ಈ ಸಂಜೆ ಸರ್ಪ್ರೈಸ್ ನೀಡಲಿದ್ದಾರಂತೆ ರಾಧಿಕಾ ಪಂಡಿತ್

ರಾಖಿ ಕಳುಹಿಸಲು ಆಗುತ್ತಿಲ್ಲ

ರಾಧಿಕಾ ಪಂಡಿತ್ ಅವರ ಸಹೋದರ ಗೌರಂಗ್ ಪಂಡಿತ್, ಪತ್ನಿ ಮತ್ತು ಮಗಳ ಜತೆಗೆ ಅಮೆರಿಕದ ಷಿಕಾಗೋದಲ್ಲಿ ನೆಲೆಸಿದ್ದಾರೆ. ಹೀಗಾಗಿ ಈ ಬಾರಿ ನಿನಗೆ ರಾಖಿಯನ್ನು ಕಳುಹಿಸಲು ಕೂಡ ಸಾಧ್ಯವಾಗುತ್ತಿಲ್ಲ ಎಂದು ರಾಧಿಕಾ ಬೇಸರ ವ್ಯಕ್ತಪಡಿಸಿದ್ದಾರೆ.

ನೀನಿನ್ನೂ ಚಿಕ್ಕ ಮಗು

ರಾಖಿ ಕಳುಹಿಸಲಾಗದೆ ಇದ್ದರೂ ಷಿಕಾಗೋದಲ್ಲಿರುವ ನನ್ನ ಡಾರ್ಲಿಂಗ್ ಗೌರಂಗ್‌ಗೆ ತುಂಬು ಪ್ರೀತಿಯನ್ನು ಕಳುಹಿಸುತ್ತಿದ್ದೇನೆ. ನೀನಿನ್ನೂ ನನ್ನ ಚಿಕ್ಕ ಮಗು. ಮಿಸ್ ಯು ಗೊಲ್ಲು ಎಂದು ರಾಧಿಕಾ, ತಮ್ಮನ ಕುರಿತಾದ ಪ್ರೀತಿಯನ್ನು ಹಂಚಿಕೊಂಡಿದ್ದಾರೆ.

ಸಂಜೆ ಸಣ್ಣ ಸರ್ಪ್ರೈಸ್

ನನ್ನ ಎಲ್ಲ ವಿಶೇಷ ಸಹೋದರರು ಹಾಗೂ ಸಹೋದರಿಯರಿಗೆ ರಕ್ಷಾ ಬಂಧನದ ಶುಭಾಶಯಗಳು ಎಂದು ರಾಧಿಕಾ ತಿಳಿಸಿದ್ದಾರೆ. ಜತೆಗೆ ಈ ಸಂಜೆ ನಮ್ಮ ಸಣ್ಣದೊಂದು ಸರ್ಪ್ರೈಸ್‌ ಅನ್ನು ನೋಡಿ ಎನ್ನುವ ಮೂಲಕ ಕುತೂಹಲ ಮೂಡಿಸಿದ್ದಾರೆ.

ಯಶ್ ರಕ್ಷಾಬಂಧನ

ನಟ ಯಶ್ ಕೂಡ ಪ್ರತಿ ಬಾರಿ ಸಹೋದರಿ ನಂದಿನಿ ಅವರನ್ನು ಭೇಟಿ ಮಾಡಿ ರಾಖಿ ಕಟ್ಟಿಸಿಕೊಳ್ಳುತ್ತಿದ್ದರು. ಈ ಹಿಂದಿನಂತೆ ವಿಶೇಷವಾಗಿ ರಕ್ಷಾಬಂಧನ ನಡೆಸಲು ಅವರಿಗೆ ಸಾಧ್ಯವಾಗುತ್ತಿಲ್ಲ. ಇತ್ತೀಗಷ್ಟೇ ಎರಡನೆಯ ಮಗುವಿನ ತಾಯಿಯಾಗಿರುವ ತಂಗಿಯನ್ನು ಸಂಜೆ ವೇಳೆ ಭೇಟಿ ಮಾಡಿ ಯಶ್ ರಾಖಿ ಕಟ್ಟಿಸಿಕೊಳ್ಳಲಿದ್ದಾರೆ.