ಗುರುವಾರದಿಂದಲೇ ಕೋಮಲ್ ಪ್ಯಾರ್ಗೆ ಶುರು

ಇದೇ ಗುರುವಾರ (ಸೆ.5)ದಿಂದಲೇ ಸೆನ್ಸೇಷನಲ್ ಸ್ಟಾರ್ ಕೋಮಲ್ ಚಿತ್ರಮಂದಿರಗಳಲ್ಲಿ ಪಾರ್ಗೆ ಶುರುವಚ್ಚಿಕೊಳ್ಳುತ್ತಿದ್ದಾರೆ. ಅಂದರೆ ಕೋಮಲ್ ಹಾಗೂ ಪಾರುಲ್ ಯಾದವ್ ಅಭಿನಯದ 'ಪ್ಯಾರ್ಗೆ ಆಗ್ಬಿಟೈತೆ' ಚಿತ್ರ ರಾಜ್ಯದಾದ್ಯಂತ ತೆರೆಕಾಣುತ್ತಿದೆ. 'Love is Beautiful' ಎಂಬುದು ಚಿತ್ರದ ಅಡಿಬರಹ.

ಚಿತ್ರದ ಶೀರ್ಷಿಕೆಯೇ ಸೂಚಿಸುವಂತೆ ಇದೊಂದು ಪ್ರೇಮ ಕಥಾನಕ. ಸೆನ್ಸೇಷನಲ್ ನಟ ಕೋಮಲ್ ಈ ಬಾರಿ ತನ್ನ ನೆಚ್ಚಿನ ಹುಡುಗಿಗಾಗಿ ಏನೆಲ್ಲಾ ಟ್ರಿಕ್ಸ್ ಮಾಡುತ್ತಾರೆ ಎಂಬುದನ್ನು ತೆರೆಯ ಮೇಲೆ ನೋಡಬೇಕು.

ಪ್ಯಾರ್ಗೆ ಆಗ್ಬಿಟೈತೆ

ಕೋಮಲ್ ನಾಯಕರಾಗಿ ಅಭಿಯಿಸಿರುವ ಈ ಚಿತ್ರದ ನಾಯಕಿ ಪ್ರಾರ್ಥನಾ. ಕವಿನ್ ಬಾಲ ಈ ಚಿತ್ರದ ನಿರ್ದೇಶಕರು. ತಮಿಳಿನಲ್ಲಿ ಒಂದು ಚಿತ್ರ ನಿರ್ದೇಶನ ಮಾಡಿ ಸಾಕಷ್ಟು ಚಿತ್ರಗಳಿಗೆ ಸಹ ನಿರ್ದೇಶನ ಮಾಡಿರುವ ಅನುಭವ ನಿರ್ದೇಶಕರಿಗಿದೆ.

ಕವಿನ್ ಬಾಲ ಅವರೇ ಕಥೆ, ಚಿತ್ರಕಥೆ ಬರೆದಿರುವ ಈ ಚಿತ್ರಕ್ಕೆ ಬಾಲ ಭರಣಿ ಅವರ ಛಾಯಾಗ್ರಹಣವಿದೆ. ಧರ್ಮತೇಜ ಸಂಗೀತ ನಿರ್ದೇಶನ ಹಾಗೂ ಸುರೇಶ್‍ ಅರಸ್ ಸಂಕಲನವಿರುವ ಈ ಚಿತ್ರಕ್ಕೆ ಕೇಶವಾದಿತ್ಯ(ರಾಮಜೋಗಿಹಳ್ಳಿ) ಸಂಭಾಷಣೆ ಬರೆದಿದ್ದಾರೆ.

ಚಿತ್ರದ ಪಾತ್ರವರ್ಗದಲ್ಲಿ ಕೋಮಲ್ ಜೊತೆ ಪ್ರಾರ್ಥನಾ, ಅಕುಲ್ ಬಾಲಾಜಿ, ರಂಗಾಯಣ ರಘು ಮುಂತಾದವರಿದ್ದಾರೆ. ಈ ಚಿತ್ರದ ಕೋಮಲ್ ಅವರ ವೃತ್ತಿ ಬದುಕಿನಲ್ಲೂ ಮಹತ್ವವಾದ ಚಿತ್ರ. ಈ ಚಿತ್ರದ ಸೋಲು ಗೆಲುವು ಅವರ ಮುಂದಿನ ಪಯಣದ ಮೇಲೂ ಪರಿಣಾಮ ಬೀರಲಿದೆ. (ಒನ್ಇಂಡಿಯಾ ಕನ್ನಡ)