ಡಾ.ರಾಜ್ ಗಿಂತ ನಾನು ಭಿನ್ನವಾಗಿಲ್ಲ ಎಂದಿದ್ದ ಪುನೀತ್ ರಾಜ್ ಕುಮಾರ್

ಅಪ್ಪಾಜಿಯವರು ತಮ್ಮ ಪ್ರತೀ ಯಶಸ್ಸನ್ನು ತಮ್ಮ ತಂದೆ-ತಾಯಿಗೆ ಅರ್ಪಿಸುತ್ತಿದ್ದ

ಅಪ್ಪಾಜಿಯವರು ತಮ್ಮ ಪ್ರತೀ ಯಶಸ್ಸನ್ನು ತಮ್ಮ ತಂದೆ-ತಾಯಿಗೆ ಅರ್ಪಿಸುತ್ತಿದ್ದರು. ಈ ವಿಷಯದಲ್ಲಿ ನಾನು ಕೂಡಾ ಭಿನ್ನವಾಗಿರಲಿಲ್ಲ, ಪ್ರತಿಯೊಬ್ಬ ಮಗುವಿನ ಹಾಗೇ ನಾನು ಕೂಡಾ ನನ್ನ ತಂದೆಯನ್ನು ಅಪಾರ ಗೌರವದಿಂದ ಕಂಡೆ. ಬೇರೆ ಎಲ್ಲರಿಗೂ ಅಪ್ಪಾಜಿ ಒಬ್ಬ ದೊಡ್ಡ ಮೇರು ನಟ. ನನಗೆ ಮಾತ್ರ ಅವರು ಒಂದು ರೋಲ್ ಮಾಡೆಲ್, ನನ್ನ ಜೀವನದ ಅವಿಭಾಜ್ಯ ಅಂಗ ಎಂದು ಪುನೀತ್ ತಮ್ಮ ತಂದೆಯ ಬಗ್ಗೆ ಗೌರವದ ಮಾತನ್ನಾಡಿದ್ದರು.

ಅವರ ಸರಳ ಜೀವನ, ನುಡಿಗಿಂತ ನಡೆ ಮುಖ್ಯ ಎನ್ನುವ ಅವರ ಜೀವನಶೈಲಿ

ವೈಯಕ್ತಿಕವಾಗಿ ಹೇಳುವುದಾದರೆ ಅವರ ಸರಳ ಜೀವನ, ನುಡಿಗಿಂತ ನಡೆ ಮುಖ್ಯ ಎನ್ನುವ ಅವರ ಜೀವನಶೈಲಿಯಿಂದ ನಾನು ಜೀವನದಲ್ಲಿ ಬಹಳಷ್ಟು ಕಲಿತಿದ್ದೇನೆ. ಒಬ್ಬ ತಂದೆಯಾಗಿ, ಮಗುವಾಗಿ, ತಾತನಾಗಿ, ಪತಿಯಾಗಿ, ಸ್ನೇಹಿತನಾಗಿ ಮತ್ತು ಒಬ್ಬ ಮನುಷ್ಯನಾಗಿ, ಅವರು ನಿರಾಯಾಸವಾಗಿ ಜೀವನ ಸಾಗಿಸಿದವರು ನನ್ನ ಅಪ್ಪಾಜಿ ಡಾ.ರಾಜಕುಮಾರ್ ಎಂದು ಪುನೀತ್ ರಾಜಕುಮಾರ್ ಆ ಪುಸ್ತಕದಲ್ಲಿ ಬರೆದುಕೊಂಡಿದ್ದರು.

ಪುನೀತ್ ರಾಜಕುಮಾರ್ ತಾನು ಹೊರ ತಂದಿದ್ದ ಪುಸ್ತಕದಲ್ಲಿ ಬರೆದುಕೊಂಡಿದ್ದರು.

"ಅವರ ಜೊತೆಗೆ ಗಾಜನೂರಿಗೆ ಹಲವು ಬಾರಿ ಹೋಗಿದ್ದೆ. ಅಪ್ಪಾಜಿಗೆ ತಮ್ಮ ತಾಯಿಯ ಮೇಲೆ ಎಷ್ಟು ಪ್ರೀತಿಯೆಂದರೆ, ನೆಲದ ಮೇಲೆ ತೇಪೆ ಹಾಕಿದ ಜಾಗವನ್ನು ತೋರಿಸಿ, ಇದನ್ನು ಹಾಕಿದವರು ನಮ್ಮ ತಾಯಿ ಎಂದು ಹೇಳುತ್ತಿದ್ದರು. ತಂದೆ, ತಾಯಿ, ಒಡಹುಟ್ಟಿದವರನ್ನು ಪ್ರೀತಿಸುವ ಅವರ ಒಳ್ಳೆಯ ಗುಣ ನನ್ನಲ್ಲೂ ಇದೆ" ಎಂದು ಪುನೀತ್ ರಾಜಕುಮಾರ್ ತಾನು ಹೊರ ತಂದಿದ್ದ ಪುಸ್ತಕದಲ್ಲಿ ಬರೆದುಕೊಂಡಿದ್ದರು.

ಪುನೀತ್ ರಾಜಕುಮಾರ್ ತಂದೆಯ ಬಗ್ಗೆ ಬರೆದಿದ್ದ ಪುಸ್ತಕದಲ್ಲಿ ಹೇಳಿದ್ದರು

ಸಂಸ್ಕೃತಿಗಿಂತ ಶಿಸ್ತು ಮುಖ್ಯ ಎಂದು ನಮ್ಮ ಅಪ್ಪಾಜಿ ಹೇಳುತ್ತಿದ್ದರು. ಶಿಸ್ತು ಇಲ್ಲದ ಮೇಲೆ ಸಂಸ್ಕೃತಿ ಇದ್ದರೆ ಏನು ಪ್ರಯೋಜನ. ನನಗೆ ಸಂತೋಷವಾಗುವ ವಿಷಯವೆಂದರೆ ನಮ್ಮೊಂದಿಗಿರುವುದು ಅವರು ಹೇಳಿಕೊಟ್ಟ ಎಲ್ಲವನ್ನೂ ಪಾಲಿಸುವುದು. ಇದನ್ನು ನಾನು ಮೊದಲು ಪಾಲಿಸುತ್ತಿದ್ದೆ ಎಂದು ಪುನೀತ್ ರಾಜಕುಮಾರ್ ತಂದೆಯ ಬಗ್ಗೆ ಬರೆದಿದ್ದ ಪುಸ್ತಕದಲ್ಲಿ ಹೇಳಿದ್ದರು.