಿರ್ಮಾಣದ ಕೋಟಿಗೊಬ್ಬ 3 ಚಿತ್ರವೂ ತೆರೆಕಾಣಲು ಸಜ್ಜಾಗಿದೆ. ಆರ್ ಚಂದ್ರು ಮತ್ತು ಉಪೇಂದ್ರ ಕಾಂಬಿನೇಷನ್‌ನ ಕಬ್ಜ ಸಿನಿಮಾದಲ್ಲೂ ಸುದೀಪ್ ಅತಿಥಿ ಪಾತ್ರ ನಿರ್ವಹಿಸುತ್ತಿದ್ದಾರೆ. ಈ ನಡುವೆ ಸುದೀಪ್ ನಿರ್ದೇಶನದ ಚಿತ್ರವನ್ನು ಕೈಗೆತ್ತಿಕೊಳ್ಳಲಿದ್ದಾರೆ.