ಡೇಟಿಂಗ್ ಗಾಗಿ ಯಶ್-ರಾಧಿಕಾ ಪಂಡಿತ್ ಭೇಟಿ ಆಗ್ತಿದ್ದ ರಹಸ್ಯ ಜಾಗ ಯಾವುದು ಗೊತ್ತಾ.?

ಫೇವರೇಟ್ ಡೇಟಿಂಗ್ ಸ್ಪಾಟ್.!

ನಟ ಯಶ್ ಮತ್ತು ರಾಧಿಕಾ ಪಂಡಿತ್ ಹೆಚ್ಚಾಗಿ ಗೋವಾದಲ್ಲಿ ಡೇಟಿಂಗ್ ಮಾಡಿದ್ದರು. ಗೋವಾದ ಕಡಲ ತೀರದಲ್ಲಿ ಯಶ್ ಮತ್ತು ರಾಧಿಕಾ ಪಂಡಿತ್ ಪ್ರೀತಿಯ ಅಲೆಯಲ್ಲಿ ತೇಲಾಡಿದ್ದು, ಕರ್ನಾಟಕದವರಿಗೆ ಅದರಲ್ಲೂ ಗಾಂಧಿನಗರದ ಗಾಸಿಪ್ ಪಂಡಿತರಿಗೆ ಅಷ್ಟಾಗಿ ಗೊತ್ತಾಗಿಲ್ಲ.

ಗೋವಾ ಬೀಚ್ ನಲ್ಲಿ ಯಶ್-ರಾಧಿಕಾ ಮೋಜು-ಮಸ್ತಿ

ಗೋವಾ ಕನೆಕ್ಷನ್.!

ರಾಧಿಕಾ ಪಂಡಿತ್ ತಾಯಿಯ ಮೂಲ ಗೋವಾ. ಹೀಗಾಗಿ, ಗೋವಾ ಅಂದ್ರೆ ರಾಧಿಕಾ ಪಂಡಿತ್ ಗೆ ಅಚ್ಚುಮೆಚ್ಚು. ಯಶ್ ಮತ್ತು ರಾಧಿಕಾ ಪಂಡಿತ್ ಸವಿ ನೆನಪುಗಳು ಗೋವಾದಲ್ಲೇ ಹೆಚ್ಚಾಗಿ ಇದೆ. ಹೀಗಾಗಿ, ಗೋವಾದಲ್ಲೇ ಇವರಿಬ್ಬರ ನಿಶ್ಚಿತಾರ್ಥ ಸಮಾರಂಭ 2016 ರಲ್ಲಿ ನಡೆದಿತ್ತು.

ಗೋವಾದಲ್ಲಿ ಯಶ್-ರಾಧಿಕಾ ಪಂಡಿತ್ ಮಾಡಿದ್ದೇನು?

ಗೋವಾ ಬಗ್ಗೆ ಮತನಾಡಿದ ಯಶ್

''ನನಗೆ ಗೋವಾ ಕನೆಕ್ಷನ್ ಇದೆ. ಐ ಲವ್ ಗೋವಾ. ನಾನು ಆಗಾಗ ಗೋವಾಗೆ ಬರುತ್ತಿರುತ್ತೇನೆ. ಗೋವಾದ ಜನ ನನಗೆ ತುಂಬಾ ಇಷ್ಟ. ಇಲ್ಲಿಗೆ ಬಂದಾಗೆಲ್ಲ ಕನ್ನಡಿಗರನ್ನೂ ಭೇಟಿ ಮಾಡುತ್ತೇನೆ'' ಎಂದು ಇತ್ತೀಚೆಗಷ್ಟೇ ಗೋವಾದಲ್ಲಿ ನಡೆದ ಸಮಾರಂಭವೊಂದರಲ್ಲಿ ನಟ ಯಶ್ ಹೇಳಿದ್ದಾರೆ.

ಡೇಟಿಂಗ್ ಬಗ್ಗೆ ಯಶ್ ಮಾತು

''ನಾನು ಡೇಟಿಂಗ್ ಮಾಡಬೇಕಾದ್ರೆ, ಗೋವಾಗೆ ಜಾಸ್ತಿ ಬರುತ್ತಿದ್ವಿ. ಗೋವಾದಲ್ಲಿ ನಾನು ಮತ್ತು ರಾಧಿಕಾ ಪಂಡಿತ್ ಹೆಚ್ಚು ಸಮಯ ಕಳೆದಿದ್ವಿ. ವರ್ಷಕ್ಕೆ ಏನಿಲ್ಲ ಅಂದ್ರೂ ನಾಲ್ಕು ಬಾರಿ ಗೋವಾಗೆ ಬರ್ತಿದ್ವಿ'' ಎಂದು ಇದೇ ಸಮಯದಲ್ಲಿ ಯಶ್ ಬಾಯ್ಬಿಟ್ಟಿದ್ದಾರೆ. ಜೊತೆಗೆ ಕೊಂಕಣಿ ಹಾಡನ್ನೂ ಯಶ್ ಹಾಡಿದ್ದಾರೆ. ಯಶ್ ಪತ್ನಿ ರಾಧಿಕಾ ಪಂಡಿತ್ ಮಾತೃಭಾಷೆ ಕೂಡ ಕೊಂಕಣಿ ಅನ್ನೋದು ನಿಮ್ಮ ಗಮನದಲ್ಲಿರಲಿ.

ಯಶ್ ಬಿಜಿ

ಅಂದ್ಹಾಗೆ, 'ಕೆ.ಜಿ.ಎಫ್-2' ಚಿತ್ರದ ಶೂಟಿಂಗ್ ನಲ್ಲಿ ಸದ್ಯ ಯಶ್ ಬಿಜಿಯಿದ್ದಾರೆ. ಅತ್ತ ರಾಧಿಕಾ ಪಂಡಿತ್ ಇಬ್ಬರು ಮಕ್ಕಳ ಲಾಲನೆ-ಪಾಲನೆಯಲ್ಲಿ ತೊಡಗಿದ್ದಾರೆ.