ಮುದ್ದು ಮಗನಿಗೆ ಹೆಸರು ಹುಡುಕಿದ ರಾಧಿಕಾ-ಯಶ್ ದಂಪತಿ

ಮಗನಿಗೆ ಯಾವ ಹೆಸರು ಇಡಲಿದ್ದಾರೆ?

ಮೊದಲ ಮಗಳಿಗೆ 'ಐರಾ' ಎಂದು ಭಿನ್ನವಾದ ಹೆಸರಿಟ್ಟಿರುವ ರಾಧಿಕಾ-ಯಶ್. ಇದೀಗ ಮಗನಿಗೆ ಯಾವ ಹೆಸರು ಇಡಲಿದ್ದಾರೆ ಎಂಬ ಕುತೂಹಲ ಸಹಜವಾಗಿಯೇ ಅಭಿಮಾನಿಗಳಿಗೆ ಇದೆ.

ಮಗನಿಗೆ ಮುದ್ದಾದ ಹೆಸರು ಹುಡುಕಿದ್ದೇವೆ: ರಾಧಿಕಾ

ಈ ಬಗ್ಗೆ ಪೋಸ್ಟ್ ಹಾಕಿರುವ ರಾಧಿಕಾ, 'ನನ್ನ ಪ್ರತಿದಿನ ಮುಂಜಾನೆಯ ಖುಷಿಯ ಔಷಧ' ಎಂದು ಮಗನ ಚಿತ್ರ ಹಾಕಿದ್ದಾರೆ. ಜೊತೆಗೆ 'ಮಗನಿಗೆ ಮುದ್ದಾದ ಹೆಸರು ಹುಡುಕಿದ್ದೇವೆ. ಕೆಲವೇ ದಿನಗಳಲ್ಲಿ ಅದನ್ನು ಬಹಿರಂಗಪಡಿಸುತ್ತೇವೆ ಎಂದಿದ್ದಾರೆ.

ಮಗನ ಹೆಸರು ಆಯುಷ್ ಅಲ್ಲ: ರಾಧಿಕಾ

ತಮ್ಮ ಪೋಸ್ಟ್‌ನಲ್ಲಿ ಒಂದು ಸೂಚನೆಯನ್ನೂ ಕೊಟ್ಟಿರುವ ರಾಧಿಕಾ, 'ಮಗನ ಹೆಸರು ಆಯುಶ್ ಅಲ್ಲ' ಎಂದಿದ್ದಾರೆ. ಆಯುಷ್ ಎಂದು ಹೆಸರಿಡಿ ಎಂದು ಹಲವಾರು ಅಭಿಮಾನಿಗಳು ಸಲಹೆ ನೀಡಿದ್ದರು. ಆಯುಷ್ ಎಂದು ಹೆಸರು ಇಡಲಾಗಿದೆ ಎಂದು ಸಹ ಕೆಲವರು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದರು. ಆದರೆ ರಾಧಿಕಾ ಹೇಳಿರುವಂತೆ ಮಗುವಿನ ಹೆಸರು ಆಯುಷ್ ಅಲ್ಲವಂತೆ.

ಮಗನಿಗೆ ಯಾವ ಹೆಸರಿಡಲಿದ್ದಾರೆಂಬ ಕುತೂಹಲ

ಮಗಳಿಗೆ ಐರಾ ಎಂದು ಮುದ್ದಾದ ಹೆಸರಿಟ್ಟಿದ್ದ ರಾಧಿಕಾ-ಯಶ್ ದಂಪತಿ ಮಗನಿಗೆ ಯಾವ ಹೆಸರಿಡಲಿದ್ದಾರೆ ಎಂಬುದು ಕುತೂಹಲ ಕೆರಳಿಸಿದೆ. ಮಗನಿಗೆ ಯಾವ ಹೆಸರಿಡುತ್ತೀರಿ ಎಂದು ಅಭಿಮಾನಿಗಳು ಯಾವಾಗಲೂ ಪ್ರಶ್ನೆ ಕೇಳುತ್ತಿದ್ದರಂತೆ ರಾಧಿಕಾಗೆ. ಇದೀಗ ಕೆಲವೇ ದಿನಗಳಲ್ಲಿ ಪ್ರಶ್ನೆಗೆ ಉತ್ತರ ನೀಡಲಿದ್ದಾರೆ ರಾಧಿಕಾ.