ಮತ್ತೊಮ್ಮೆ ಸವಾರಿ ಹೊರಟ ನಟ ರಘು ಮುಖರ್ಜಿ

ಸವಾರಿ ಚಿತ್ರದಲ್ಲಿ ಶ್ರೀನಗರ ಕಿಟ್ಟಿ ಹಾಗೂ ರಘುವಿನ ಜುಗಲ್ ಬಂದಿಯಿತ್ತು. ಆ ಚಿತ್ರ ಯಶಸ್ವಿಯಾಯ್ತು. ಅದರ ಯಶಸ್ಸನ್ನ ಎನ್‌ಕ್ಯಾಷ್ ಮಾಡಿಕೊಳ್ಳಲೆಂದೇ ಚಿತ್ರತಂಡ ಇದಕ್ಕೆ 'ಸವಾರಿ ಟು 1000 ಎಡಿ' ಈ ಹೆಸರಿಟ್ಟಿರಬೇಕು. ತಿಮ್ಮಾಪಳ್ಳಿ ಚಂದ್ರ ನಿರ್ದೇಶಕ. ಅವರೇ ಈ ಚಿತ್ರಕ್ಕೆ ಕಥೆ ಚಿತ್ರಕಥೆ ಸಂಭಾಷಣೆ ಬರೆದು ನಿರ್ದೇಶಿಸುತ್ತಿದ್ದಾರೆ. ಇದೇ ತಿಂಗಳ ಹದಿನೇಳಕ್ಕೆ ಮುಹೂರ್ತ ನೆರವೇರಲಿದೆ.

ಪಿ ಚಂದ್ರಶೇಖರ್ ಎಂಬುವವರು ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಮಿಲನ ಎಂಬ ಹೊಸ ಹುಡುಗಿಯೊಬ್ಬಳು ನಾಯಕಿಯಾಗಿ ಪರಿಚಯವಾಗುತ್ತಿದ್ದಾರೆ. ರಂಗಾಯಣ ರಘು, ರಾಮಕೃಷ್ಣ, ಚಿತ್ರಾ ಶೆಣೈ, ವೀಣಾ ಸುಂದರ್ ಈ ಚಿತ್ರದ ಕೆಲ ಪ್ರಮುಖ ಪಾತ್ರಧಾರಿಗಳು. (ಒನ್‌ಇಂಡಿಯಾ ಕನ್ನಡ)