Click it and Unblock the Notifications
ಮತ್ತೆ ಬಣ್ಣ ಹಚ್ಚಲಿರುವ ರಾಧಿಕಾ ವಿಧಿಸಿದ ಷರತ್ತೇನು?
ಈ ಮೊದಲು ಚಿತ್ರಗಳಲ್ಲಿ ನಟಿಸಿದ್ದ ರಾಧಿಕಾ, ಸಾಕಷ್ಟು ಚಿತ್ರಗಳಲ್ಲಿ ಗ್ಲಾಮರಸ್ ಆಗಿಯೇ ಕಾಣಿಸಿಕೊಂಡಿದ್ದರು. ಕೇವಲ ಗ್ಲಾಮರಸ್ ಆಗಿ ಮಾತ್ರ ಕಾಣಿಸಿಕೊಳ್ಳದೇ 'ತವರಿಗೆ ಬಾ ತಂಗಿ, ಹಾಗೂ 'ಅಣ್ಣ ತಂಗಿ' ಮುಂತಾದ ಚಿತ್ರಗಳಲ್ಲಿ ಪಕ್ಕಾ ಗೌರಮ್ಮನಂತೆಯೂ ಕಾಣಿಸಿಕೊಂಡಿದ್ದರು. ಆದರೆ ಈಗ ಮಾತ್ರ ತಮ್ಮ ವಯಸ್ಸು ಹಾಗೂ ಇಮೇಜಿಗೆ ಸರಿಯಾಗಿ ಕಾಣಿಸಿಕೊಳ್ಳಲು ನಿರ್ಧರಿಸಿರುವ ರಾಧಿಕಾ ಈ ಮೇಲಿನಂತೆ ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ.
ಆದಿತ್ಯ ಜೊತೆ ಮುಂದೆ ಬರಲಿರುವ ತಮ್ಮ ಚಿತ್ರದ ಬಗ್ಗೆ ಮಾತನಾಡಿರುವ ರಾಧಿಕಾ "ಇದೊಂದು ಪಕ್ಕಾ ಕಮರ್ಷಿಯಲ್ ಎಂಟರ್ ಟೈನರ್ ಮೂವಿ" ಎಂದಿದ್ದಾರೆ. ತಮ್ಮ ವಯಸ್ಸಿಗೆ, ಇಮೇಜಿಗೆ ತಕ್ಕ ಪಾತ್ರವನ್ನು ರಾಧಿಕಾ ಅದರಲ್ಲಿ ಪೋಷಿಸಲಿದ್ದಾರೆ ಎಂಬುದು ಎಲ್ಲರೂ ಗಮನಿಸಿಬೇಕಾದ ಅಂಶ. ಇನ್ನೂ ಹೆಸರಿಡದ ಈ ಚಿತ್ರವನ್ನು ನಿರ್ದೇಶಿಸಲಿರುವವರು ವಿಜಯಲಕ್ಷ್ಮೀ ಸಿಂಗ್. 'ಲಕ್ಕಿ' ಬಳಿಕ ರಾಧಿಕಾ ಮತ್ತೆ ಈ ಚಿತ್ರವನ್ನು ನಿರ್ಮಿಸಲಿದ್ದಾರೆ.
ಮದುವೆಗೂ ಮೊದಲು ಪ್ರಾರಂಭವಾಗಿದ್ದ 'ಅರುಂಧತಿ' ಖ್ಯಾತಿಯ ನಿರ್ದೇಶಕರ ತೆಲುಗು ಚಿತ್ರವೊಂದರ ಚಿತ್ರೀಕರಣವನ್ನು ಇತ್ತೀಚಿಗಷ್ಟೇ ಮುಗಿಸಿಕೊಟ್ಟಿರುವ ರಾಧಿಕಾ, ಈಗ ತಮ್ಮ ಬರಲಿರುವ ಕನ್ನಡ ಚಿತ್ರಕ್ಕೆ ಬಣ್ಣ ಹಚ್ಚಲು ಸಿದ್ಧವಾಗಿದ್ದಾರೆ. ಅವರ ಮೊದಲ ಇನ್ನಿಂಗ್ಸ್ ನಲ್ಲಿನ ಕೊನೆಯ ಚಿತ್ರವಾದ ಆದತ್ಯ ಜೋಡಿಯ 'ಈಶ್ವರ್' ಇನ್ನೂ ತೆರೆಕಾಣಬೇಕಿದೆ. ಅಷ್ಟರಲ್ಲೇ ಅದೇ ಆದಿತ್ಯ ಜೊತೆ ಇನ್ನೊಂದು ಚಿತ್ರ ಪ್ರಾರಂಭವಾಗಲಿದೆ. ಚಿತ್ರದ ಮುಹೂರ್ತ ಹಾಗೂ ಶೂಟಿಂಗ್ ಪ್ರಾರಂಭವಾಗುವ ಬಗ್ಗೆ ಇನ್ನಷ್ಟೇ ಮಾಹಿತಿ ಬರಬೇಕಿದೆ. (ಒನ್ ಇಂಡಿಯಾ ಕನ್ನಡ)
Continue with Google