ಡ್ರಗ್ಸ್‌ ಪ್ರಕರಣ ಆರೋಪಿ ರಾಹುಲ್ ಅನ್ನು 'ಒಳ್ಳೆ ಹುಡುಗ' ಎಂದ ನಿರ್ಮಾಪಕ ಕೆ.ಮಂಜು

ಸೆಲೆಬ್ರಿಟಿಗಳ ಜೊತೆಗೆ ರಾಹುಲ್ ಚಿತ್ರ

ಕನ್ನಡ ಸಿನಿಮಾದ ಹಲವು ಸ್ಟಾರ್‌ಗಳ ಜೊತೆಗೆ ರಾಹುಲ್ ಚಿತ್ರ ಹರಿದಾಡುತ್ತಿದೆ. ನಿರ್ಮಾಪಕ ಕೆ.ಮಂಜು ಅವರೊಂದಿಗೆ ರಾಹುಲ್ ಅತ್ಯಾಪ್ತವಾಗಿರುವ ಚಿತ್ರ ಸಹ ಹರಿದಾಡುತ್ತಿದ್ದು, ರಾಹುಲ್ ಬಗ್ಗೆ ನಿರ್ಮಾಪಕ ಮಂಜು ಮಾಧ್ಯಮವೊಂದರ ಜೊತೆಗೆ ಮಾತನಾಡಿದ್ದಾರೆ.

ಕೈತುತ್ತು ತಿನ್ನಿಸುತ್ತಿರುವ ಕೆ.ಮಂಜು

ಆರೋಪಿ ರಾಹುಲ್‌ ಗೆ ಕೈತುತ್ತು ತಿನ್ನಿಸುತ್ತಿರುವ ಚಿತ್ರ ವೈರಲ್ ಆಗಿದ್ದು, ಈ ಬಗ್ಗೆ ಮಾಧ್ಯಮವೊಂದಕ್ಕೆ ಪ್ರತಿಕ್ರಿಯೆ ನೀಡಿರುವ ಕೆ.ಮಂಜು,'ರಾಹುಲ್ ಒಳ್ಳೆಯ ಹುಡುಗ, ಒಳ್ಳೆಯ ಕುಟುಂಬ ಹಿನ್ನೆಲೆ ಇರುವಂಥಹವನು. ಆತನಿಗೆ ಇಂಥಹಾ ಲಿಂಕ್ ಇರುವುದು ಗೊತ್ತಿರಲಿಲ್ಲ' ಎಂದಿದ್ದಾರೆ ಕೆ.ಮಂಜು.

ಭಾಸ್ಕರ್ ರಾವ್ ಜೊತೆಗೆ ಚಿತ್ರ

ರಾಹುಲ್ ವಿವಿಧ ಸೆಲೆಬ್ರಿಟಿಗಳ ಜೊತೆಗೆ ಇರುವ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ರಾಹುಲ್, ಬೆಂಗಳೂರು ಪೊಲೀಸ್ ಕಮೀಷನರ್ ಆಗಿದ್ದ ಭಾಸ್ಕರ್ ರಾವ್ ಅವರೊಟ್ಟಿಗೆ ಸಹ ರಾಹುಲ್ ಚಿತ್ರವಿದೆ. ರಾಹುಲ್‌ ಗೆ ಪೊಲೀಸ್ ಇಲಾಖೆಯಲ್ಲಿಯೂ ಸಂಪರ್ಕವಿದೆಯಾ ಎಂಬ ಅನುಮಾನ ಈ ಚಿತ್ರದಿಂದ ವ್ಯಕ್ತವಾಗಿದೆ.

Recommended Video

DIRECTORS DAIRY : ನಾನು ಇಡ್ಲಿ ನೋಡಿದ್ದೇ ಬೆಂಗಳೂರಿಗೆ ಬಂದ್ಮೇಲೆ | R Chandru | Filmibeat Kannada

ರಾಹುಲ್‌ ಗೆ ನ್ಯಾಯಾಂಗ ಬಂಧನ

ಸಂಜನಾ ಗೆ ಆಪ್ತವಾಗಿರುವ ರಾಹುಲ್ ಗೆ ಇಂದು ನ್ಯಾಯಾಂಗ ಬಂಧನ ವಿಧಿಸಲಾಗಿದೆ. ರಾಹುಲ್, ರಾಗಿಣಿ ಹಾಗೂ ಇತರ ಕೆಲವರು ಇಂದಿನಿಂದ ಹದಿನಾಲ್ಕು ದಿನಗಳ ಕಾಲ ಪರಪ್ಪನ ಅಗ್ರಹಾರ ಕೇಂದ್ರ ಕಾರಾಗೃಹದಲ್ಲಿ ವಿಚಾರಣಾಧೀನ ಖೈದಿಗಳಾಗಿ ಇರಲಿದ್ದಾರೆ.